ᐱᓕᕆᐊᖑᔪᒪᔪᑦ

ᐃᖏᕐᕋᑎᓐᓂᐊᕐᓗᒋᑦ ᕿᑭᖅᑕᓂ ᓱᕈᖅᓴᐃᓐᖏᑦᑐᓂᒃ ᐆᒻᒪᖁᑎᖃᓕᕐᑎᑦᑎᓂᖅ ᐱᓇᓱᐊᖃᑎᒋᓗᒋᑦ ᓄᓇᓖᑦ, ᐋᕿᒃᓯᓗᑎᒃ ᓄᓇᒥᒃ ᓱᕈᖅᓴᐃᓐᖏᑦᑐᓂᒃ ᐆᒻᒪᖁᑎᖃᕐᕕᖃᕐᓗᑎᒃ ᐱᕙᓪᓕᐊᑦᐊᕈᑕᐅᔪᓐᓇᕐᓗᓂ ᒪᑭᒪᔾᔪᑕᐅᓗᓂ, ᐃᓅᓯᖃᑦᑎᐊᕈᑕᐅᓗᓂ ᐊᒻᒪ ᐊᕙᑎᖓᓐᓄᑦ ᐃᑲᔫᑎᖃᖅᖢᓂ.

ᐃᒪᓐᓇ ᐱᓕᕆᕙᒃᑐᒍᑦ

ᓄᓇᕗᑦ ᓄᒃᑭᒃᓴᐅᑎᑦ ᑯᐊᐳᕆᓴᓐ ᓴᕿᑕᐅᓚᐅᖅᑐᖅ ᐱᓕᕆᖁᓪᓗᒍ ᓱᕈᖅᓴᐃᓐᖏᑦᑐᒥᒃ ᐆᒻᒪᖁᑎᖃᕐᕕᖕᓂᒃ ᓴᓇᓗᑎᒃ ᑕᒪᐃᓐᓂ ᕿᑭᖅᑕᓂ ᓄᓇᖓᓐᓂ. ᐱᓇᓱᐊᖃᑎᒋᓗᒋᑦ ᕿᑭᖅᑕᓂ ᓄᓇᓖᑦ ᖃᑭᔾᔪᑎᒃᓴᕆᔭᐅᑎᓪᓗᒍ, ᓇᖕᒥᓂᕆᓗᒍ, ᐊᒻᒪᓗ ᐃᖏᕐᕋᑎᓪᓗᒍ ᓄᓇᓕᖕᓂ ᓄᓇᒥᑦ ᐆᒻᒪᖁᑎᒃᑯᕕᖃᕐᓗᑎᒃ. ᐅᐱᒍᓱᒃᑐᒍᑦ ᓄᓇᕘᑦ ᓯᕗᓪᓕᖅᐹᖑᖅᑎᓯᒪᔭᕗᑦ 100% ᐃᓄᖕᓂᑦ-ᐱᖁᑎᒋᔭᐅᔪᖅ ᓱᕈᖅᓴᐃᓐᖏᑦᑐᖅ ᐆᒻᒪᖁᑎᖃᕐᕕᖕᓂᒃ ᓴᓇᔭᕗᑦ.

ᐊᔾᔨᐅᓐᖏᑦᑐᒦᑦᑐᒍᑦ ᐃᓂᒋᔭᖃᖅᖢᑕ ᑐᑭᓯᓂᐊᕐᓗᒍ ᑭᓱᓂᒃ ᐱᔭᕆᐊᖃᕐᒪᖔᑦᑕ ᐊᒻᒪᓗ ᐊᑦᑕᕐᓇᖅᑑᑎᑦ ᐃᓗᐊᓂ ᓄᓇᒥᑦ ᐆᒻᒪᖁᑎᓕᕆᓂᖅ ᓄᓇᕗᒻᒥ. ᐱᓕᕆᐊᕆᔭᕗᑦ ᑕᒪᐃᓐᓄᑦ ᐃᓂᖃᖅᑐᒍᑦ ᐊᑐᖅᑕᐅᓕᖁᓪᓗᒍ, ᓴᓇᓪᓗᒍ, ᐊᒻᒪᓗ ᖃᐅᔨᒪᓪᓗᑕ ᐅᓇ ᐃᓄᖕᓂᑦ-ᓇᖕᒥᓂᕆᔭᐅᔪᖅ ᐊᒻᒪᓗ ᐊᐅᓚᑕᐅᔪᖅ ᓄᓇᒥᒃ ᓱᕈᖅᓴᐃᓐᖏᑦᑐᓂᒃ ᐆᒻᒪᖁᑎᖃᕐᑎᑦᑎᕕᑦ ᐊᒻᒪᓗ ᐆᒻᒪᖁᑎᖃᕐᕕᖕᓄᑦ ᐃᓂᖃᕐᑎᑦᑎᕕᖏᑦ.

ᖃᓄᖅ ᐱᓕᕆᕙᒃᑕᕗᑦ

ᓄᓇᓕᖕᓂ ᐱᓇᓱᐊᖃᑎᖃᖅᖢᑕ

ᐃᓗᐊ ᑕᒪᐃᓐᓄᑦ ᐱᔅᓂᔅᓕᕆᔾᔪᑎᒋᔭᕗᑦ ᐊᑐᖅᑕᐅᓕᖁᓪᓗᒍ ᓄᓇᓖᑦ ᐅᒻᒪᖁᑎᖃᕐᕕᖃᕐᓗᑎᒃ. ᓄᓇᒥᑦ ᐆᒻᒪᖁᑎᖃᕐᕕᑦ ᐱᑕᖃᖅᑐᑦ ᐊᖏᔪᒥᒃ ᑮᓇᐅᔭᓕᐅᖅᑎᑦᑎᔪᓐᓇᖅᑐᑦ ᐊᒻᒪᓗ ᐃᓅᓯᖏᓐᓄᑦ ᐋᕿᐅᑎᒃᓴᓂᒃ ᓄᓇᓕᖕᓂ ᐱᑕᖃᖅᑐᖅ ᑕᐃᒪᓗ ᓴᖕᖏᓂᖅᑖᕐᓂᐊᕐᒪᑕ ᓄᓇᖁᑎᑦᑎᒍᑦ ᑖᒃᑯᐊ ᓴᓇᔨᐅᓂᐊᕐᒪᑕ ᐃᖏᕐᕋᑎᑦᑎᓗᑎᒃ.

ᑕᐃᑲᓂᓄᓇᕗᑦ ᓄᒃᑭᒃᓴᐅᑎᑦ ᑯᐊᐳᕆᓴᓐ ᖃᐅᔨᒪᔪᒍᑦ ᑖᒃᑯᐊ ᓄᓇᓖᑦ ᐱᖃᕐᒪᑕ ᐊᒥᓱᓂᒃ ᓯᕗᓪᓕᖅᐸᐅᑎᔭᐅᖁᔭᐅᔪᓂᒃ ᐅᓄᓐᖏᑑᓪᓗᑎᒡᓗ ᐃᑲᔫᑎᒃᓴᐃᑦ. ᐸᕐᓇᐃᓂᖅ, ᑮᓇᐅᔭᒃᓴᖃᕐᑎᑦᑎᓂᖅ, ᐊᒻᒪᓗ ᑐᓂᓯᓯᒪᓂᖅ ᓄᓇᒥᑦ ᐆᒻᒪᖁᑎᖃᕈᑎᒃᓴᖏᓐᓄᑦ ᐊᒃᓱᕈᖅᑎᑦᑎᔪᓐᓇᖅᑐᑦ ᕼᐋᒻᓚᒃᑯᑦ ᐃᑲᔫᑎᒐᓗᐊᖏᓐᓂᒃ. ᑕᒪᓐᓇ ᐊᒃᓱᕈᓗᐊᕈᓐᓃᖅᑎᑦᑎᔪᓐᓇᖅᑐᖅ, ᐊᑐᖅᑕᐅᓕᖁᔭᕗᑦ ᐊᔾᔨᐆᓐᖏᑑᖕᒪᑕ ᐊᕕᒃᑐᖅᓯᒪᔪᑦ-ᓄᓇᓕᑦ ᑖᒃᑯᓇᖓᑦ ᐱᖁᑎᒋᔭᐅᓗᑎᒃ.

ᐅᓇ ᐊᕕᒃᑐᖅᓯᒪᔪᓂ-ᓄᓇᓕᖕᓂ ᐱᖁᑎᒋᔭᐅᓂᖓ ᑐᑭᖃᖅᑐᖅ ᑕᒪᐃᓐᓂᑦ ᐊᑐᖅᑕᐅᔪᓐᓇᖅᑐᖅ ᓇᖕᒥᓂᕆᔭᐅᓗᓂ ᓄᓇᒥᑦ ᐆᒻᒪᖁᑎᖃᕐᕕᒃ ᐊᕙᑖᓂᑦ ᓄᓇᕗᑦ ᓄᒃᑭᒃᓴᐅᑎᑦ ᑯᐊᐳᕆᓴᓐ ᐊᒻᒪᓗ ᓄᓇᑦᓯ. ᐅᓇ ᑕᒪᐃᓐᓂᑦ ᐊᑐᖅᓯᖃᑎᒌᖕᓂᖅ ᐋᕿᒃᓯᒪᔪᖅ ᐊᔪᕈᓐᓃᖅᑎᑦᑎᓂᐊᕐᒪᑦ ᓄᓇᓕᖕᓂ ᓯᕗᓕᐅᖅᑎᐅᓗᑎᒃ ᐃᖏᕐᕋᑎᑦᑎᔨᐅᓗᑎᒃ ᐱᓕᕆᐊᒃᓴᓂᒃ, ᑕᐃᒪᓂᓗ ᐱᓕᕆᐊᒃᓴᐃᑦ ᐱᕙᓪᓕᐊᔭᕆᐊᖃᖅᑐᑦ ᐱᔾᔪᑎᒋᓪᓗᒋᑦ, ᑐᓂᓗᒋᑦ ᓄᓇᓕᖕᓂ ᑮᓇᐅᔭᖃᕈᓐᓇᕐᓂᐊᕐᒪᑕ, ᐃᓅᓯᓕᕆᓂᕐᒧᑦ ᐋᕿᐅᑎᓂᖅᓴᐅᓯᒪᓗᑎᒃ, ᐊᒻᒪᓗ ᐊᕙᑎᖓᓄᑦ ᐃᑲᔫᑎᔪᑦ ᓄᓇᑦᓯᓐᓂᑦ ᐊᒃᓱᕈᖅᑎᑦᑎᓐᖏᓪᓗᓯ ᓄᓇᑦᓯᓐᓂ ᐃᑲᔫᑎᑐᐊᑦᓯᓐᓂᒃ. ᐅᓇ ᑐᕌᕆᔭᕗᑦ ᑕᒡᕗᖓ ᓄᓇᕗᑦ ᓄᒃᑭᒃᓴᐅᑎᑦ ᑯᐊᐳᕆᓴᓐ ᐃᑲᔪᕐᓗᑕ ᓄᓇᓕᖕᓂ ᓄᓇᒥ ᐆᒻᒪᖁᑎᖃᕈᑎᒃᓴᓄᑦ ᑕᒪᓐᓇ ᑕᐃᒪᓐᓇᐅᓪᓚᑖᓕᖅᑎᓪᓗᒍ.

ᐃᓚᓕᐅᑎᓗᒋᑦ ᐋᕿᒍᑎᓂᐊᖅᑐᑦ

ᓄᓇᕗᑦ ᓄᒃᑭᒃᓴᐅᑎᑦ ᑯᐊᐳᕆᓴᓐ ᓴᓇᔪᓐᓇᖅᑐᑦ ᓇᖕᒥᓂᖅ ᓄᓇᒥᒃ ᐆᒻᒪᖁᑎᖃᕈᑎᒃᓴᓂᒃ ᐃᓄᒃ ᐱᔪᒪᑎᓪᓗᒍ ᐊᒻᒪᓗ ᐃᑲᔫᑎᒃᓴᓄᑦ ᐊᑐᓂ ᓄᓇᓕᖕᓄᑦ. ᑕᐃᒪᓐᓇ ᐱᓕᕆᖃᑦᑕᖅᑐᒍᑦ ᓂᕈᐊᖅᓯᓪᓗᑕ ᑲᑎᑦᑐᓐᓇᖅᑐᓂᒃ ᓱᕈᖅᓴᐃᓐᖏᑦᑐᓂᒃ ᐆᒻᒪᖁᑎᓕᕆᔾᔪᑎᓂᒃ ᓲᕐᓗ ᓯᕿᓂᕐᒥᑦ ᐆᒻᒪᖅᓴᐅᑎᑦ, ᐊᓄᕆᒥᑦ, ᐃᒪᕐᒥᑦ, ᐃᒪᕕᐅᑉ ᒪᓪᓕᖓᓂᑦ, ᐊᒻᒪᓗ ᐆᒻᒪᖁᑎᖃᕐᕕᒃᓴᓄᑦ ᓄᐊᑦᑎᕕᑦ ᒪᓕᒡᖢᒋᑦ ᖃᓄᖅ ᐋᕿᒃᓯᒪᕕᒋᔪᓐᓇᖅᑕᖏᑦᑎᒍᑦ ᐊᑐᓂ ᓄᓇᓖᑦ. ᑕᒪᐃᓐᓄᑦ ᑐᕌᕆᔭᕗᖅ ᓴᕿᑦᑎᓗᑕ ᐋᕿᒍᑎᒃᓴᓂᒃ ᐊᑭᑐᓐᖏᑦᑐᓂᒃ, ᐊᑑᑎᖃᖅᑐᓂᒃ ᐊᒻᒪᓗ ᐱᔭᐅᔪᓐᓇᖅᑐᓂᒃ ᐊᖏᓛᖅ ᐃᑲᔫᑎᒋᔪᖅ ᓄᓇᓕᖕᓄᑦ.

ᓴᓇᖃᑎᒋᓗᑎᑦ ᓄᓇᓯ ᖃᐅᔨᓇᓱᒡᓗᑕ ᓇᓂ ᐆᒻᒪᖁᑎᖃᕐᕕᖃᕋᔭᕐᒪᖔᑕ, ᖃᓄᑐᐃᓐᓇᖅ ᑕᒪᒃᑯᓄᖓ ᐃᒡᓗᑉ ᖃᖓᓂ ᓯᕿᓂᕐᒧᑦ ᐆᒻᒪᖁᑎᖃᐅᑎᑦ ᐋᕿᒃᓱᕐᓗᒋᑦ, ᓇᒧᑦ ᑎᑭᐅᑎᓯᒪᒐᔭᕐᓂᖓ ᐆᒻᒪᖁᑎᖃᕐᑎᑦᑎᓗᓂ, ᐸᑕᓖ ᐃᓂᖏᑦ, ᐅᒡᕙᓘᓐᓃᑦ ᐊᓄᕆᒧᑦ ᐆᒻᒪᖁᑎᖃᐅᑎᒃᓴᐃᑦ ᐸᐱᕈᓕᑦ. ᐱᑕᖃᖅᑐᖅ ᐊᔾᔨᒌᓐᖏᑦᑐᓂᒃ With a ᑕᒪᒃᑯᓄᖓᓗ ᐊᒥᓱᓄᑦ ᐊᔾᔨᒌᓐᖏᑦᑐᓄᑦ ᐊᑕᔪᓄᑦ ᖃᕆᓴᐅᔭᕐᓄᑦ ᐊᑐᐃᓐᓇᐅᔪᑦ ᐊᑭᑐᓗᐊᓐᖏᑎᑦᑎᔪᓐᓇᖅᑐᑦ ᖃᐅᒻᒪᖁᑎᖃᕐᕕᑦᓯᓐᓄᑦ, ᓄᓇᒥᑦ ᐆᒻᒪᖁᑎᖃᕐᕕᖃᖅᓗᓂ ᐊᑐᕈᓐᓇᖅᑐᑦ ᐊᑯᓂᒻᒪᕆᐋᓗᒃ, ᐊᑐᐃᓐᓇᕈᓐᓇᕐᓂᐊᖅᑐᖅ ᓄᓇᓕᖕᓄᑦ ᐆᒻᒪᖁᑎᖃᕐᓗᑎᒃ ᐊᓯᒥᖕᓂᑦ ᐱᒋᔭᐅᓐᖏᓪᓗᓂ.

ᑐᑭᓯᔪᒍᑦ ᑕᒪᕐᒥᒃ ᐱᕙᓪᓕᐊᔾᔪᑎᒋᓂᐊᖅᑐᑦ ᓴᓇᕙᓪᓕᐊᓗᒋᑦ ᓄᓇᒥᑦ ᐆᒻᒪᖁᑎᖃᕐᕕᒃᓴᓕᐅᕐᓗᓂ, ᐃᓚᒋᔭᐅᓗᑎᒃ ᐸᕐᓇᐃᓂᖅ, ᐱᕙᓪᓕᐊᑎᑦᑎᓂᖅ, ᓴᓇᓂᖅ, ᓴᓇᔭᐅᔪᓄᑦ ᑮᓇᐅᔭᒃᓴᖃᕐᑎᑦᑎᓂᖅ, ᓴᓇᔭᐅᓗᓂ ᐊᒻᒪᓗ ᐃᖏᕐᕋᓯᑎᓪᓗᒋ ᐊᐅᓚᔾᔪᑎᖏᑦ. ᑕᐃᒪᓗ ᓴᓇᓪᓗᒋᑦ ᖃᐅᔨᒪᓪᓗᓂ ᐱᒋᓂᐊᖅᑕᑎᑦ ᓇᖕᒥᓂᖅ ᐱᓇᓱᐊᖃᑎᒋᓗᒋᑦ ᓄᓇᑎᑦ ᑕᒪᐃᓐᓄᑦ ᐊᑐᖅᑕᐅᔪᓐᓇᕐᓂᓕᒫᖓ ᓇᐸᓂᓕᒫᖓᓄᑦ, ᓄᓇᕗᑦ ᓄᒃᑭᒃᓴᐅᑎᑦ ᑯᐊᐳᕆᓴᓐ ᑲᔪᖏᑦᑎᐊᖅᑐᖅ ᐃᖏᕐᕋᑦᑎᐊᖁᓪᓗᒋᑦ ᑕᒪᕐᒥᒃ ᓄᓇᒥᑦ ᐆᒻᒪᖁᑎᖃᕈᑎᑦ ᓄᓇᕗᒻᒥ ᖃᕆᓴᐅᔭᕐᓄᑦ ᐊᑕᔪᖏᑦ ᐊᒻᒪᓗ ᑮᓇᐅᔭᒃᓴᖃᖅᑎᓪᓗᒋᑦ ᐃᑲᔫᑎᓂᐊᕐᒪᑕ ᓯᕗᓂᒃᓴᑦᑎᓐᓂ ᐃᓅᓂᐊᖅᑐᓄᒃ.

ᐅᖃᕐᕕᒋᑎᒍᑦ

 nunavutcleanenergy.ca

nnc@qcorp.ca

867-979-8400

ᑎᑎᖃᒃᑯᕕᒃᑯᑦ ᑐᕌᕈᑎᕗᑦ
922 ᓂᐊᖁᖕᖒᓯᐊᖅ ᐊᖁᑎ
ᑎᑎᖃᒃᑯᕕᒃ 1228
ᐃᖃᓗᐃᑦ, ᓄᓇᕗᑦ
X0A 0H0

ᖃᓄᕆᑑᓂᖓ ᑲᒻᐸᓂ
ᑕᒪᕐᒥᒃ-ᓇᖕᒥᓂᖁᑎᒋᔭᐅᕗᖅ

ᐊᕐᕌᒍ ᓴᕿᑕᐅᕕᖓ
2017

ᓇᓂ
ᐃᖃᓗᐃᑦ, ᓄᓇᕗᑦ

ᐅᓄᕐᓂᖏᑦ ᐃᖅᑲᓇᐃᔭᖅᓯᕗᑦ
6

ᐅᓄᕐᓂᖏᑦ ᐃᖅᑲᓇᐃᔭᖅᓯᕗᑦ
50%

ᐃᖅᑲᓇᐃᔮᒃᓴᐃᑦ

ᖃᐅᔨᒋᐊᑲᓐᓂᕐᕕᒋᕙᒡᓗᒋᑦ ᓯᕗᓂᒃᓴᑦᑎᓐᓂ ᐃᖅᑲᓇᐃᔮᒃᓴᖅᑕᖃᕐᒪᖔᑕ

ᐱᔨᑦᑎᕋᐅᑎᑦ

ᐱᓕᕆᐊᓂᒃ ᐸᕐᓇᐃᓂᖅ ᐊᒻᒪᓗ ᐱᕙᓪᓕᐊᑎᑦᑎᓂᖅ

ᐊᐅᓚᐅᓯᕆᓂᖅ ᐊᒻᒪᓗ ᓴᓇᓂᖅ ᓇᑉᐸᖅᓯᓂᖅ

ᐃᖏᕐᕋᑎᑕᐅᓗᓂ ᐊᒻᒪᓗ ᓴᓇᔭᐅᖃᑦᑕᕐᓗᓂ

ᐱᓕᕆᐊᒃᓴᒧᑦ ᑮᓇᐅᔭᒃᓴᐃᑦ ᐊᒻᒪᓗ ᑮᓇᐅᔭᐅᕈᑕᐅᔪᓐᓇᕐᓂᖓᑕ ᐋᕿᒃᓯᒪᓂᖓ

ᐆᒻᒪᖁᑎᖃᕐᑎᑦᑎᓂᖓ ᖃᐅᔨᓇᓱᒃᑕᐅᑦᑎᐊᕐᓗᓂ

ᓄᓇᖓᑕ ᐊᕙᑖ ᓄᓇᓐᖑᐊᓕᐊᖑᓗᓂ

ᑲᔪᓯᔪᓐᓇᕐᒪᖔᑦ ᑲᔪᓯᔪᓐᓇᓐᖏᒻᒪᖔᑦ ᐃᓕᑕᐅᓇᓱᒡᓗᑎᒃ

Related Projects