1983

QC ᓴᖅᑭᑕᐅᔪᖅ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᑲᑐᔾᔨᖃᑎᒌᖏᑦ) ᓴᖅᑮᕗᑦ ᕿᑭᖅᑖᓗᒃ ᑯᐊᐳᕇᓴᒃᑯᓐᓂᒃ ᑮᓇᐅᔾᔭᔅᓴᓂᕐᒧᑦ ᐱᕙᓪᓕᐊᔪᓕᕆᔨᐅᓪᓗᑎᒃ.

ᕿᑭᖅᑕᓂ ᑯᐊᐳᕇᓴᒃᑯᑦ ᑎᒥᓐᖑᖅᑎᑕᐅᓯᒪᕗᑦ ᐊᒻᒪᓗ ᓯᕗᓪᓕᖅᐸᐅᓪᓗᑎᒃ ᑲᑎᒪᔨᐅᓂᐊᖅᑐᑦ.

ᕿᑭᖅᑕᓂ ᑯᐊᐳᕇᓴᒃᑯᑦ ᐱᓕᕆᐊᕆᓪᓗᐊᑕᖅᑕᖓᑦ ᐊᐅᓚᑦᑎᓂᖅ ᐃᖃᓗᒐᓱᒍᓐᓇᐅᑎᓂᒃ ᑭᒡᒐᖅᑐᕐᓗᒋᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ.

1985

ᑭᓐᖓᒃ ᐃᖃᓗᓕᕆᔨᒃᑯᑦ ᓴᖅᑭᑎᑕᐅᕗᖅ .

ᕿᑭᖅᑕᓂ ᑯᐊᐳᕇᓴᒃᑯᑦ ᓴᖅᑭᑦᑎᕗᑦ ᓯᕗᓪᓕᖅᐹᒥᒃ ᑲᒻᐸᓂᒥᒃ - ᑭᓐᖓᒃ ᐃᖃᓗᓕᕆᔨᒃᑯᑦ. ᑲᒻᐸᓂᐅᔪᖅ ᑐᓂᔭᐅᕙᑉᐳᖅ ᑭᖑᑉᐸᓕᕆᓂᕐᒧᑦ ᓚᐃᓴᒥᒃ.

1987

ᐅᓈᖅ ᐃᖃᓗᓕᕆᔨᒃᑯᑦ ᓴᖅᑭᖅᑕᐅᕗᑦ .

QC, ᒪᑭᕕᒃ ᑯᐊᐳᕇᓴᒃᑯᑦ ᐊᒻᒪᓗ ᓛᐸᑐᐊᒥ ᐃᓄᐃᑦ ᑲᑐᔾᔨᖃᑎᒌᖏᑦ ᓴᖅᑭᑦᑎᕗᑦ ᐅᓈᖅ ᐃᖃᓗᓕᕆᔨᒃᑯᑦ. ᐊᑐᓂ ᑲᒻᐸᓂᐅᔪᑦ ᐱᖃᑦᑕᖅᑐᑦ 400 mt-ᓂᒃ ᖃᓕᕋᓕᒐᓱᐊᕈᓐᓇᖁᓪᓗᒋᑦ ᐅᓇᐅᑉ ᐊᑖᓂ.

1989

ᓯᕗᓪᓕᖅᐹᖅ ᐃᒪᕕᖕᒥ ᐃᖃᓗᒐᓱᖕᓂᕐᒧᑦ ᓚᐃᓴᓐᓯ

ᖁᓪᓕᖅ ᑯᐊᐳᕇᓴᒃᑯᑦ ᑐᓂᔭᐅᔪᑦ ᐃᖃᓗᓐᓂ ᓇᒻᒥᓂᖃᕐᓂᕐᒧᑦ ᓚᐃᓴᓐᓯᒥᒃ ᐊᐅᓚᑦᑎᓂᕐᒧᑦ ᐃᒪᕕᒻᒥ ᐃᖃᓗᒐᓱᓐᓂᕐᒥᒃ.

1993

ᓯᕗᓪᓕᖅᐹᖅ ᑮᓇᐅᔭᓕᐅᕋᓱᐊᕐᓂᕐᒧᑦ ᐃᒡᓗᓕᐅᕐᓂᖅ

ᕿᑭᖅᑕᓂ ᑯᐊᐳᕇᓴᒃᑯᑦ ᑳᓐᑐᕌᒃᑕᐅᓯᒪᔪᑦ ᓴᓇᓂᐊᕐᓗᑎᒃ “ᑐᖑᔪᖅᑐᒥᒃ ᖁᒻᒧᐊᒃᑎᑕᐅᓯᒪᔪᒥᒃ” ᐃᖃᓗᖕᓂ. ᐃᓪᓗ ᐊᓪᓚᕝᕕᒋᔭᐅᕗᖅ ᕿᑭᖅᑖᓗᒻᒥ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ (ᒫᓐᓇ ᕿᑭᖅᑕᓃᒃᑯᑦ).

1994

ᖁᓪᓕᖅ ᑯᐊᐳᕇᓴᒃᑯᑦ ᐊᖏᒡᓕᒋᐊᖅᑎᑦᑎᕗᑦ ᐅᖁᒪᐃᑦᑐᓂᒃ ᓄᓇᓯᐅᑎᓂᒃ ᓂᐅᕕᐊᒃᓴᖃᖃᑦᑕᕐᓂᕐᒥᒃ

ᑲᑐᔾᔨᖃᑎᒌᓐᓂᒃᑯᑦ ᑲᒻᐸᓂᐅᔪᖅ ᓴᖅᑭᑕᐅᓚᐅᖅᑐᖅ ᕼᐃᐅᑦ ᓱᓇᒃᑯᑖᓄᑦ ᓕᒥᑎᑦᑯᓐᓂᑦ ᐅᖁᒪᐃᑦᑐᓄᑦ ᓄᓇᓯᐅᑎᓄᑦ ᓂᐅᕐᕈᑎᖃᕈᓐᓇᖁᓪᓗᒋᑦ ᐱᔨᑦᑎᕋᐅᑎᓂᓪᓗ ᓂᐅᕐᕈᑎᖃᕈᓐᓇᖁᓪᓗᒋᑦ.

1996

ᓯᕗᓪᓕᖅᐹᒥ ᐱᖁᑎᓂᒃ ᐊᐅᓚᑦᑎᓂᕐᒧᑦ ᑳᓐᑐᓛᒃ

ᖁᓪᓕᖅ ᑯᐊᐳᕇᓴᒃᑯᑦ ᑎᒍᓯᕗᑦ ᓯᕗᓪᓕᖅᐹᒥᒃ ᐊᐅᓚᑦᑎᓂᕐᒧᑦ ᐋᖅᑭᐅᒪᑎᑦᑎᓂᕐᒧᓪᓗ ᑳᓐᑐᕌᒥᒃ ᐃᖃᓗᐃᑦ ᖃᖓᑕᓲᒃᑯᕕᖓᓄᑦ.

1998

ᕿᑭᖅᑖᓗᖕᒥ ᑯᐊᐳᕇᓴᒃᑯᑦ ᐃᓯᖅᑐᑦ ᐊᕙᑎᓕᕆᓂᕐᒧᑦ

ᕿᑭᖅᑕᓂ ᑯᐊᐳᕇᓴᒃᑯᑦ ᑐᓂᔭᐅᕗᑦ $6.95 ᒥᓕᐊᓐᓂᒃ ᖃᐅᓱᐃᑦᑐᒧᑦ ᕿᑭᖅᑕᒥ ᓴᓗᒻᒪᖅᓴᐃᓂᕐᒧᑦ ᑳᓐᑐᕌᒥᒃ.

1999

ᕿᑭᖅᑖᓗᖕᒥ ᑯᐊᐳᕇᓴᒃᑯᑦ ᐃᓯᖅᐳᑦ ᓂᐅᕕᕐᕕᖕᒥ ᓂᐅᕐᕈᑎᖃᕐᓂᕐᒧᑦ ᐱᓕᕆᕕᖕᒧᑦ

ᕿᑭᖅᑕᓃᒃᑯᑦ ᓂᐅᕕᖃᑦᑕᖅᑐᑦ ᕿᑭᖅᑖᓗᖕᒥ ᒑᓯᑖᕐᕕᖕᒥᑦ ᑲᑭᕙᒃ ᑲᑐᔾᔨᖃᑎᒌᒃᑯᖏᓐᓂᑦ.

2004

ᕿᑭᖅᑖᓗᒃ ᑯᐊᐳᕇᓴᒃᑯᑦ ᓴᓇᒋᐊᓯᕗᑦ $62 ᒥᓕᐊᓐ ᕿᑭᖅᑕᓂ ᐋᓐᓂᐊᕕᒃᓴᒥᒃ

QC ᓯᕗᓪᓕᖅᐹᖑᓪᓗᑎᒃ ᐃᓄᖕᓂᑦ ᑲᒻᐸᓂᒋᔭᐅᓪᓗᑎᒃ ᑲᑐᔾᔨᖃᑎᖃᓕᖅᖢᑎᒃ ᓄᓇᕗᑦ ᒐᕙᒪᒃᑯᖏᓐᓂᑦ ᓇᖕᒥᓂᕆᔭᐅᔪᓄᑦ-ᒐᕙᒪᒃᑯᓄᓪᓗ ᑲᑐᔾᔨᖃᑎᖃᕐᓂᒃᑯᑦ ᓴᓇᔭᐅᓂᖓᓄᑦ ᓯᕗᓪᓕᖅᐹᖅ ᐋᓐᓂᐊᕕᒃᓴᖅ ᓄᓇᕗᒻᒥ − ᕿᑭᖅᑕᓂ ᐋᓐᓂᐊᕕᒃᓴᖅ ᐃᖃᓗᖕᓂ.

2005

QC ᓴᖅᑮᕗᑦ ᕿᑭᖅᑖᓗᒻᒥ ᐃᖃᓗᓕᕆᔨᒃᑯᑦ ᑯᐊᐳᕇᓴᖓᓐᓂᒃ

ᐊᒥᓲᓂᖅᓴᓄᑦ ᓇᖕᒥᓂᕆᔭᐅᔪᖅ ᑲᑐᔾᔨᖃᑎᒌᒍᑕᐅᔪᖅ, ᕿᑭᖅᑖᓗᒃ ᐃᖃᓗᓕᕆᔨᒃᑯᑦ ᑯᐊᐳᕇᓴᖓ, ᓴᖅᑭᑕᐅᕗᖅ.

2006

ᕿᑭᖅᑖᓗᒃ ᓚᒡᔨᔅᑎᒃᑯᑦ ᓴᖅᑭᑕᐅᕗᑦ

ᕿᑭᖅᑖᓗᒃ ᑯᐊᐳᕇᓴᒃᑯᑦ ᐋᖅᑭᒃᓯᕗᑦ ᕿᑭᖅᑖᓗᒃ ᓚᒡᔨᔅᑎᒃᑯᑦ ᑎᒥᖁᑎᒋᔭᖓᓂᒃ ᑲᒻᐸᓂᒥᒃ ᓯᕗᓕᖅᑎᐅᓂᐊᖅᑐᒥᒃ ᐊᕙᑎᒥᒃ ᓴᓗᒻᒪᖅᓴᐃᓂᕐᒧᑦ ᐱᓕᕆᐊᒃᓴᓂᒃ.

2007

ᖁᓪᓕᖅ ᑯᐊᐳᕇᓴᒃᑯᑦ ᐊᖏᒡᓕᒋᐊᖅᑎᑦᑎᔪᑦ ᐊᐅᓚᓂᕆᔭᒥᓂᒃ ᐃᒡᓗᒃᓴᓄᑦ ᓂᐅᕕᐊᒃᓴᖃᖃᑦᑕᕐᓂᕐᒧᑦ

QC ᐊᒻᒪ ᓄᓇᓯ ᑯᐊᐳᕇᓴᒃᑯᑦ ᓂᐅᕕᖅᐳᑦ Frobuild Ltd.-ᑯᓐᓂᑦ ᐃᒡᓗᒃᓴᓄᑦ ᓱᓇᒃᑯᑖᓂᒃ ᓂᐅᕕᕐᕕᖕᒥᒃ ᐃᖃᓗᖕᓂ.

2011

ᕿᑭᖅᑖᓗᖕᒥ ᑯᐊᐳᕇᓴᒃᑯᑦ ᐊᑦᑕᓇᔾᔭᐃᖅᓯᒪᕗᑦ ᓯᓚᑖᓂ ᓇᓗᓇᐃᖅᓯᕕᐅᙱᓪᓗᑎᒃ ᐊᖏᔪᓄᑦ ᐊᕙᑎᓕᕆᓂᕐᒧᑦ ᐱᓕᕆᐊᓄᑦ

ᕿᑭᖅᑖᓗᖕᒥ ᑯᐊᐳᕇᓴᒃᑯᑦ ᓯᕗᓪᓕᖅᐹᖑᓪᓗᑎᒃ 100 ᐳᓴᓐᑎᒥᒃ ᐃᓄᖕᓄᑦ ᓇᖕᒥᓂᕆᔭᐅᔪᑦ ᑲᒻᐸᓂᐅᔪᑦ ᐊᑭᓕᒃᓴᖃᖅᑎᑕᐅᓪᓗᑎᒃ ᓯᓚᑖᓂ ᓇᓗᓇᐃᖅᑕᐅᓯᒪᔪᖃᕋᑎᒃ ᑳᓐᑐᕌᒃᑕᐅᓯᒪᓪᓗᑎᒃ ᑖᔅᓱᒧᖓ ᒥᓕᐊᓐᖏᓐᓃᑦᑐᓂᒃ ᑮᓇᐅᔭᓂᒃ ᐊᕙᑎᓕᕆᓂᕐᒧᑦ ᐋᖅᑭᒋᐊᕈᑎᒃᓴᓄᑦ ᑳᓐᑐᕌᒃᑕᐅᓯᒪᔪᓄᑦ.

2012

MV ᓴᐳᑎ ᓄᑖᙳᕆᐊᖅᑕᐅᓂᖓ

ᐊᖏᓪᓕᒋᐊᖁᓪᓗᒍ ᓴᐳᑎᐅᑉ ᐅᓯᔭᒃᓴᐅᓂᖓ, ᐅᒥᐊᕐᔪᐊᖅ ᑕᑭᓪᓕᒋᐊᖅᑕᐅᕗᖅ 12 ᒦᑕᓂᒃ. ᐅᓯᔭᐅᔪᑦ ᐊᖏᓪᓕᒋᐊᖅᑕᐅᓯᒪᔪᑦ ᐅᓯᔪᓐᓇᖁᓪᓗᒋᑦ 900 ᑕᓐᔅ-ᓂᒃ ᖃᓕᕋᓕᓐᓂᒃ ᐊᒻᒪᓗ 650 ᑕᓐᔅ-ᓂᒃ ᐅᑭᐅᖅᑕᖅᑐᒥ ᑭᖑᑉᐸᓂᒃ, ᐊᖏᓪᓕᒋᐊᖅᑎᑦᑎᓪᓗᓂ ᐊᑑᑎᖃᑦᑎᐊᕐᓂᖓᓂᒃ.

2015

ᕿᑭᖅᑕᓂ ᓄᓇᓕᖕᓄᑦ ᐳᓚᕋᕐᓂᖅ

ᕿᑭᖅᑕᓃᒃᑯᑦ ᐊᑐᓂᑦ ᕿᑭᖅᑕᓂ ᓄᓇᓕᓐᓄᑦ ᐳᓚᕋᖃᑦᑕᖅᑐᑦ ᓄᓇᓕᒻᒥᐅᑕᓂᑦ ᐊᒻᒪᓗ ᓄᓇᓕᓐᓂ ᓯᕗᓕᖅᑎᐅᔪᓂᑦ ᑐᓴᕆᐊᖅᑐᖅᑐᑎᒃ ᐱᔭᕆᐊᓕᖏᓐᓂᑦ ᐊᒻᒪᓗ ᑕᐅᑐᓐᖑᐊᖅᑕᖏᓐᓂᑦ ᓄᓇᓕᖏᓐᓄᑦ.

2016

QC ᓴᖅᑭᑎᑦᑎᕗᑦ ᕿᑭᖅᑖᓗᖕᒥ ᓇᖕᒥᓂᖁᑎᓕᖕᓄᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᓐᒥᒃ

ᐱᔨᑦᓯᕋᑦᑎᐊᒃᑲᓐᓂᖁᓪᓗᒋᑦ ᕿᑭᖅᑕᓂ ᓄᓇᓕᓐᓂᑦ, ᕿᑭᖅᑖᓗᒃ ᑯᐊᐳᕇᓴᒃᑯᑦ ᓴᖅᑮᕗᑦ ᕿᑭᖅᑕᓃᒃᑯᑦ ᑎᒥᖁᑎᖓᓐᓂᑦ ᐃᑲᔪᖅᓱᖁᓪᓗᒋᑦ ᓄᓇᓕᓐᓂᑦ ᓴᖅᑭᑎᑦᑎᓂᕐᒥᑦ ᒪᑭᒪᔾᔪᑎᔅᓴᓂᑦ ᐱᖁᑎᕐᔪᐊᓕᕆᓂᕐᒧᓪᓗ ᓯᕗᓪᓕᐅᔾᔭᐅᖁᔭᖏᓐᓂᑦ.

2017

ᑎᑭᐅᑎᔪᖅ 81% ᐃᓄᐃᑦ ᐃᖅᑲᓇᐃᔭᖅᑐᑦ

ᕿᑭᖅᑖᓗᒃ ᑯᐊᐳᕇᓴᒃᑯᑦ ᖁᑦᑎᓂᖅᐹᖑᔪᑦ ᐃᓄᓐᓂᑦ ᐃᖅᑲᓇᐃᔭᖅᑎᓂᑦ ᓇᓪᓕᑐᐃᓐᓇᕐᓂᑦ ᓇᒻᒥᓂᖁᑎᓕᓐᓂᑦ ᓄᓇᕗᒻᒥ ᐃᖅᑲᓇᐃᔭᖅᑎᑦᑎᔨᐅᔪᓂᑦ.

2018

ᓄᓇᕗᑦ ᓄᒃᑭᒃᓴᐅᑏᑦ ᑯᐊᐳᕇᓴᖓ ᓇᓗᓇᐃᖅᑕᐅᕗᖅ .

ᕿᑭᖅᑖᓗᒃ ᑯᐊᐳᕇᓴᒃᑯᑦ ᑐᓴᖅᑎᑦᑎᕗᑦ ᓄᑖᒥᒃ ᑎᒥᖁᑎᑖᕐᓂᐊᓕᕐᒪᑕ ᓄᓇᕗᑦ ᓄᒃᑭᒃᓴᐅᑏᑦ ᑯᐊᐳᕇᓴᓐ, ᐱᓇᓱᐊᕈᒪᓪᓗᑎᒃ ᓴᓗᒪᔪᒥᒃ ᐆᒻᒪᖅᑯᑎᖃᕐᓂᕐᒧᑦ ᐱᓕᕆᐊᒃᓴᓂᒃ ᑲᑐᔾᔨᖃᑎᖃᕐᓗᑎᒃ ᕿᑭᖅᑕᓂ ᓄᓇᓕᖕᓂᒃ. NNC ᓯᕗᓪᓕᖅᐹᖑᓪᓗᓂ 100 ᐳᓴᓐᑎᒥᑦ ᐃᓄᓐᓄᑦ ᓇᒻᒥᓂᕆᔭᐅᔪᖅ ᓴᓗᒪᔪᒥᑦ ᐆᒻᒪᖅᑯᑎᓕᕆᓂᕐᒥᑦ ᓄᓇᕗᒻᒥᑦ.

2019

ᐸᓐᐋᒃᑎᒃ ᑐᓴᐅᒪᖃᑦᑕᐅᑎᓕᕆᔨᒃᑯᑦ ᓴᖅᑭᑕᐅᕗᑦ

QC-ᑯᑦ ᓴᖅᑮᕗᑦ PanArctic Communication Inc.-ᒥᒃ, ᐃᓚᒋᓪᓗᓂᐅᒃ ᑲᒻᐸᓂ ᑎᑭᑎᑦᓯᓂᐊᕐᓗᓂ ᓱᒃᑲᔪᒥᒃ ᑕᑎᒋᔭᐅᔪᓐᓇᖅᑐᒥᓪᓗ ᐃᑭᐊᖅᑭᕕᒃᑯᑦ ᐱᔨᑦᓯᕋᐅᑎᓂᒃ ᓄᓇᕗᒻᒧᑦ.

2020

ᐊᖅᓴᕐᓃᑦ ᑐᔪᕐᒥᕕᒃ ᐊᒻᒪᓗ ᑲᑎᒪᕕᒃ ᒪᑐᐃᖅᑐᖅ

ᕿᑭᖅᑕᓂ ᑯᐊᐳᕇᓴᒃᑯᑦ 100 ᐳᓴᓐᑎᒥᒃ ᐃᓄᓐᓄᑦ ᓇᒻᒥᓂᖁᑎᒋᔭᐅᔪᖅ ᐊᖅᓴᕐᓃᑦ ᑐᔪᕐᒥᕕᖓ ᑲᑎᒪᕕᖓᓗ ᒪᑐᐃᖅᑐᖅ.