15,500 ᐃᓄᐃᑦ, 13 ᓄᓇᓖᑦ, 32 ᑲᒻᐸᓂᑦ

ᑲᑐᔾᔨᓪᓗᑕ ᓱᖕᖏᒃᑎᑦᑎᑕᒍᑦ ᑮᓇᐅᔭᓕᐅᕈᓐᓇᕋᑦᑕ ᐊᒻᒪᓗ ᐊᔪᖅᓴᓐᖏᑦᑎᐊᓕᕈᓐᓇᕋᑦᑕ

ᕿᑭᖅᑖᓗᒃ ᑯᐊᐳᕆᓴᓐ

ᐅᑯᐊᖑᕗᒍᑦ

ᐃᓄᐃᖕᓂᑦ ᐱᒋᐊᖅᑎᑕᐅᓯᒪᕗᖅ ᐱᕙᓪᓕᐊᑎᑦᑎᔨᒃᓴᖅ ᑯᐊᐳᕇᓴᓐ ᑖᒃᑯᓄᖓ ᕿᑭᖅᑕᓂ ᓄᓇᖏᓐᓄᑦ, ᐱᔭᒃᓴᖃᖅᐳᒍᑦ ᓴᖕᖏᒃᑎᑦᑎᓪᓗᒋᒃ ᐃᓅᓯᓕᕆᓂᖅ ᐊᒻᒪᓗ ᑮᓇᐅᔭᑎᒍᑦ ᒪᑭᒪᔪᓐᓇᕐᓂᖅ ᖃᓄᐃᖏᑦᑎᐊᖁᓪᓗᒋᑦ ᓄᓇᕗᑦ ᐊᒻᒪᓗ 15,500 ᐃᓄᖏᑦ ᑭᒡᒐᖅᑐᖅᑕᕗᑦ. ᐱᓕᕆᔪᓐᓇᖅᑐᒍᑦ ᖃᐅᔨᒪᔭᐅᒐᑦᑕ ᑕᐃᑲᓂ ᑎᓕᔭᐅᓪᓗᑕ ᕿᑭᖅᑕᓂᒃᑯᓂᑦ ᓴᕿᑦᑎᓪᓗᑎᒃ ᕿᑭᖅᑖᓗᒃ ᑯᐊᐳᕆᓴᓐ 1983-ᒥ ᑮᓇᐅᔭᓕᐅᕋᓱᐊᖅᑎᐅᓐᖏᓐᓇᒥᒃ ᐃᓚᓕᐅᑎᓚᐅᖅᓯᒪᔮᑎᒍᑦ.

ᑐᕌᖅᑕᕗᑦ ᐱᐅᓯᕚᓪᓕᖅᑎᓪᓗᒋᑦ ᐃᓅᓯᓕᕆᓂᖓ ᐊᒻᒪᓗ ᒪᑭᒪᓇᓱᐊᕈᑎᒃᓴᖏᑦ ᖃᓄᐃᖏᑦᑎᐊᖁᓪᓗᒋᑦ ᓄᓇᕗᒻᒥᐅᑦ ᐊᒻᒪᓗ 15,000 ᕿᑭᖅᑕᓂ ᐃᓄᖏᑦ ᑭᒡᒐᖅᑐᖅᑕᕗᑦ.

ᐅᖃᐅᓯᕆᔪᓐᓇᖅᑕᕗᑦ ᐅᓇ ᐱᔭᒃᓴᕗᑦ ᑕᒪᐃᓐᓄᑦ ᐱᓕᕆᔭᑦᑎᓐᓄᑦ. ᐊᒃᓱᕈᖅᐳᒍ ᐱᐅᔪᓂᒃ ᐊᓯᑦᔩᔪᒪᓪᓗᑕ ᐃᓄᖕᓄᑦ, ᓄᓇᓕᖕᓄᑦ ᐊᒻᒪᓗ ᓄᓇᕗᑦ ᑮᓇᐅᔭᒃᓴᓄᑦ ᒪᑭᒪᓇᓱᐊᕐᓂᖅ ᑕᒪᐅᓐᓇ ᐊᒃᓱᕉᑎᒋᓪᓗᒋᖅ ᐊᒻᒪᓗ ᓄᖃᐅᑎᑦᑕᐃᓕᓪᓗᒋᑦ ᓴᕿᑦᑎᓪᓗᑕ ᐃᖅᑲᓇᐃᔮᒃᓴᑦᑎᐊᕙᖕᓂᒃ ᐊᒻᒪᓗ ᐱᔅᓂᔅ ᐱᕕᖃᖅᑎᑦᑎᓪᓗᑕ. ᐊᖏᖅᓯᒪᑦᑎᐊᖅᑕᕗᑦ ᐃᓄᐃᑦ ᐱᒻᒪᕆᐅᒋᔭᖏᑦ ᐊᒻᒪᓗ ᐊᑑᑎᖃᕆᔭᖏᑦ, ᐊᖏᖅᓯᓯᒪᕗᒍᑦ ᓴᓇᖃᑎᒋᑦᑎᐊᕐᓗᒋᑦ ᐃᑲᔪᑦᑎᐊᕐᓗᒋᑦ ᐱᔨᑦᑎᕋᕐᓂᐊᕋᑦᑎᒍᑦ ᐊᒻᒪᓗ ᑐᓂᓯᒪᓗᒋᑦ ᓄᓇᓕᕗᑦ.

ᕿᑭᖅᑖᓗᒃ ᑯᐊᐳᕆᓴᓐ ᐋᕿᒃᐸᓪᓕᐊᖏᓐᓇᓲᑦ ᑭᐅᓯᔾᔪᑎᒋᓪᓗᒍ ᓂᐅᕐᕈᓯᕆᓂᕐᒧᑦ ᐊᒻᒪᓗ ᐊᖏᓛᖑᓪᓗᑕ ᐃᑲᔪᖃᖅᑕᖅᑕᕗᑦ ᑭᓱᑐᐃᓐᓇᕐᓄᑦ ᓄᓇᕗᑦ ᒪᑭᒪᔾᔪᑎᒃᓴᖏᓐᓄᑦ. ᑕᐃᒪᖓᓂ 1983, ᐱᕈᖅᓯᒪᓕᖅᐳᒍᑦ ᐊᑕᐅᓯᕐᒥᑦ ᐃᓄᖕᒥᑦ ᐱᒋᐊᖅᑎᑕᐅᓪᓗᓂ ᑲᒻᐸᓂᐅᓪᓗᓂ ᒫᓐᓇ ᐊᒥᓲᓕᖅᑐᑦ ᑲᒻᐸᓂᑦ ᐅᖓᑖᓂ 600 ᐃᖅᑲᓇᐃᔭᖅᑎᖃᖅᑐᑦ. ᑖᒃᑯᑎᒍᑦ ᑲᒻᐸᓂᑦ, ᕿᑭᖅᑖᓗᒃ ᑯᐊᐳᕆᓴᓐ ᐋᕿᒃᓱᐃᔾᔪᑎᒃᓴᓕᐅᕋᒥᒃ ᓴᕿᑦᑎᓚᐅᖅᑐᑦ ᐱᔅᓂᔅᒥᒃ ᐃᖃᓗᒐᓱᖕᓂᕐᒧᑦ, ᐃᖏᕐᕋᔾᔪᑎᓕᕆᓂᕐᒧᑦ, ᐅᖃᓘᓯᕆᓂᕐᒧᑦ, ᑐᓐᖓᓱᒃᑎᑦᑎᓂᕐᒧᑦ, ᐆᒻᒪᖁᑎᓄᑦ, ᐊᕙᑎᑦᑎᓄᑦ, ᐃᒡᓗᓕᐅᖅᑐᓄᑦ, ᓂᐅᕕᕐᕕᖕᒥᒃ, ᐊᒻᒪᓗ ᐃᒡᓗᒃᓴᖃᕐᑎᑦᑎᓂᕐᒧᑦ.

ᑕᐃᒪᖓᓂᑦ ᓴᕿᓚᐅᕐᒪᑦ, ᕿᑭᖅᑖᓗᒃ ᑯᐊᐳᕆᓴᓐ ᐱᕈᖅᑎᐊᖅᓯᒪᓕᖅᑐᖅ ᐋᕿᒃᓱᐃᖃᑦᑕᖅᖢᑎᒃ ᑲᒻᐸᓂᐅᔪᑦ 32-ᓂᒃ ᓇᖕᒥᓂᖁᑎᖃᖅᑐᑦ, ᑲᑐᔾᔨᖃᑎᒌᒡᖢᑎᒃ ᑮᓇᐅᔭᓕᐅᖃᑎᒋᓪᓗᒋᑦ ᐊᒻᒪᓗ ᑲᑐᔾᔨᖃᑎᒌᒡᓗᑎᒃ.

ᑕᒪᓐᓇ ᐱᓕᕆᓂᖅᐳᑦ ᓴᕿᓯᒪᔪᖅ ᑲᒻᐸᓂ ᖃᑭᔾᔪᑎᒃᓴᓕᐅᖃᑦᑕᖅᖢᑎᒃ ᐊᒻᒪᓗ ᑮᓇᐅᔭᓕᐅᑦᑎᐊᕈᑎᒋᓪᓗᒋᑦ ᐱᔅᓂᔅᓄᑦ ᐱᕕᖃᖅᑎᑦᑎᓂᒃᑯᑦ.

ᖃᑭᔾᔪᑎᒃᓴᓕᐅᖅᐳᒍ ᐊᒻᒪᓗ ᓴᕿᑦᑎᓯᒪᓪᓗᑕ ᐱᔅᓂᔅ ᐱᕕᖃᖅᑎᓪᓗᒋᑦ ᐅᑯᐊᓗ ᐱᕈᖅᑐᑦ ᑲᒻᐸᓂ ᑮᓇᐅᔭᓕᐅᕐᑎᑦᑎᓂᕐᒧᑦ ᐃᖏᕐᕋᑎᑦᑎᔨᐅᓂᐊᕐᒪᑕ ᓄᓇᖓᓐᓂ ᓅᑉᐸᓪᓕᐊᓗᑎᒃ ᓄᓇᕗᑦ ᒪᑭᒪᓇᓱᐊᕈᑎᖏᓐᓄᑦ ᑮᓇᐅᔭᖅᑎᑦᑎᓂᐊᖅᑐᑦ ᓄᓇᖓᓐᓂᑦ. ᐅᓇ ᐱᕈᖅᐸᓪᓕᐊᓂᐊᕐᒧᑦ ᐋᕿᒃᓯᒪᔾᔪᑎᕗᑦ ᐃᓚᖃᖅᑐᖅ ᖃᑭᔾᔪᑎᒃᓴᓕᐅᖅᖢᑕ ᑮᓇᐅᔭᒃᓴᖃᖅᑎᑦᑎᐊᖅᖢᒋᑦ ᐱᔅᓂᔅᓕᕆᔾᔪᑎᖏ ᐅᑯᐊᓗ ᐅᓄᓛᖑᓗᑎᒃ ᓄᓇᓕᖕᓂ ᐃᓚᐅᑎᑦᑎᓂᖅ ᐊᑯᓂᐅᔪᒃᑯᑦ ᐊᒃᑐᐃᓯᒪᓂᐊᖅᑐᑦ.

ᕿᑭᖅᑖᓗᒃ ᑯᐊᐳᕆᓴᓐ

ᑕᐅᑦᑐᖅ ᐊᒻᒪᓗ ᐱᓐᓇᕆᔭᑦ

ᐱᕈᖅᑎᓪᓗᒍ ᒪᑭᒪᓇᓱᐊᕈᑎᑦ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓗᑎᒃ ᐃᓄᖕᓄᑦ.

ᓴᖏᓂᖅᑖᖅᓯᒪᓂᖅ

ᐱᔨᑦᑎᕋᖅᑐᒍᑦ ᐊᒻᒪᓗ ᐃᑲᔪᖅᖢᒋᑦ ᓄᓇᓖᑦ ᐱᕈᖅᑎᓪᓗᒋᑦ ᖃᓄᐃᖏᑦᑎᐊᕐᓂᐊᕐᒪᑕ ᐊᒻᒪᓗ ᐃᒻᒥᖕᓂ-ᐊᐅᓚᑦᑎᔨᐅᔪᓐᓇᕐᓗᑎᒃ. ᑲᑐᔾᔨᓪᓗᑕ ᐊᓯᕈᖅᑎᑦᑎᕙᒃᑐᒍᑦ.

ᐱᕈᖅᐳᒍ

ᑭᐅᓯᓪᓗᑕ ᓴᕿᐸᓪᓕᐊᔪᓂᒃ ᑮᓇᐅᔭᓕᐅᕈᑕᐅᔪᓐᓇᖅᑐᓂᒃ ᓯᓚᕐᔪᐊᒥ ᒪᑭᒪᔾᔪᑎᑦᑎᒍᑦ, ᐱᕈᖅᐸᓪᓕᐊᕗᒍᑦ ᐊᒻᒪᓗ ᐋᕿᒃᓯᒪᓪᓗᒋᑦ ᑲᒻᐸᓂᕗᑦ ᑕᐃᒫᒃ ᐃᓄᐃᑦ ᐅᐱᒋᓂᐊᕐᒪᑎᒍᑦ ᐊᒻᒪᓗ ᐃᑲᔫᑎᓗᑕ ᒪᑭᒪᔾᔪᑎᒃᓴᖏᓐᓄᑦ ᐊᔪᖅᓴᖏᑦᑎᐊᖁᓪᓗᒋᑦ ᐃᓄᐃᑦ.

ᐱᕈᖅᑎᑦᑎᓪᓗᑕ

ᐱᓕᕆᕙᒃᐳᒍ ᐱᕈᖅᐸᓪᓕᐊᓗᑕ ᐊᒻᒪᓗ ᐃᓕᑦᑎᐊᕙᓪᓕᐊᓗᑕ ᑕᒪᕐᒥᒃ ᐱᔭᒃᓴᕆᔭᑦᑎᒍᑦ ᐋᕿᒃᓱᐃᖅᖢᒋᑦ ᐃᓄᖃᕐᓂᐊᕐᒪᑕ, ᐃᖅᑲᓇᐃᔮᒃᓴᖃᖅᑎᑦᑎᓪᓗᑕ ᐊᒻᒪᓗ ᐃᖅᑲᓇᐃᔮᕆᓂᐊᖅᑕᖏᓐᓂᒃ ᐃᓕᓐᓂᐊᖅᑎᓪᓗᒋᑦ ᐱᕕᖃᖅᑎᑦᑎᐊᖅᖢᒋᑦ.

ᒪᓕᒃᑕᐅᑦᑎᐊᖅᑎᑦᑎᓂᖅ

ᐳᖅᑐᓛᒍᑎᑕᕗᑦ ᐊᑐᖅᑕᕗᑦ ᐃᓄᐃᑦ ᐱᓐᓇᕆᔭᖏᑦ ᐊᒻᒪᓗ ᑭᐅᓯᔾᔪᑎᒋᓪᓗᒋᑦ ᓄᓇᕗᑦ ᐊᖏᕈᑎᖏᓐᓄᑦ ᓴᕿᑦᑎᓗᑕ ᑕᐅᑦᑐᑦᑎᓐᓂᒃ ᐃᓄᐃᑦ ᓯᕗᓕᐅᖅᑎᑦ ᐃᓄᖕᓄᑦ ᐊᒻᒪᓗ ᑎᐅᓕᑐᐊᓕᓄᑦ.

ᐱᔨᑦᑎᕋᕐᓂᖅ

ᐃᒃᐱᒋᑦᑎᐊᖅᑕᕗᑦ ᐊᒻᒪᓗ ᑲᒪᒋᑦᑎᐊᖅᑕᕗᑦ ᐊᕙᑎᕗᑦ, ᑮᓇᐅᔭᑎᒍᑦ ᒪᑭᒪᓂᖅ ᐊᒻᒪᓗ ᐃᓄᐃᑦ. ᐃᒃᐱᒋᑦᑎᐊᖅᑕᕗᑦ ᐊᒻᒪᓗ ᓴᐳᒻᒥᓗᒋᑦ ᓄᓇᕗᑦ ᐊᒻᒪᓗ ᓄᓇᒥᐅᑕᐃᑦ.

ᕿᑭᖅᑖᓗᒃ ᑯᐊᐳᕆᓴᒻ ᓈᓴᐅᓯᕆᓂᖏᑦᑎᒍᑦ

artboard-12x
0 +

ᐊᕐᕌᒍᓂᒃ ᐃᖏᕐᕋᕗᒍᑦ

asset-42x
0

ᐅᕙᑦᑎᒍᑐᐊᖅ – ᓇᖕᒥᓂᖁᑎᒋᔭᕗᑦ

artboard-44x
0

ᐊᖏᔪᑦ-ᓇᖕᒥᓂᕆᔭᖏᑦ ᑲᑐᔾᔨᓪᓗᑎᒃ ᑮᓇᐅᔭᓕᐅᕈᑎ

artboard-54x
0

ᑲᑐᔾᔨᓪᓗᑎᒃ ᑮᓇᐅᔭᓕᐅᕈᑎᖓ ᐱᓇᓱᐊᖃᑎᖃᖅᖢᑎᒃ

artboard-34x
0

ᐊᑕᐅᔪᑦ ᑲᒻᐸᓂᑦ

map-icon-setup
10000

ᐃᓄᐃᑦ

map-icon-setup-2
0

ᓄᓇᓕᖁᑎᑦᑎᓐᓄᑦ

asset-32
0 +

ᐃᖅᑲᓇᐃᔭᖅᑎᖃᖅᑐᒍᑦ

asset-42x-1
0 %

ᐃᓄᖕᓂᒃ ᐃᖅᑲᓇᐃᔭᖅᑎᑦᑎᔪᒍᑦ

artboard-52x
$ 0 M

ᒥᓕᐊᓐ ᖃᑭᑎᑦᑎᓯᒪᕗᖅ ᓄᓇᕗᒻᒥᒃ 2017-ᒥᑦ 2020-ᒧᑦ

ᑲᑎᒪᔨᑦ


ᑲᑎᒪᔨᕗᑦ ᓴᕿᑦᑎᕙᒃᑐᑦ ᐊᑐᐊᒐᕐᓂᒃ, ᑐᓐᖓᔾᔪᑎᒃᓴᓄᑦ ᑐᑭᒧᐊᒃᑎᑦᑎᔾᔪᑎᑦ ᐊᒻᒪᓗ ᒥᐊᓂᕆᓪᓗᒋᑦ ᖃᑭᔾᔪᑎᒃᓴᓕᐊᑎᒃ ᐊᒻᒪᓗ ᐱᓕᑦᑎᐊᕐᓂᖏᑦ ᕿᑭᖅᑖᓗᒃ ᑯᐊᐳᕆᓴᓐ ᓇᖕᒥᓂᖁᑎᖏᑦ ᐊᒻᒪᓗ ᑲᑐᔾᔨᓪᓗᑎᒃ ᑮᓇᐅᔭᓕᐅᖃᑎᖏᑦ ᑲᒻᐸᓂᑦ.

ᑲᑎᒪᔨᑦ ᐱᔪᓐᓇᕐᓂᖃᖅᑐᑦ ᐊᑖᒍᑦ ᓄᓇᕗᑦ ᐊᖏᕈᑎᑦ ᐊᒻᒪᓗ ᑎᒃᑯᐊᖅᑕᐅᓯᒪᔪᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐱᖓᓱᓄᑦ ᐅᑭᐅᓄᑦ. ᓂᕈᐊᖑᓯᒪᔪᑦ ᒪᓕᒃᓗᑎᒃ ᐱᓕᕆᓯᒪᓂᖏᑦ ᐱᔅᓂᔅ ᐊᒻᒪᓗ ᑐᑭᒧᐊᒃᑎᑦᑎᔪᓐᓇᖅᑐᑦ.

ᕼᐋᓕ ᕙᓚᐅᕋᑎ

ᐊᖓᔪᖅᑳᖅ

ᑖᒥ ᐊᑲᕚᒃ

ᐃᒡᓯᕙᐅᑕᖅ

ᐲᑕ ᑮᓇᐃᓐᓇᐃᖅ

ᐊᖓᔪᖅᑳᖅ ᑐᖏᓕᐊ

ᒫᑎᐅ ᐊᓚᐃᖓᖅ

ᑎᑎᕋᖅᑎ ᑮᓇᐅᔭᓕᕆᔨ

ᒫᑎᐅ ᐊᓚᐃᖓᖅ

ᑲᑎᒪᔨ

ᐸᓚᓐᑎᓇ ᑐᓗᒑᕐᔪᒃ

ᑲᑎᒪᔨ

ᐋᓐ ᑰᓕ

ᑲᑎᒪᔨ

ᓰᓇ ᖃᐅᓐᓇᖅ

ᑲᑎᒪᔨ

ᐊᑐᖅᓯᒪᔭᑦ ᐊᒻᒪᓗ ᐱᕈᕐᓂᕗᑦ

ᑕᐃᒪᖓᓂ ᓴᕿᓚᐆᖅᓯᒪᒐᑦᑕ 1983-ᒥ, ᕿᑭᖅᑖᓗᒃ ᑯᐊᐳᕆᓴᓐ ᐱᕈᖅᓯᒪᑦᑎᐊᖅᑐᖅ ᐊᑕᐅᓯᕐᒥᑦ ᓇᖕᒥᓂᖁᑎᒋᔭᐅᓚᐅᖅᖢᓂ ᑕᒡᕗᖓ ᐊᒥᓲᓕᖅᑐᑦ- ᐊᔾᔨᒌᓐᖏᑦᑐᑦ ᑲᒻᐸᓃᑦ 33-ᖑᓪᓗᑎᒃ ᓇᖕᒥᓂᖃᖃᑕᐅᔪᑦ ᐊᑕᔪᑦ, ᑲᑐᔾᔨᓪᓗᑎᒃ ᑮᓇᐅᔭᓕᐅᖃᑎᖏᑦ, ᐱᓇᓱᐊᖃᑎᖐᑦ ᐊᒻᒪᓗ ᑭᒡᒐᖅᑐᖅᑕᖏᑦ.

2020

ᐅᒥᐊᖅ ᓘᑎ ᐸᓪᓗᖅ ᖃᐅᔨᓴᕈᑎ ᐅᒥᐊᖅ ᐱᔭᕇᖅᑐᖅ

ᕿᑭᖅᑖᓗᒃ ᑯᐊᐳᕆᓴᓐ ᐃᖃᓗᓕᕆᔨᒃᑯᑦ ᐊᐅᓚᑦᓯᕕᖓᑦ ᐱᔭᕇᖅᑕᖓᑦ ᓴᓇᔭᐅᔪᖅ ᐊᑭᖃᖅᑐᖅ $2.5 ᒥᓕᐊᓐ ᐅᒥᐊᖅ ᓄᓇᖅᐸᓯᖕᒥ ᐃᖃᓗᒐᓱᖕᓂᖅ ᐱᕙᓪᓕᐊᑎᑕᐅᓂᖓᓄᑦ ᖃᐅᔨᓴᕐᓂᐊᖅᑐᑦ.

ᐊᖅᓴᕐᓂᖅ ᑐᔪᕐᒥᕕᒃ ᐊᒻᒪᓗ ᑲᑎᒪᕕᒃ ᒪᑐᐃᖅᑐᖅ

ᕿᑭᖅᑖᓗᒃ ᑯᐊᐳᕆᓴᒃᑯᑦ 100% ᐃᓄᖕᓂᑦ ᓇᖕᒥᓂᕆᔭᐅᔪᖅ ᐊᖅᓴᕐᓂᖅ ᑐᔪᕐᒥᕕᒃ ᐊᒻᒪᓗ ᑲᑎᒪᕕᒃ ᒪᑐᐃᖅᑐᖅ.

2019

ᐅᑭᐅᖅᑕᖅᑐᓕᒫᒧᑦ ᑐᓴᐅᑎᓕᕆᔨᑦ ᑎᒥᖓ

ᕿᑭᖅᑖᓗᒃ ᑯᐊᐳᕆᓴᓐ ᓴᕿᑦᑎᓚᐅᖅᑐᖅ ᐅᑭᐅᖅᑕᖅᑐᓕᒫᒧᑦ ᑐᓴᐅᑎᓕᕆᔨᑦ ᑎᒥᖓ, ᓇᖕᒥᓂᖁᑖ ᑐᓂᓯᓯᒪᔪᖅ ᐱᐊᓚᔪᒥᒃ ᐊᒻᒪᓗ ᓱᕋᒃᓴᕋᐃᓐᖏᑦᑐᒥᒃ ᖃᖓᑦᑕᖅᑎᑕᐅᓯᒪᔪᓄᑦ ᐊᑕᔾᔪᑎ ᐱᔨᑦᑎᕋᖅᑐᖅ ᓄᓇᕗᒻᒧᑦ.

2018

ᓄᓇᕗᑦ ᓄᒃᑭᒃᓴᐅᑏᑦ ᑯᐊᐳᕆᓴᓐ ᑐᓴᕐᑎᑦᑎᔾᔪᑕᐅᕗᖅ

ᕿᑭᖅᑖᓗᒃ ᑯᐊᐳᕆᓴᓐ ᑐᓴᕐᑎᑦᑎᓚᐅᖅᐳᖅ ᓄᑖᖅ ᓇᖕᒥᓂᖅᑖᕆᔭᖓᑦ ᑲᒻᐸᓂ, ᓄᓇᕗᑦ ᓄᒃᑭᒃᓴᐅᑏᑦ ᑯᐊᐳᕆᓴᓐ, ᐱᓕᕆᓂᐊᕐᒪᑕ ᓱᕈᖅᓴᐃᓐᖏᑦᑐᓂᒃ ᐆᒻᒪᖁᑎᖃᐅᑎᒃᓴᓂᒃ ᐱᓕᕆᖃᑎᒋᓗᒋᑦ ᕿᑭᖅᑕᓂ ᓄᓇᖏᑦ. ᓄᓇᕗᑦ ᓄᒃᑭᒃᓴᐅᑏᑦ ᑯᐊᐳᕆᓴᓐ ᓯᕗᓪᓕᖅᐸᐅᕗᖅ 100% ᐃᓄᖕᓂᑦ ᓇᖕᒥᓂᕆᔭᐅᔪᖅ ᓱᕈᖅᓴᐃᓐᖏᑦᑐᒥᒃ ᐆᒻᒪᖁᑎᒃᓴᓂᒃ ᓴᓇᕙᒃᑐᖅ ᓄᓇᕗᒻᒥ.

ᕿᑭᖅᑖᓗᒃ ᑯᐊᐳᕆᓴᓐ ᐱᑖᓚᐅᖅᐳᖅ ᐱᓚᐅᖅᑕᖓ 100% ᓇᖕᒥᓂᖁᑎᒋᓪᓗᒍ ᕿᑭᖅᑖᓗᒃ ᐃᖃᓗᓕᕆᔨᒃᑯᑦ ᑯᐊᐳᕆᓴᓐ

ᕿᑭᖅᑖᓗᒃ ᑯᐊᐳᕆᓴᓐ ᐱᑖᓚᐅᖅᐳᖅ 100% ᓇᖕᒥᓂᖁᑎᒋᔭᐅᕗᖅ ᕿᑭᖅᑖᓗᒃ ᑯᐊᐳᕆᓴᒃᑯᓂᑦ ᐊᑕᐅᓯᕐᒥᒃ ᓇᖕᒥᓂᖁᑎᖃᖅᑐᑦ ᓴᐳᑎ.

ᐊᖅᓴᕐᓃᑦ ᑐᔪᕐᒥᕕᒃ ᐊᒻᒪᓗ ᑲᑎᒪᕕᒃ ᐃᓂᑖᖅᐳᖅ

ᓴᓇᔪᑦ ᐃᒡᓗᓕᐅᖅᑐᑦ ᕿᑭᖅᑖᓗᒃ ᑯᐊᐳᕆᓴᒃᑯᑦ 100 ᐳᓴᑎᒥᒃ ᐃᓄᖕᓂᒃ ᓇᖕᒥᓂᕆᔭᐅᔪᑦ, ᐊᖅᓴᕐᓃᑦ ᑐᔪᕐᒥᕕᒃ ᐊᒻᒪᓗ ᑲᑎᒪᕕ ᐃᖃᓗᖕᓂ ᐱᒋᐊᖅᓯᒪᔪᖅ ᐃᓄᐃᑦ ᓄᓇᖁᑎᖓᓂ.

ᕿᑭᖅᑖᓗᒃ ᑯᐊᐳᕆᓴᓐ ᓇᓪᓕᐅᓐᓂᖅᓯᐅᖅᐳᑦ 35 ᐅᑭᐅᑦ

ᕿᑭᖅᑖᓗᒃ ᑯᐊᐳᕆᓴᓐ ᓇᓪᓕᐅᓐᓂᖅᓯᐅᖅᐳᑦ 35 ᐅᑭᐅᑦ ᐃᖏᕐᕋᓯᓚᐅᖅᓯᒪᕗᑦ ᐊᒻᒪᓗ 35 ᐅᑭᐅᑦ ᑲᔪᓯᑦᑎᐊᖅᑐᖅ, ᐱᕈᖅᑐᖅ ᐊᒻᒪᓗ ᑮᓇᐅᔭᓕᐅᑦᑐᑎᐊᖅᑐᖅ.

2017

ᑎᑭᐅᑎᕗᑦ 81% ᐃᓄᖕᓂᒃ ᐃᖅᑲᓇᐃᔭᖅᑎᖃᖅᖢᑎᒃ

ᕿᑭᖅᑖᓗᒃ ᑯᐊᐳᕆᓴᓐ ᐊᖏᓛᖑᕗᖅ ᐃᓄᖕᓂᒃ ᐃᖅᑲᓇᐃᔭᖅᑎᖃᖅᑐᑦ ᓇᓂᑐᐃᓐᓇᖅ ᐃᒻᒥᒎᖅᑐᑦ ᓄᓇᕗᒻᒥ ᐃᖅᑲᓇᐃᔭᖅᑎᑦᑎᔪᓂ.

ᓄᑖᖅ ᓛᒐ ᐹᕙᓐ ᐃᒡᓗ

ᐅᓇ ᐋᑐᕚᒥ ᓛᒐ ᐹᕙᓐ ᐃᒡᓗ ᐋᓐᓂᐊᕕᓕᐊᖅᑐᓄᑦ ᓅᓪᓗᑎᒃ ᓄᑖᒧᑦ ᐊᖏᓂᖅᓴᒧᑦ ᐃᒡᓗᒧᑦ ᐃᓂᒃᓴᖃᑦᑎᐊᕐᓂᐊᕐᒪᑕ ᕿᑭᖅᑕᓂ ᐃᓄᖏᑦ ᐋᓐᓂᐊᕕᓕᐊᖅᓯᒪᔪᑦ.

ᐃᓄᐃᑦ ᓄᓇᖁᑖᓂᒃ ᐊᑐᖅᑐᐊᕐᓂᕐᒧᑦ ᐊᑎᓕᐅᕐᒃᐳᒍᑦ

ᕿᑭᖅᑖᓗᒃ ᑯᐊᐳᕆᓴᓐ ᐊᑎᓕᐅᕆᓚᐅᖅᐳᑦ ᐊᑐᖅᑐᐊᕈᑎᒃᓴᒥᒃ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐃᓄᖕᓂᑦ ᓄᓇᖁᑎᒋᐅᔪᖅ ᐃᖃᓗᖕᓂ. ᐃᒡᓗᓕᐅᖅᑐᑦ ᑕᒡᕙᓂ ᓄᓇᒥ ᐊᖏᓛᖅ ᓇᖕᒥᓂᕆᔭᐅᔪᓂᑦ ᐃᒻᒥᒃᑰᖅᑐᓂᑦ ᓴᓇᕕᐅᔪᖅ ᓄᓇᕗᒻᒥ.

2016

ᕿᑭᖅᑖᓗᒃ ᑯᐊᐳᕆᓴᓐ ᓴᕿᑦᑎᓚᐅᖅᑐᖅ ᕿᑭᖅᑖᓗᑦ ᓇᖕᒥᓂᖁᑎᓕᖕᓄᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕆᓴᓐ

ᐱᔨᑦᑎᕋᑦᑎᐊᕐᓗᒋᑦ ᕿᑭᖅᑕᓂ ᓄᓇᓖᑦ, ᕿᑭᖅᑖᓗᒃ ᑯᐊᐳᕆᓴᓐ ᓴᕿᑦᑎᓯᒪᕗᑦ ᕿᑭᖅᑖᓗᑦ ᓇᖕᒥᓂᖁᑎᓕᖕᓄᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕆᓴᓐ ᐃᑲᔪᕐᓂᐊᕐᒪᑦ ᓄᓇᓕᖕᓂᒃ ᖃᐅᔨᓂᐊᕐᒪᑕ ᓯᕗᓪᓕᐅᑎᔭᕆᐊᓕᖕᓂᒃ ᒪᑭᒪᓇᓱᐊᕈᑎᒃᓴᓄᑦ ᐊᒻᒪᓗ ᓇᑉᐸᕆᐊᓕᖕᓄᑦ.

2015

ᕿᑭᖅᑕᓂ ᓄᓇᓕᖕᓂᒃ ᐳᓚᕋᓪᖢᑎᒃ

ᕿᑭᖅᑖᓗᒃ ᑯᐊᐳᕆᓴᓐ ᓄᓇᓕᖕᓄᐊᓚᐅᖅᑐᖅ ᑲᑎᒪᖃᑎᒋᓪᓗᒋᑦ ᓄᓇᖃᖅᑐᑦ ᐊᒻᒪᓗ ᓄᓇᓕᖕᓂ ᐊᖓᔪᖅᑳᖏᑦ ᕿᑭᖅᑕᓂ ᑐᓴᕐᓂᐊᕋᒥᒃ ᐱᔪᒪᖏᓐᓂᒃ ᐊᒻᒪᓗ ᑕᑯᔪᒪᔭᖏᓐᓂᒃ ᓄᓇᒥᖕᓄᑦ.

2012

ᐅᒥᐊᖅ ᓴᐳᑎ ᐃᓚᔭᐅᑲᓐᓂᖅᑐᖅ

ᐊᖏᒡᓕᒋᐊᕐᓂᐊᕐᒪᑕ ᓴᐳᑎ ᐅᓯᔪᓐᓇᖅᑕᖏᑦ, ᐅᒥᐊᖅ ᐃᓚᒋᐊᓚᐅᖅᑐᖅ 12 ᒦᑕᒥᒃ. ᐅᓯᔪᓐᓇᖅᓯᓪᓗᒥ 900 ᑕᓐᔅ ᖃᓕᕋᓕᒃ ᐊᒻᒪᓗ 650 ᑕᓐᔅ ᐅᑭᐅᖅᑕᖅᑐᒥ ᑭᖑᖕᓂᒃ, ᐅᓄᖅᓯᒋᐊᖅᖢᑎᒃ ᑭᖑᒃᑕᖏᑦ, ᐱᐊᓚᑎᑦᑎᓂᖅᓴᐅᓕᖅᖢᑎᒡᓗ.

2011

ᕿᑭᖅᑖᓗᒃ ᑯᐊᐳᕆᓴᓐ ᑕᑎᒃᓴᐅᔪᓐᓇᑦᑎᐊᕐᓂᕐᒥᒃ ᓴᕿᔮᖅᑎᑦᑎᕗᑦ ᓯᓚᑎᒥᖕᓂᑦ ᑕᐃᒪᓐᓇ ᐱᓕᕆᔪᓐᓇᕋᓗᐊᖅᐱᓰᕆᔭᐅᓯᒪᓇᑎᒃ ᐊᖏᓂᖅᓴᐅᔪᓄᑦ ᐊᕙᑎᒥᒃ ᓴᓇᔭᒃᓴᓄᑦ

ᕿᑭᖅᑖᓗᒃ ᑯᐊᐳᕆᓴᓐ ᓯᕗᓪᓕᖅᐹᖑᕗᖅ 100% ᐃᓄᖕᓂᑦ-ᓇᖕᒥᓂᕆᔭᐅᓪᓗᓂ ᑲᒻᐸᓂ ᑕᑎᒃᓴᐅᔪᓐᓇᑦᑎᐊᕐᓂᕐᒥᒃ ᓴᕿᔮᖅᑎᑦᑎᕗᑦ ᓯᓚᑎᒥᖕᓂᑦ ᑕᐃᒪᓐᓇ ᐱᓕᕆᔪᓐᓇᕋᓗᐊᖅᐱᓰᕆᔭᐅᓯᒪᓇᑎᒃ ᑕᒪᐃᓐᓄᑦ ᑳᓐᑐᕌᒃᑎᐅᔪᑦ ᒥᓕᐊᓐᑖᓚᓕᐅᖅᑐᑦ ᐊᕙᑎᒥ ᓄᑖᖑᖅᑎᕆᓂᕐᒧᑦ ᑳᓐᑐᕌᖕᓄᑦ.

ᕿᑭᖅᑖᓗᒃ ᑯᐊᐳᕆᓴᓐ ᑭᓱᑐᐃᓐᓇᓂᒃ ᐱᓕᕆᕙᒃᑐᑦ ᐃᓄᖕᓂᒃ ᖃᐅᔨᓴᕐᓂᖅ ᐊᒻᒪᓗ ᖃᖓᑕᓲᒃᑯᑦ ᐃᖏᕐᕋᔾᔪᑎᑦ ᐱᔨᑦᑎᕋᐅᑎᒋᓪᓗᒋᑦ

ᕿᑭᖅᑖᓗᒃ ᑯᐊᐳᕆᓴᓐ ᑮᓇᐅᔭᓕᐅᕈᑎᒃᓴᓂᒃ ᓂᐅᕕᖅᓯᒪᕗᑦ ᒪᕐᕉᖕᓂᒃ ᓄᑖᖕᓂᒃ ᑲᑐᔾᔨᖃᑎᒌᒍᑎᒋᓂᐊᕐᓗᒋᑦ – ᕿᑭᖅᑖᓗᒃ ᑯᐊᐳᕆᓴᓐ/ᓯᑳᓕᑦ ᖃᐅᔨᓴᖅᑎᑦ ᑎᒥᖓ ᐊᒻᒪᓗ ᕿᑭᖅᑕᓂ ᕗᔅ ᖃᖓᑕᓲᖅ ᑎᒥᖓ.

2007

ᕿᑭᖅᑖᓗᒃ ᑯᐊᐳᕆᓴᓐ ᐊᖏᒡᓕᒋᐊᓚᐅᐳᑦ ᐃᖏᕋᑎᑎᓂᖏᑦ ᐃᒡᓗᓕᐅᕈᑎᑦ ᓂᐅᕕᕐᕕᖕᓄᑦ ᐊᑭᒡᖠᒋᐊᕈᑎᖃᖅᖢᑎᒃ

ᕿᑭᖅᑖᓗᒃ ᑯᐊᐳᕆᓴᓐ ᐊᒻᒪᓗ ᓄᓇᓯ ᑯᐊᐳᕆᓴᓐ ᓂᐅᕕᓚᐅᖅᑐᑦ ᕗᓗᐱᐅᑦ ᐃᒡᓗᓕᐅᖅᑎᑦ ᑎᒥᖓ ᐃᒡᓗᓕᐅᖅᑐᓄᑦ ᓂᐅᕕᕐᕕᒃ ᐃᖃᓗᖕᓂ.

ᕿᑭᖅᑖᓗᒃ ᑯᐊᐳᕆᓴᓐ ᐱᓚᐅᖅᐳᖅ ᓯᕗᓪᓕᖅᐹᖅ ᑳᓐᑐᕌᒃ ᐅᔭᕋᖕᓂᐊᖅᑎᒃᑯᓄᑦ

ᕿᑭᖅᑖᓗᒃ ᐸᕐᓇᐃᔨᑦ ᐊᑎᓕᐅᖅᓯᕗᑦ ᓯᕗᓪᓕᖅᐹᒥᒃ ᑳᓐᑐᕌᒃ ᐸᕙᓐᓛᓐᑦ ᓴᕕᕋᔭᒃᓴᓂᒃ ᐅᔭᕋᖕᓂᐊᕐᕕᒃ ᐃᖅᑲᓇᐃᔮᒃᓴᖏᓐᓂᒃ ᐃᓐᓄᕐᑲᕐᑎᑦᑎᐊᕐᓂᐊᕐᒪᑕ ᐊᒻᒪᓗ ᐊᖁᑎᖏᑦ ᓴᓇᔭᐅᖃᑦᑕᕐᓗᑎᒃ ᑕᐃᑲᓂ ᐅᔭᕋᖕᓂᐊᕐᕕᖕᒥ.

2006

ᕿᑭᖅᑖᓗᒃ ᐸᕐᓇᐃᔨᑦ ᓴᕿᑕᐅᕗᑦ

ᕿᑭᖅᑖᓗᒃ ᑯᐊᐳᕆᓴᓐ ᓴᕿᑦᑎᓚᐅᖅᑐᖅ ᓇᖕᒥᓂᕆᔭᐅᓪᓗᑎᒃ ᓯᕗᓕᐅᖅᑎᐅᓂᐊᕐᒪᑕ ᐊᕙᑎᑦᑎᓂᒃ ᓴᓗᒻᒪᖅᓴᕆᐊᓕᖕᓄᑦ ᓴᓇᔭᒃᓴᓄᑦ.

ᕿᑭᖅᑖᓗᒃ ᑯᐊᐳᕆᓴᓐ ᐃᓕᓴᕆᔭᐅᓚᐅᖅᑐᑦ ᐱᔾᔪᑎᒋᓪᓗᒍ ᐃᓄᖕᓂᒃ ᐱᓕᕆᖃᖅᐸᖕᓂᖏᓐᓄᑦ ᐱᓕᕆᐊᒃᓴᓂᒃ ᐋᕿᒃᓱᐃᓂᐊᕐᓗᑎᒃ

ᕼᐋᓕ ᕙᓚᐅᕋᑎ ᑐᓂᔭᐅᓚᐅᖅᑐᖅ ᒥᓂᔅᑕ ᑐᖏᓕᖓᑕ ᐅᐱᒋᔭᐅᓪᓗᓂ ᐊᒻᒪᓗ ᐃᓕᓴᕆᔭᐅᓪᓗᓂ ᐱᔨᑦᑎᕋᕐᓂᖓ ᐱᐅᓛᖑᓂᖓᓄᑦ ᐃᓄᓕᕆᔨᑐᖃᒃᑯᓂᑦ ᐃᓕᓴᖅᓯᔾᔪᑎᓄᑦ ᐅᓄᖅᓯᒋᐊᖅᑎᑦᑎᓇᓱᖕᓂᕐᒧᑦ ᐊᒻᒪᓗ ᖃᐅᔨᒪᔭᐅᓕᕐᑎᑦᑎᓂᕐᒧᑦ ᐃᓄᐃᑦ ᐃᓚᐅᑎᑕᐅᓂᖏᓐᓂᒃ ᐊᒻᒪᓗ ᐃᖅᑲᓇᐃᔮᖃᖅᑎᑕᐅᓂᖏᓐᓂᒃ ᐱᕙᓪᓕᐊᑎᑦᑎᓂᕐᒧᑦ ᑕᐃᑲᓂ ᑐᔾᔮ ᕿᑭᖅᑕᖓᓂ ᓄᑖᕈᖅᑎᑦᑎᓂᖅ. ᐅᓇ ᓴᓇᔭᐅᓂᖓ ᐅᓄᖅᓯᒋᐊᖅᑎᑦᑎᓚᐅᖅᑐᖅ 95% ᐃᓄᖕᓂᒃ ᐃᖅᑲᓇᐃᔭᖅᑎᖃᖅᖢᑕ.

2005

ᕿᑭᖅᑖᓗᒃ ᑯᐊᐳᕆᓴᓐ ᓴᕿᑦᑎᓚᐅᖅᑐᖅ ᐃᖃᓗᓕᕆᔨᒃᑯᑦ ᑯᐊᐳᕆᓴᓐ

ᐅᓇ ᑕᒪᕐᒥᒃ-ᓇᖕᒥᓂᕆᔭᖓ ᐱᓇᓱᐊᖃᑎᒌᒡᖢᑎᒃ, ᕿᑭᖅᑖᓗᒃ ᐃᖃᓗᓕᕆᔨᒃᑯᑦ ᑯᐊᐳᕆᓴᓐ, ᓴᕿᑕᐅᕗᖅ.

ᐃᖃᓗᒐᓲᑎ ᐅᒥᐊᖅ ᓴᐳᑎ ᓂᐅᕕᖅᑕᐅᕗᖅ

ᕿᑭᖅᑖᓗᒃ ᐃᖃᓗᓕᕆᔨᒃᑯᑦ ᑯᐊᐳᕆᓴᓐ ᓂᐅᕕᖅᐳᑦ ᐅᒥᐊᖅ ᓴᐳᑎ – ᐅᓇ 64 ᒦᑕ ᐃᖃᓗᓕᕆᕕᒃ ᖁᐊᒃᑯᕕᖃᖅᑐᖅ ᑮᓇᐅᔭᓕᐅᕈᑎᒋᓪᓗᒍ ᐃᖃᓗᒐᓱᒃᑐᑦ ᐅᒥᐊᖓ.

2004

ᕿᑭᖅᑖᓗᒃ ᑯᐊᐳᕆᓴᓐ ᓴᓇᕗᑦ $62ᒥᓕᐊᓐ ᕿᑭᖅᑕᓂ ᐋᓐᓂᕕᖕᒥᒃ

ᕿᑭᖅᑖᓗᒃ ᑯᐊᐳᕆᓴᓐ ᓯᕗᓪᓕᖅᐸᐅᕗᖅ ᐃᓄᖕᓂ ᑲᒻᐸᓂᐅᔪᓂ ᐱᓇᓱᐊᖃᑎᖃᖅᖢᑎᒃ ᓄᓇᕗᑦ ᒐᕙᒪᒃᑯᓂᒃ ᐊᑖᒍᑦ ᐃᒻᒥᒎᖅᑐᑦ-ᒐᕙᒪᒃᑯᑦ ᐱᓇᓱᐊᖃᑎᒌᖕᓂᖅ ᐃᒡᓗᓕᐅᕐᓂᐊᕐᓗᑎᒃ ᓴᓇᓂᐊᕐᓗᒍ ᓯᕗᓪᓕᖅᐹᖅ ᐋᓐᓂᐊᕕᒃ ᓄᓇᕗᒻᒥ – ᕿᑭᖅᑕᓂ ᐋᓐᓂᐊᕕᒃ ᐃᖃᓗᖕᓂ.

ᕿᑭᖅᑖᓗᒃ ᑯᐊᐳᕆᓴᓐ ᐊᖏᒡᓕᒋᐊᖅᐳᑦ ᑕᒪᑐᒧᖓ ᖃᕆᓴᐅᔭᓕᕆᔾᔪᑕᐅᔪᓄᑦ ᑲᒻᐸᓂᐅᔪᓄᑦ

ᕿᑭᖅᑖᓗᒃ ᑯᐊᐳᕆᓴᓐ ᓂᐅᕕᖅᐳᖅ ᒪᕐᕉᖕᓂᒃ ᒥᑭᔫᖕᓂᒃ ᖃᕆᓴᐅᔭᓕᕆᔨᑦ ᑲᒻᐸᓂ ᓴᕿᑦᑎᓂᐊᕐᕋᒥᒃ ᕿᑭᖅᑖᓗᒃ ᖃᕆᓴᐅᔭᓕᕆᔨᒃᑯᑦ ᑯᐊᐳᕆᓴᓐ.

ᕿᑭᖅᑖᓗᒃ ᓇᖕᒥᓂᖁᑎᖏᑦ ᑎᒥᖓ ᓴᕿᑕᐅᕗᖅ

ᕿᑭᖅᑖᓗᒃ ᑯᐊᐳᕆᓴᓐ ᓴᕿᑦᑎᕗᖅ ᕿᑭᖅᑖᓗᒃ ᓇᖕᒥᓂᖁᑎᖏᑦ ᑎᒥᖓᓂ ᐊᐅᓪᓚᑦᑎᓂᐊᖅᑐᖅ ᐃᒡᓗᖁᑎᖏᓐᓂᒃ ᑎᒍᒥᐊᖅᑕᒥᖕᓂᒃ.

1999

ᕿᑭᖅᑖᓗᒃ ᑯᐊᐳᕆᓴᓐ ᐱᓕᕆᓯᓚᐅᖅᑐᖅ ᓂᐅᕕᕐᕕᖃᖅᖢᑎᒃ ᑮᓇᐅᔭᓕᐅᕈᑎᒋᓪᓗᒍ

ᕿᑭᖅᑖᓗᒃ ᑯᐊᐳᕆᓴᓐ ᓂᐅᕕᖅᑐᑦ ᕿᑭᖅᑖᓗᒃ ᒑᓯᑖᕐᕕᖕᒥᒃ ᑖᒃᑯᓇᖓᑦ ᑲᑭᕙᒃ.

1998

ᕿᑭᖅᑖᓗᒃ ᑯᐊᐳᕆᓴᓐ ᐱᓕᕆᒋᐊᓯᓚᐅᖅᑐᑦ ᐊᕙᑎᓕᕆᓂᕐᒧᑦ

ᕿᑭᖅᑖᓗᒃ ᑯᐊᐳᕆᓴᓐ ᑐᓂᔭᐅᕗᑦ $6.5ᒥᓕᐊᓐ ᑐᔾᔮ ᕿᑭᖅᑕᒧᖅ ᓄᑖᕈᖅᑎᑦᑎᓂᖅ ᑳᓐᑐᕌᖕᒥᒃ.

1996

ᓯᕗᓪᓕᖅᐹᖅ ᐃᒡᓗᓕᕆᓂᖅ ᐊᐅᓚᑦᑎᔾᔪᑎᒃᓴᓄᑦ ᑳᓐᑐᕌᒃ

ᕿᑭᖅᑖᓗᒃ ᑯᐊᐳᕆᓴᓐ ᐱᑖᓚᐅᖅᑐᑦ ᓯᕗᓪᓕᕐᒃᐸᖑᓪᓗᑎᒃ ᐊᐅᓚᑦᑎᓂᐊᕐᓗᓂ ᐊᒻᒪᓗ ᓴᓇᖃᑦᑕᕐᓗᒍ ᐃᒡᓗᖓ ᑳᓐᑐᕌᒃ ᐃᖃᓗᐃᑦ ᒥᑦᑕᕐᕕᖓᓄᑦ.

ᐅᖅᓱᖅ ᑲᑐᔾᔨᖃᑎᒌᒡᖢᑎᒃ ᑮᓇᐅᔭᓕᐅᕈᑎᒃᓴᖅ ᓴᕿᑕᐅᕗᖅ

ᕿᑭᖅᑖᓗᒃ ᑯᐊᐳᕆᓴᓐ ᐊᖕᒋᒡᓕᒋᐊᑐᑦ ᐊᐅᓚᑦᑎᓂᖓᑦ ᐅᖅᓱᐊᓗᓕᕆᓂᕐᒧᑦ ᑳᓐᑐᕌᒃᑕᕆᓪᓚᒍ ᐊᐅᓚᑦᑎᓂᐊᕋᒥᒃ ᐃᖃᓗᖕᓂ ᐅᖅᓱᐊᓗᖃᐅᑎᖃᕐᕕᒃ ᐊᒻᒪᓗ ᐅᖅᓴᒃᓴᐃᕕᖓᓂᒃ ᖃᑦᑕᐅᔭᖑᐊᕐᓂᒃ.

1994

ᕿᑭᖅᑖᓗᒃ ᑯᐊᐳᕆᓴᓐ ᐊᖏᒡᓕᒋᐊᖅᐳᑦ ᓄᓇᓯᐅᑎᓂᒃ ᐅᖁᒪᐃᑦᑐᓂᒃ ᓴᓇᔾᔪᑎᓂᒃ ᓂᐅᕕᐊᒃᓴᖃᓕᖅᑐᑦ

ᑲᑐᔾᔨᖃᑎᒌᒡᓗᑎᒃ ᑮᓇᐅᔭᓕᐅᕕᖃᖅᑐᑦ ᐱᓕᕆᕕᒃ ᓴᕿᑕᐅᕗᑦ ᑖᒃᑯᐊᓗ ᐅᕿᖏᑦᑐᖅ ᐅᖁᒪᐃᑦᑐᓂᒃ ᓄᓇᓯᐅᑎᓕᕆᕕᒃ ᑎᒥᖓ ᐋᕿᒃᓯᓪᓗᑎᒃ ᐅᖁᒪᐃᑦᑐᓂᒃ ᓄᓇᓯᐅᑎᓂᒃ ᓂᐅᕕᐊᒃᓴᖃᕐᓂᐊᕐᒪᑕ ᐊᒻᒪᓗ ᓴᓇᖃᑦᑕᕐᓗᒋᑦ ᓂᐅᕐᕈᓯᕆᓂᖅ.

1993

ᓯᕗᓪᓕᖅᐹᖅ ᑮᓇᐅᔭᓕᐅᕐᕕᐅᔪᖅ ᐃᒡᓗ ᓴᓇᔭᐅᕗᖅ

ᕿᑭᖅᑖᓗᒃ ᑯᐊᐳᕆᓴᓐ ᑳᓐᑐᕌᒃᑖᕐᑲᐳᑦ ᓴᓇᓂᐊᕐᓗᒍ “ᑐᖑᔪᖅᑐᖅ ᒥᖅᓲᑎᖑᐊᖅ” ᐃᖃᓗᖕᓂ. ᐅᓇ ᐃᒡᓗ ᐱᔨᑦᑎᕋᕐᓂᐊᖅᑐᖅ ᑎᑎᕋᕐᕕᐅᓗᓂ ᑖᒃᑯᓄᖓ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓄᑦ (ᒫᓐᓇ ᕿᑭᖅᑕᓂᒃᑯᑦ).

1989

ᓯᕗᓪᓕᖅᐹᖅ ᐃᒪᕕᖕᒥ ᐃᖃᓗᒐᓱᒃᑐᓄᑦ ᓚᐃᓴᓯᑖᖅᐳᑦ

ᕿᑭᖅᑖᓗᒃ ᑯᐊᐳᕆᓴᓐ ᑐᓂᔭᐅᕗᖅ ᐃᖃᓗᖕᓂ ᓇᖕᒥᓂᖃᕐᑐᓂᒃ ᓚᐃᓴᓯᒥᒃ ᐃᖏᕐᕋᑎᑦᑎᓂᐊᕋᒥᒃ ᐃᒪᕕᖕᒥ ᐃᖃᓗᒐᓱᒃᑐᓂᒃ.

1987

ᐅᓈᖅ ᐃᖃᓗᒐᓱᒃᑎᑦ ᓴᕿᑕᐅᕗᑦ

ᕿᑭᖅᑖᓗᒃ ᑯᐊᐳᕆᓴᓐ, ᒪᑭᕕᒃ ᑯᐊᐳᕆᓴᓐ ᐊᒻᒪᓗ ᓛᐸᑐᐊ ᐃᓄᐃᑦ ᑲᑐᔾᔨᖃᑎᒌᑦ ᓴᕿᑦᑎᕗᑦ ᐅᓈᖅ ᐃᖃᓗᒐᓱᒃᑎᑦ. ᐊᑐᓂ ᑲᒻᐸᓂ ᐱᔪᓐᓇᖅᖢᑎᒃ 400 ᒥᑐᓕᒃ ᑕᓐ ᓇᑖᕐᓇᕐᓂᒃ ᑰᑕᖃᖅᑐᑦ ᐃᖃᓗᒐᓱᒡᓗᑎᒃ ᐊᑖᒍᑦ ᐅᓈᖅ.

1985

ᑭᖑᖕᓂᐊᖅᑎᑦ ᓴᕿᑕᐅᕗᑦ

ᕿᑭᖅᑖᓗᒃ ᑯᐊᐳᕆᓴᓐ ᓴᕿᑦᑎᕗᖅ ᓯᕗᓪᓕᖅᐹᖅ ᓇᖕᒥᓂᖁᑎᒋᓂᐊᖅᑕᑎᒃ – ᑭᖑᖕᓂᐊᖅᑎᑦ. ᐅᓇ ᑲᒻᐸᓂ ᐱᑎᑕᐅᔪᖅ ᑭᖑᖕᓂᐊᒐᒃᓴᓄᑦ ᓚᐃᓴᓯᒥᒃ.

1983

ᕿᑭᖅᑖᓗᒃ ᑯᐊᐳᕆᓴᓐ ᓴᕿᑕᐅᕗᖅ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᓴᕿᑦᑎᕗᑦ ᕿᑭᖅᑖᓗᒃ ᑯᐊᐳᕆᓴᓐ ᑮᓇᐅᔭᓕᐅᕐᕕᐅᓂᐊᕐᒪᑦ ᐱᕙᓪᓕᐊᑎᑦᑎᔨᒋᔭᐅᓗᓂ ᐃᒻᒥᖕᓄᑦ ᐊᑕᓗᓂ.

ᕿᑭᖅᑖᓗᒃ ᑯᐊᐳᕆᓴᓐ ᑲᒻᐸᓂᕈᖅᐳᖅ ᐊᒻᒪᓗ ᓯᕗᓪᓕᖅᐹᒥᒃ ᑲᑎᒪᔨᑖᖅᖢᓂ.

ᕿᑭᖅᑖᓗᒃ ᑯᐊᐳᕆᓴᓐ ᐱᔭᒃᓴᓪᓗᐊᑕᖓ ᐊᐅᓚᑦᑎᓗᑎᒃ ᐃᖃᓗᒐᓱᒃᑕᐅᔪᓐᓇᖅᑐᓂᒃ ᑰᑕᖃᕐᓗᑎᒃ ᑭᒡᒐᖅᑐᕐᓗᒋᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ.

ᐋᓐᓂᐊᖃᖅᑕᐃᓕᑎᑦᑎᓂᖅ ᐊᒻᒪᓗ ᐊᑦᑕᕐᓇᖅᑕᐃᓕᑎᑦᑎᓂᖅ

ᐋᓐᓂᖃᖅᑕᐃᓕᑎᑦᑎᓂᖅ ᐊᒻᒪᓗ ᐊᑦᑕᕐᓇᖅᑐᒦᑕᐃᓕᑎᑦᑎᓂᖅ ᐊᒥᓱᓂᒃ ᓇᖕᒥᓂᖁᑎᑦᑎᓂᒃ ᐊᒻᒪᓗ ᐃᖅᑲᓇᐃᔭᖅᑎᑦᑎᓐᓂᒃ ᐳᖅᑐᓛᖑᑎᑕᕗᑦ ᑕᒪᐃᓐᓂᑦ ᐱᕈᖅᐸᓪᓕᐊᓪᓗᑎᒃ ᓴᖕᖐᔫᓂᐊᕐᒪᑕ, ᐊᑦᑕᕐᓇᖅᑐᒦᓂᐊᓐᖏᒻᒪᑕ ᐊᒻᒪᓗ ᑮᓇᐅᔭᓕᐅᑦᑎᐊᕐᓗᑎᒃ ᕿᑭᖅᑖᓗᒃ ᑯᐊᐳᕆᓴᓐ. ᐋᕿᑦᑎᐊᖅᓯᒪᐃᓐᓇᖅᑕᕗᑦ ᐅᑐᓛᖑᑎᓪᓗᒍ ᐊᑦᑕᖅᓇᖅᑐᒦᑕᐃᓕᑎᑦᑎᓂᖅ ᐱᐅᓯᕆᓪᓗᒋᑦ ᐊᒻᒪᓗ ᐋᓐᓂᐊᖃᓕᑦᑕᐃᓕᓂᖅ ᐊᒻᒪᓗ ᐊᑦᑕᕐᓇᖅᑕᐃᓕᑎᑦᑎᓂᖅ ᓯᕗᓪᓕᐅᑎᓐᓂᐊᖅᑕᕗᑦ ᐊᒻᒪᓗ ᑐᓐᖓᕕᐅᓂᐊᖅᑐᑦ ᑕᒪᐃᓐᓄᑦ ᓴᓇᔭᑦᑎᓐᓂ.

ᕿᑭᖅᑖᓗᒃ ᑯᐊᐳᕆᓴᓐ ᓴᐅᒻᒥᕗᖅ ᐋᓐᓂᐊᖃᓕᑦᑕᐃᓕᓂᖅ ᐊᒻᒪᓗ ᐊᑦᑕᕐᓇᖅᑕᐃᓕᑎᑦᑎᓂᖅ ᐃᖅᑲᓇᐃᔭᖅᑎᑕᒥᖕᓄᑦ, ᐃᑲᔪᖅᑕᒥᖕᓄᑦ ᐊᒻᒪᓗ ᐊᓯᒥᖕᓄᑦ ᐊᒃᑐᖅᑕᐅᔪᓄᑦ ᐱᓕᕆᐊᕆᔭᑦᑎᓐᓂᑦ. ᐅᓇ ᐊᑦᑕᖅᓇᖅᑐᒦᑕᐃᓕᑎᑦᑎᓂᖅ ᐱᓕᕆᑎᑦᑎᔾᔪᑎ ᐊᒻᒪᓗ ᑐᓂᓯᓯᒪᕗᒍᑦ ᐳᖅᑐᓛᖑᓪᓗᓂ ᐊᑦᑕᕐᓇᖅᑐᒦᑕᐃᓕᑎᑦᑎᓂᖅ ᐱᐅᓯᕆᓪᓗᑎᒍᑦ ᑕᒪᐃᓐᓄᑦ ᐱᓕᕆᓂᑦᑎᓐᓄᑦ ᓴᓇᓪᓗᑕ.

ᐊᐱᖁᑎᒃᓴᖃᖅᐲᑦ? ᐃᖅᑲᓇᐃᔭᖃᑕᐅᔪᒪᕕᑦ ᐅᕙᑦᑎᓐᓃ?

ᑐᓴᕐᑎᑦᑎᒋᑦ ᐅᕙᑦᑎᓐᓂᒃ.

  • This field is for validation purposes and should be left unchanged.