ᓄᓇᓕᖕᓄᑦ ᖃᑭᔾᔪᑎᒃᓴᐃᑦ

ᖃᑭᔾᔪᑎᒃᓴᑦ ᑮᓇᐅᔭᓕᐅᕈᑎᒃᓴᑦ ᓄᓇᓕᖕᓂ ᐊᒻᒪᓗ ᐃᓄᖁᑎᑦᑎᓄᑦ

ᕿᑭᖅᑖᓗᒃ ᑯᐊᐳᕆᓴᓐ ᐊᖏᖅᓯᒪᑦᑎᐊᖅᐳᖅ ᖃᑭᔾᔪᑎᒃᓴᓕᐅᑲᓐᓂᖁᒪᓪᓗᑎᒃ ᑮᓇᐅᔭᓕᐅᕈᑎᓗᒋᑦ ᓄᓇᕗᑦ. ᐊᕐᕌᒍᑕᒫᑦ ᐃᑲᔪᕐᓗᒋᑦ ᒪᒃᑯᒃᑐᑦ, ᓯᕗᓕᐅᖅᑎᑦ ᐊᒻᒪᓗ ᓄᓇᓕᖕᓂ ᐃᑲᔫᑎᑦ ᐊᒻᒪᓗ ᑮᓇᐅᔭᒃᓴᖃᖅᑎᑦᑎᓂᖅ ᖃᓄᐃᓕᐅᕈᑕᐅᔪᓄᑦ, ᓄᓇᓕᖕᓄᑦ ᑲᑎᒪᔨᓄᑦ, ᐱᓕᕆᑎᑦᑎᔾᔪᑕᐅᔪᓄᑦ ᐊᒻᒪᓗ ᑭᓇᑐᐃᓐᓇᒧᑦ.

qpi-hockey-sponsorship

ᓄᓇᓕᖕᓂ ᖃᑭᔾᔪᑎᒃᓴᓕᕆᓂᖅ ᑮᓇᐅᔭᓕᐅᕈᑎᑦ ᐱᓕᕆᑎᑦᑎᔾᔪᑕᐅᔪᖅ

ᑖᒃᑯᑎᒍᑦ ᓄᓇᓕᖕᓂ ᖃᑭᔾᔪᑎᒃᓴᓕᕆᓂᖅ ᑮᓇᐅᔭᓕᐅᕈᑎᑦ ᐱᓕᕆᑎᑦᑎᔾᔪᑕᐅᔪᑦ, ᕿᑭᖅᑖᓗᒃ ᑯᐊᐳᕆᓴᓐ ᐃᑲᔪᖅᑐᖅ ᐃᖏᕐᕋᓯᑎᑕᐅᓯᒪᔪᓂᒃ ᐊᐅᓪᓗᑎᔪᑦ ᒪᒃᑯᒃᑐᓂᒃ, ᓄᓇᓕᖕᓂ, ᓯᕗᓕᐅᖅᑎᓂᑦ ᐊᒻᒪᓗ ᐱᖁᓯᑐᖃᐃᑦ ᐃᓅᔾᔪᓯᑦ. ᐅᓇ ᓄᓇᓕᖕᓂ ᖃᑭᔾᔪᑎᒃᓴᓕᕆᓂᖅ ᑮᓇᐅᔭᓕᐅᕈᑎᑦ ᐱᓕᕆᑎᑦᑎᔾᔪᑕᐅᔪᖅ ᑮᓇᐅᔭᒃᓴᖅᑖᕈᑎᑦ ᑕᑕᑎᕆᐊᓕᑦ ᒪᓕᒡᓗᒍ ᑮᓇᐅᔭᒃᓴᖅ ᑐᓂᔭᐅᔪᖅ ᐊᑐᓂ ᐃᓄᖕᒧᑦ, ᓄᓇᓕᖕᓂ-ᐃᓗᐊᓂ ᐱᓕᕆᑎᑦᑎᔾᔪᑕᐅᔪᑦ ᐊᒻᒪᓗ ᐊᐅᓚᑦᓯᔨᑦ ᖃᐅᔨᒪᓕᕐᑎᑦᑎᔪᑦ ᒪᒃᑯᒃᑐᓂᒃ ᐱᕙᓪᓕᐊᑎᑦᑎᔪᑦ, ᐱᖁᓯᑐᖃᑦ ᐃᓅᔾᔪᓯᕐᓄᑦ ᐱᓕᕆᑎᑦᑎᔾᔪᑕᐅᔪᑦ ᐊᒻᒪᓗ ᓄᓇᓕᖕᓂ ᐋᓐᓂᐊᖃᖅᑕᐃᓕᑎᑦᑎᓂᖅ.

ᐊᒥᓲᓕᖅᑐᑦ ᐊᕐᕌᒍᑦ ᐊᓂᒍᖅᑐᑦ, ᕿᑭᖅᑖᓗᒃ ᑯᐊᐳᕆᓴᓐ ᑐᓂᓯᖃᑦᑕᖅᓯᒪᔪᖅ ᒪᒃᑯᒃᑐᓄᑦ ᐱᓕᕆᑎᑦᑎᔾᔪᑕᐅᔪᓄᑦ, ᕼᐋᒻᓚᒃᑯᑦ ᓂᕿᓂᒃ ᓄᐊᑦᑎᕕᖓᑦ, ᕼᐋᒻᓚᒃᑯᑦ ᖁᕕᐊᓱᒡᕕᖕᒥ ᐱᖕᖑᐊᖅᑎᑦᑎᔾᔪᑎᖏᑦ, ᐊᒻᒪᓗ ᐱᒡᒍᓴᐅᑎᔪᑦ ᐃᓚᒌᖕᓄᑦ ᐊᒻᒪᓗ ᖃᓄᐃᓕᐅᕈᑕᐅᔪᓄᑦ. ᕿᑭᖅᑖᓗᒃ ᑯᐊᐳᕆᓴᓐ ᐃᑲᔪᖅᒥᔪᖅ ᓄᓇᕗᒻᒥᐅᓂᒃ ᐃᓚᐅᑎᓪᓗᒋᑦ ᖃᓄᐃᓕᐅᖅᑐᖃᖅᐸᑦ ᐱᒡᒍᓴᐅᑎᑦᑎᓂᕐᒧᑦ ᐃᓕᓐᓂᐊᕐᕕᑦ, ᐃᓕᓐᓂᐊᕈᑎᑦ ᐊᒻᒪᓗ ᓯᕗᓕᐅᕆᓂᕐᒧᑦ ᑲᑎᒪᕕᒃᔪᐊᕐᓂᖅ, ᒪᒃᑯᒃᑐᓂᒃ ᐱᐅᓂᑭᓴᐅᑎᔪᑦ ᐊᒻᒪᓗ ᓯᕗᓕᐅᑎᒃᓴᐅᓂᕐᒧᑦ ᐃᓕᓐᓂᐊᕈᑎᑦ.

qpi-scholarship

ᐳᖅᑐᓂᖅᓴᒥᒃ-ᐃᓕᓐᓂᐊᕐᕕᑦ ᑮᓇᐅᔭᒃᓴᖏᑦ

ᐊᕐᕌᒍᑕᒫᑦ, ᕿᑭᖅᑖᓗᒃ ᑯᐊᐳᕆᓴᓐ ᓇᖕᒥᓂᖁᑎᖏᓪᓗ ᑐᓂᓯᓲᑦ ᐃᓕᓐᓂᐊᖅᑐᓄᑦ ᑮᓇᐅᔭᒃᓴᓂᒃ ᐊᔪᖏᑦᑎᐊᖅᑐᓄᑦ ᐃᓄᖕᓄᑦ ᐃᓕᓴᖅᑐᓄᑦ ᐊᑕᐃᓐᓇᖅᑐᒥᒃ ᓯᓚᑦᑐᖅᓴᕐᕕᖕᒥ ᐅᒡᕙᓘᓐᓃᑦ ᐃᓕᓐᓂᐊᕐᕕᒃᔪᐊᒥᐃᓕᓴᕆᔭᐅᓯᒪᔪᖅ ᓇᓗᓇᐃᒃᑯᑕᖅᑖᕈᑎᓕᒃ ᐃᓕᓐᓂᐊᕐᕕᑦ ᑲᓇᑕᒥ. ᐱᑎᑕᐅᖄᕈᒪᓲᑦ ᐊᔪᖏᑦᑐᑦ ᐃᓕᓴᖅᑐᑦ ᑮᓇᐅᔭᓕᕆᓂᕐᒥᒃ, ᓈᓴᐅᓯᕆᓂᕐᒥᒃ, ᐊᐅᓚᑦᑎᓂᕐᒥᒃ, ᐃᒡᓗᑦ ᐊᐅᓚᑕᐅᓂᖏᑦ, ᐃᒡᓗᓕᐅᖅᑐᑦ, ᑕᐅᖅᓰᓂᖅ, ᓂᐅᕕᕐᕕᖕᓂᒃ ᐊᐅᓚᑦᑎᓂᖅ, ᐱᔅᓂᔅ ᐊᐅᑦᑎᔪᓐᓇᕐᓂᖅ, ᐊᕙᑎᓕᕆᓂᕐᒧᑦ ᐱᔨᑦᑎᕋᐅᑎᑦ ᐅᒡᕙᓘᓐᓃᑦ ᐊᖏᔪᓂᒃ ᓴᓇᔭᐅᔪᓂ ᐊᐅᓚᑦᑎᔨᐅᓂᖅ.

ᖃᐅᔨᒋᐊᖃᑦᑕᕐᓗᑎᑦ ᐆᒃᑐᖅᓯᒍᑎᑦ ᐱᔪᒪᔭᐅᓕᕐᕕᒃᓴᖏᓐᓂᒃ.

20171202_charity-ball-_0015

ᖃᓄᐃᓕᐅᕈᑕᐅᔪᓂᒃ ᑮᓇᐅᔭᖃᕐᑎᑦᑎᓂᖅ

ᐊᕐᕌᒍᑕᒫᑦ, ᕿᑭᖅᑖᓗᒃ ᑯᐊᐳᕆᓴᓐ ᑮᓇᐅᔭᒃᓴᖃᕐᑎᑦᑎᖃᑦᑕᖅᑐᑦ ᖃᓄᐃᓕᐅᕈᑕᐅᔪᓂᒃ ᓲᕐᓗ ᑲᑎᒪᕕᒃᔪᐊᖅᑐᑦ ᐊᒻᒪᓗ ᓂᕆᑎᑦᑎᔪᑦ ᐃᑲᔫᑎᓂᐊᖅᑐᓂᒃ ᖃᐅᔨᒪᔭᐅᓕᑦᑎᐊᕈᑎᒃᓴᓄᑦ ᐊᒻᒪᓗ ᐃᑲᔫᑎᓂᐊᖅᑐᑦ ᐊᕕᒃᑐᖅᓯᒪᔪᓄᑦ ᐊᒻᒪᓗ ᑎᐅᓕᑐᐊᓕ ᐊᒻᒪᓗ ᑐᓂᓪᓗᒋᑦ ᐱᕕᖃᖅᑎᓪᓗᒋᑦ ᑐᑭᓯᓇᓱᐊᖃᑎᒌᖃᑦᑕᕐᓗᑎᒃ ᐊᒻᒻᒪᓗ ᑲᑎᖓᕕᒋᓗᒋᑦ ᒐᕙᒪᒃᑯᑦ, ᐃᓄᐃᑦ ᐊᐅᓚᑦᓯᕕᖏᑦ, ᑮᓇᐅᔭᓕᐅᕐᕕᒋᔭᑎᑦ ᐊᒻᒪᓗ ᐱᔅᓂᔅ.

2017-dividend-cheque-1

ᑮᓇᐅᔭᓕᐊᖏᑦ ᓇᖕᒥᓂᓖᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓄᑦ

ᕿᑭᖅᑖᓗᒃ ᑯᐊᐳᕆᓴᓐ ᐊᑕᐅᓯᐅᕗᖅ ᑕᒪᐃᓐᓄᑦ ᑎᒍᒥᐊᖅᑎᒋᔭᖓᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ. ᕿᑭᖅᑖᓗᒃ ᑯᐊᐳᕆᓴᓐ ᑲᑎᒪᔨᖏᑦ ᐋᕿᒃᓯᕙᒃᑐᑦ ᐊᒻᒪᓗ ᐊᖏᖅᖢᒋᑦ ᕿᑭᖅᑖᓗᒃ ᑯᐊᐳᕆᓴᓐ ᑮᓇᐅᔭᓕᐊᖏᑦ ᓇᖕᒥᓂᓖᑦ ᐊᑐᐊᒐᖅ. ᐅᓇ ᐊᑐᐊᒐᖅ ᑐᑭᒧᐊᒃᑎᑦᑎᕗᖅ ᑕᐃᒫᒃ ᐊᑕᐅᓯᕐᒥ ᐊᕐᕌᒍᒥ, ᕿᑭᖅᑖᓗᒃ ᑯᐊᐳᕆᓴᓐ ᑐᓂᓯᓪᓗᓂ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᑖᒃᑯᓂᖓ ᓇᖕᒥᓂᖃᖃᑕᐅᔾᔪᑎᖏᓐᓄᑦ ᐊᕕᒃᑕᐅᔪᑦ.

ᑐᓂᓪᓗᒋᒃ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐊᕐᕌᒍᑕᒫᑦ ᐅᑎᕐᕕᐅᓗᑎᒃ ᐊᒥᐊᒃᑯᓂᒃ ᑕᐃᒫᒃ ᐃᑲᔫᓯᐊᕈᑎᑦ ᐃᓄᖕᓂᑦ ᒪᑭᒪᔾᔪᑎᒃᓴᓄᑦ ᑮᓇᐅᔭᓕᐊᖏᑦ ᐊᒻᒪᓗ ᐃᖅᑲᓇᐃᔮᕆᓂᐊᖅᑕᖏᓐᓄᑦ ᐃᓕᓐᓂᐊᕈᑕᐅᓂᐊᖅᑐᑦ, ᐊᒻᒪᓗ ᐃᓅᓯᓕᕆᓂᕐᒧᑦ ᐊᒻᒪᓗ ᐃᓅᔾᔪᓯᕐᒧᑦ ᐱᓕᕆᑎᑦᑎᔾᔪᑕᐅᔪᑦ ᐊᒻᒪᓗ ᖃᓄᐃᓕᐅᕈᑕᐅᔪᑦ ᐃᓄᖕᓄᑦ ᐃᓗᐊᓂ ᐊᕕᒃᑐᖅᓯᒪᔪᑦ.

ᑮᓇᐅᔭᓕᐊᖏᑦ ᓇᖕᒥᓂᓖᑦ ᐊᑐᐊᒐᖅ ᓴᕿᑕᐅᓚᐅᕐᒪᑦ, ᕿᑭᖅᑖᓗᒃ ᑯᐊᐳᕆᓴᓐ ᑐᓂᓯᓯᒪᓕᖅᑐᖅ ᐅᖓᑖᓂ $10 ᒥᓕᐊᓐ ᓇᖕᒥᓂᓖᑦ ᐅᑎᕐᕕᐅᓪᓗᑎᒃ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ. ᐅᑯᐊ ᑭᒡᒐᖅᑐᖅᑐᑦ ᕿᑭᖅᑖᓗᒃ ᑯᐊᐳᕆᓴᓐ ᒪᑭᒪᔾᔪᑎᒃᓴᖏᓐᓄᑦ ᑮᓇᐅ.ᓕᐅᕈᓐᓇᖅᖢᑎᒃ ᐊᒻᒪᓗ ᐊᔪᖏᑦᑎᐊᖏᓐᓇᖅᑐᑦ ᑲᔪᓯᑦᑎᐊᖅᑐᑦ ᐊᒥᓱᓄᑦ ᐅᑭᐅᓄᑦ.

ᐊᑖᒍᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐃᓯᖅᑐᑦ ᑮᓇᐅᔭᐃᑦ ᐊᑐᐊᒐᖅ, ᑖᒃᑯᐊ ᐅᑎᖅᑐᑦ ᓇᖕᒥᓂᖃᖃᑕᐅᓂᕐᒧᑦ ᖃᑭᔾᔪᑎᒃᓴᓕᐊᖑᓗᑎᒃ ᐃᑲᔫᑎᒃᓴᑦ ᑮᓇᐅᔭᒃᓴᖓᓄᑦ. ᐅᓇ ᐃᑲᔫᑎᒃᓴᑦ ᑮᓇᐅᔭᒃᓴᖓ ᐱᕈᖅᐸᓪᓕᐊᔪᖅ ᐊᑯᓂᐅᔪᒥᒃ ᐊᒻᒪᓗ ᐊᑭᓕᐅᑕᐅᕙᒃᑐᖅ ᐃᑲᔫᑎᒃᓴᓄᑦ ᑮᓇᐅᔭᒃᓴᐅᓪᓗᓂ. ᐊᒥᓱᑦ ᐱᓕᕆᑎᑦᑎᔾᔪᑕᐅᔪᑦ ᐃᓄᖕᓄᑦ ᑐᓂᔭᐅᕙᒃᑐᑦ ᑕᒪᑐᒪᖓᑦ ᐃᑲᔫᑎᒃᓴᓂᑦ ᑮᓇᐅᔭᒃᓴᖏᓐᓂᑦ.