ᖃᓄᐃᓕᐅᕈᑕᐅᖃᑦᑕᖅᓯᒪᔪᑦ & ᐱᕈᖅᐸᓪᓕᐊᓂᖅ
2019
ᐸᓐᐋᒃᑎᒃ ᑐᓴᐅᒪᖃᑦᑕᐅᑎᓕᕆᔨᒃᑯᑦ ᓴᖅᑭᑕᐅᕗᑦ
QC-ᑯᑦ ᓴᖅᑮᕗᑦ PanArctic Communication Inc.-ᒥᒃ, ᐃᓚᒋᓪᓗᓂᐅᒃ ᑲᒻᐸᓂ ᑎᑭᑎᑦᓯᓂᐊᕐᓗᓂ ᓱᒃᑲᔪᒥᒃ ᑕᑎᒋᔭᐅᔪᓐᓇᖅᑐᒥᓪᓗ ᐃᑭᐊᖅᑭᕕᒃᑯᑦ ᐱᔨᑦᓯᕋᐅᑎᓂᒃ ᓄᓇᕗᒻᒧᑦ.
2018
ᓄᓇᕗᑦ ᓄᒃᑭᒃᓴᐅᑏᑦ ᑯᐊᐳᕇᓴᓐ ᓴᖅᑭᖅᑕᐅᕗᖅ .
ᕿᑭᖅᑖᓗᒃ ᑯᐊᐳᕇᓴᒃᑯᑦ ᓴᖅᑮᔪᑦ ᓄᑖᒥᑦ ᐃᓚᒍᑕᐅᔪᒥᑦ ᑲᒻᐸᓂᒥᑦ, ᓄᓇᕗᑦ ᓄᒃᑭᒃᓴᐅᑏᑦ ᑯᐊᐳᕇᓴᓐ, ᑲᔪᓯᑎᑦᑎᓂᐊᖅᑐᓂᑦ ᓴᓗᒪᔪᒥᑦ ᐆᒻᒪᖅᑯᑎᖃᕐᓂᕐᒧᑦ ᐱᓕᕆᐊᔅᓴᓂᑦ ᑲᑐᔾᔨᖃᑎᖃᖅᑐᑎᒃ ᕿᑭᖅᑕᓂ ᓄᓇᓕᓐᓂᑦ. NNC ᓯᕗᓪᓕᖅᐹᖑᓪᓗᓂ 100 ᐳᓴᓐᑎᒥᑦ ᐃᓄᓐᓄᑦ ᓇᒻᒥᓂᕆᔭᐅᔪᖅ ᓴᓗᒪᔪᒥᑦ ᐆᒻᒪᖅᑯᑎᓕᕆᓂᕐᒥᑦ ᓄᓇᕗᒻᒥᑦ.
QC−ᑯᑦ ᑎᒍᓯᕗᑦ 100%−ᒥᒃ ᓇᖕᒥᓂᖃᕐᓂᕐᒥᒃ QFC-ᑯᓐᓂᒃ
ᕿᑭᖅᑖᓗᒃ ᑯᐊᐳᕇᓴᒃᑯᑦ ᐱᕗᑦ 100 ᐳᓴᓐᑎᒥᒃ ᓇᖕᒥᓂᖁᑎᒋᔭᐅᓂᖓᓂᒃ ᕿᑭᖅᑖᓗᒃ ᐃᒪᕐᒥᐅᑕᓕᕆᔨᒃᑯᑦ ᑯᐊᐳᕇᓴᖓ ᓇᖕᒥᓂᖃᖅᑎᑐᐊᖑᓕᖅᖢᓂ ᓴᐳᑎᒥᒃ.
ᐊᖅᓴᕐᓃᑦ ᑐᔪᕐᒥᕕᒃ ᐊᒻᒪ ᑲᑎᒪᕕᒃ ᐱᒋᐊᖅᑎᑕᐅᕗᖅ
ᕿᑭᖅᑖᓗᒃ ᑯᐊᐳᕇᓴᒃᑯᑦ ᐱᒋᐊᖅᑎᑦᑎᕗᑦ ᓇᑉᐸᖅᑎᕆᓂᕐᒥᒃ 100 ᐳᓴᓐᑎᒥᒃ ᐃᓄᖕᓄᑦ ᓇᖕᒥᓂᕆᔭᐅᔪᒥᒃ ᐊᖅᓴᕐᓃᑦ ᑐᔪᕐᒥᕕᒃᓴᒥᒃ ᑲᑎᒪᕕᒃᓴᒥᒡᓗ ᐃᖃᓗᖕᓂ ᐃᓄᐃᑦ ᓇᖕᒥᓂᖁᑎᖓᓐᓂ ᓄᓇᒥ.
QC ᖁᕕᐊᓲᑎᖃᖅᐳᑦ 35−ᓂᒃ ᐊᕐᕌᒍᓂᒃ
ᕿᑭᖅᑖᓗᒃ ᑯᐊᐳᕇᓴᒃᑯᑦ ᖁᕕᐊᓲᑎᖃᖅᐳᑦ 35−ᒋᓕᖅᑕᖓᓂ ᐊᕐᕌᒍᒥ ᐊᐅᓚᓂᖃᓕᕐᓂᖓᓂ ᐊᒻᒪ 35 ᐊᕐᕌᒍᓂ ᑲᔪᓯᓂᖃᑦᑎᐊᕐᓂᖓᓂ, ᐱᕈᖅᐸᓪᓕᐊᓂᖓᓂ ᐊᒻᒪ ᑮᓇᐅᔭᓕᐅᕈᑎᖃᕐᓂᖓᓂ.
2017
ᑎᑭᐅᑎᔪᖅ 81% ᐃᓄᐃᑦ ᐃᖅᑲᓇᐃᔭᖅᑐᑦ
ᕿᑭᖅᑖᓗᒃ ᑯᐊᐳᕇᓴᒃᑯᑦ ᖁᑦᑎᓂᖅᐹᖑᔪᑦ ᐃᓄᓐᓂᑦ ᐃᖅᑲᓇᐃᔭᖅᑎᓂᑦ ᓇᓪᓕᑐᐃᓐᓇᕐᓂᑦ ᓇᒻᒥᓂᖁᑎᓕᓐᓂᑦ ᓄᓇᕗᒻᒥ ᐃᖅᑲᓇᐃᔭᖅᑎᑦᑎᔨᐅᔪᓂᑦ.
ᓄᑖᖅ ᓛᒐ ᕿᑭᖅᑖᓗᒃ ᐃᒡᓗᕐᔪᐊᖅ
ᐋᑐᕚ ᓛᒐ ᕿᑭᖅᑖᓗᒻᒥ ᐋᓐᓂᐊᕕᓕᐊᖅᑐᓄᑦ ᑐᔪᕐᒥᕕᒃ ᓅᑉᐳᖅ ᓄᑖᒧᑦ ᐊᖏᓂᖅᓴᒧᑦ ᐃᓪᓗᒧᑦ ᐃᓂᖃᑦᑎᐊᕐᓂᖅᓴᐅᖁᓪᓗᒋᑦ ᕿᑭᖅᑕᓂ ᐃᓄᐃᑦ ᐋᓐᓂᐊᕕᓕᐊᖅᑎᓪᓗᒋᑦ.
ᐃᓄᐃᑦ ᓇᒻᒥᓂᖁᑎᖓᑦ ᓄᓇᒥᒃ ᐊᑐᖅᑐᐊᕈᑎᒥᒃ ᐊᑎᓕᐅᕆᓂᖅ
ᕿᑭᖅᑕᓃᒃᑯᑦ ᐊᑎᓕᐅᖃᑕᐅᕗᑦ ᓄᓇᒥᒃ ᐊᑐᖅᑐᐊᕈᑎᒥᒃ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐃᓄᐃᑦ ᓇᒻᒥᓂᖁᑎᖓᓄᑦ ᓄᓇᒧᑦ ᐃᖃᓗᓐᓂ. ᐱᕙᓪᓕᐊᑎᑕᐅᓂᖓ ᑖᔅᓱᒪ ᐃᓛᒃᑰᖓᔪᖅ ᓄᓇ ᐊᖏᓛᖑᔪᖅ ᓇᖕᒥᓂᕆᔭᐅᔪᓄᑦ ᓄᓇᒥᒃ ᐱᕙᓪᓕᐊᑎᑦᑎᓂᕐᒧᑦ ᐊᐅᓚᔾᔭᒃᑕᐅᓯᒪᔪᖅ ᓄᓇᕗᒻᒥ.
2016
QC ᓴᖅᑭᑎᑦᑎᕗᑦ ᕿᑭᖅᑖᓗᖕᒥ ᓇᖕᒥᓂᖁᑎᓕᖕᓄᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᓐᒥᒃ
ᐱᔨᑦᓯᕋᑦᑎᐊᒃᑲᓐᓂᖁᓪᓗᒋᑦ ᕿᑭᖅᑕᓂ ᓄᓇᓕᓐᓂᑦ, ᕿᑭᖅᑖᓗᒃ ᑯᐊᐳᕇᓴᒃᑯᑦ ᓴᖅᑮᕗᑦ ᕿᑭᖅᑕᓃᒃᑯᑦ ᑎᒥᖁᑎᖓᓐᓂᑦ ᐃᑲᔪᖅᓱᖁᓪᓗᒋᑦ ᓄᓇᓕᓐᓂᑦ ᓴᖅᑭᑎᑦᑎᓂᕐᒥᑦ ᒪᑭᒪᔾᔪᑎᔅᓴᓂᑦ ᐱᖁᑎᕐᔪᐊᓕᕆᓂᕐᒧᓪᓗ ᓯᕗᓪᓕᐅᔾᔭᐅᖁᔭᖏᓐᓂᑦ.
2015
ᕿᑭᖅᑕᓂ ᓄᓇᓕᖕᓄᑦ ᐳᓚᕋᕐᓂᖅ
ᕿᑭᖅᑕᓃᒃᑯᑦ ᐊᑐᓂᑦ ᕿᑭᖅᑕᓂ ᓄᓇᓕᓐᓄᑦ ᐳᓚᕋᖃᑦᑕᖅᑐᑦ ᓄᓇᓕᒻᒥᐅᑕᓂᑦ ᐊᒻᒪᓗ ᓄᓇᓕᓐᓂ ᓯᕗᓕᖅᑎᐅᔪᓂᑦ ᑐᓴᕆᐊᖅᑐᖅᑐᑎᒃ ᐱᔭᕆᐊᓕᖏᓐᓂᑦ ᐊᒻᒪᓗ ᑕᐅᑐᓐᖑᐊᖅᑕᖏᓐᓂᑦ ᓄᓇᓕᖏᓐᓄᑦ.
2012
MV ᓴᐳᑎ ᓄᑖᙳᕆᐊᖅᑕᐅᓂᖓ
ᐊᖏᓪᓕᒋᐊᖁᓪᓗᒍ ᓴᐳᑎᐅᑉ ᐅᓯᔭᐅᔪᓂᒃ, ᐅᒥᐊᕐᔪᐊᖅ ᑕᑭᓪᓕᒋᐊᖅᑕᐅᕗᖅ 12 ᒦᑕᓂᒃ. ᐅᓯᔭᐅᔪᑦ ᐊᖏᓪᓕᒋᐊᖅᑕᐅᓯᒪᔪᑦ ᐅᓯᔪᓐᓇᖁᓪᓗᒋᑦ 900 ᑕᓐᔅ-ᓂᒃ ᖃᓕᕋᓕᓐᓂᒃ ᐊᒻᒪᓗ 650 ᑕᓐᔅ-ᓂᒃ ᐅᑭᐅᖅᑕᖅᑐᒥ ᑭᖑᑉᐸᓂᒃ, ᐊᖏᓪᓕᒋᐊᖅᑎᑦᑎᓪᓗᓂ ᐊᑑᑎᖃᑦᑎᐊᕐᓂᖓᓂᒃ.
2011
ᕿᑭᖅᑖᓗᖕᒥ ᑯᐊᐳᕇᓴᒃᑯᑦ ᐊᑦᑕᓇᔾᔭᐃᖅᓯᒪᕗᑦ ᓯᓚᑖᓂ ᓇᓗᓇᐃᖅᓯᕕᐅᙱᓪᓗᑎᒃ ᐊᖏᔪᓄᑦ ᐊᕙᑎᓕᕆᓂᕐᒧᑦ ᐱᓕᕆᐊᓄᑦ
ᕿᑭᖅᑖᓗᖕᒥ ᑯᐊᐳᕇᓴᒃᑯᑦ ᓯᕗᓪᓕᖅᐹᖑᓪᓗᑎᒃ 100 ᐳᓴᓐᑎᒥᒃ ᐃᓄᖕᓄᑦ ᓇᖕᒥᓂᕆᔭᐅᔪᑦ ᑲᒻᐸᓂᐅᔪᑦ ᐊᑭᓕᒃᓴᖃᖅᑎᑕᐅᓪᓗᑎᒃ ᓯᓚᑖᓂ ᓇᓗᓇᐃᖅᑕᐅᓯᒪᔪᖃᕋᑎᒃ ᑳᓐᑐᕌᒃᑕᐅᓯᒪᓪᓗᑎᒃ ᑖᔅᓱᒧᖓ ᒥᓕᐊᓐᖏᓐᓃᑦᑐᓂᒃ ᑮᓇᐅᔭᓂᒃ ᐊᕙᑎᓕᕆᓂᕐᒧᑦ ᐋᖅᑭᒋᐊᕈᑎᒃᓴᓄᑦ ᑳᓐᑐᕌᒃᑕᐅᓯᒪᔪᓄᑦ.
ᕿᑭᖅᑖᓗᖕᒥ ᑯᐊᐳᕇᓴᒃᑯᑦ ᐊᔾᔨᒌᙱᕈᓘᔭᖅᑎᑦᑎᔪᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪ ᖃᖓᑕᓲᒃᑯᑦ ᐃᖏᕐᕋᔾᔪᑎᓄᑦ ᐱᔨᑦᑎᕋᐅᑎᓄᑦ
ᕿᑭᖅᑖᓗᒃ ᑯᐊᐳᕇᓴᒃᑯᑦ ᑮᓇᐅᔭᖃᖅᑎᑦᓯᔪᑦ ᒪᕐᕉᓐᓂᒃ ᓄᑖᓂᒃ ᑲᑐᔾᔨᖃᑎᖃᖅᑐᑎᒃ – ᖁᓪᓕᖅ ᑯᐊᐳᕇᓴᒃᑯᑦ/ᓯᑳᓚᑦ ᐅᐊᑦᑎᔩᑦ ᐱᔨᑦᓯᖅᑎᖏᑦ ᐃᓐᑲᒻ ᐊᒻᒪᓗ ᕿᑭᖅᑕᓂ ᓯᕗᓪᓕᖅ ᖃᖓᑕᓲᓕᕆᔨᒃᑯᑦ ᓕᒥᑎᑦ.
2007
ᖁᓪᓕᖅ ᑯᐊᐳᕇᓴᒃᑯᑦ ᐊᖏᒡᓕᒋᐊᖅᑎᑦᑎᔪᑦ ᐊᐅᓚᓂᕆᔭᒥᓂᒃ ᐃᒡᓗᒃᓴᓄᑦ ᓂᐅᕕᐊᒃᓴᖃᖃᑦᑕᕐᓂᕐᒧᑦ
QC ᐊᒻᒪ ᓄᓇᓯ ᑯᐊᐳᕇᓴᒃᑯᑦ ᓂᐅᕕᖅᐳᑦ Frobuild Ltd.-ᑯᓐᓂᑦ ᐃᒡᓗᒃᓴᓄᑦ ᓱᓇᒃᑯᑖᓂᒃ ᓂᐅᕕᕐᕕᖕᒥᒃ ᐃᖃᓗᖕᓂ.
ᕿᑭᖅᑖᓗᒃ ᑯᐊᐳᕇᓴᒃᑯᑦ ᓯᕗᓪᓕᖅᐹᒥᒃ ᑳᓐᑐᕌᒃᑖᖅᑐᑦ ᐅᔭᕋᖕᓂᐊᕐᕕᓕᕆᔨᒃᑯᓐᓂᑦ
ᕿᑭᖅᑖᓗᒃ ᓚᒡᔨᔅᑎᒃᑯᑦ ᐊᑎᓕᐅᖅᑐᑦ ᓯᕗᓪᓕᖅᐹᒥᒃ ᑳᓐᑐᕌᒥᒃ ᐹᕕᓐᓛᓐ ᓴᕕᕋᔭᒃᓴᒥᒃ ᐅᔭᕋᖕᓂᐊᕐᕕᒃᑯᓐᓄᑦ ᐃᖅᑲᓇᐃᔭᖅᑎᒃᓴᖅᓯᐅᕐᓂᕐᒧᑦ ᐊᒻᒪᓗ ᐊᑐᕆᐊᓂᒃ ᐋᖅᑭᐅᒪᑎᑦᑎᓂᕐᒧᑦ ᐅᔭᕋᖕᓂᐊᕐᕕᐅᑉ ᐃᓂᒋᔭᖓᓂ.
2006
ᕿᑭᖅᑖᓗᒃ ᓚᒡᔨᔅᑎᒃᑯᑦ ᓴᖅᑭᑕᐅᕗᑦ
ᕿᑭᖅᑖᓗᒃ ᑯᐊᐳᕇᓴᒃᑯᑦ ᐋᖅᑭᒃᓯᕗᑦ ᕿᑭᖅᑖᓗᒃ ᓚᒡᔨᔅᑎᒃᑯᑦ ᑎᒥᖁᑎᒋᔭᖓᓂᒃ ᑲᒻᐸᓂᒥᒃ ᓯᕗᓕᖅᑎᐅᓂᐊᖅᑐᒥᒃ ᐊᕙᑎᒥᒃ ᓴᓗᒻᒪᖅᓴᐃᓂᕐᒧᑦ ᐱᓕᕆᐊᒃᓴᓂᒃ.
ᖁᓪᓕᖅ ᑯᐊᐳᕇᓴᒃᑯᑦ ᐃᓕᑕᕆᔭᐅᓯᒪᕗᑦ ᐃᓄᐃᑦ ᐱᔪᓐᓇᖅᓯᕙᓪᓕᐊᖁᓪᓗᒋᑦ ᐱᓕᕆᐊᒃᓴᓄᑦ ᑲᔪᓯᑎᑦᑎᓂᕐᒧᑦ ᐆᒃᑑᑎᒥᒃ
ᕼᐃᐅᕆ ᕕᓚᕼᐅᐊᑎ ᑐᓂᔭᐅᔪᖅ ᒥᓂᔅᑕᐅᑉ ᑐᒡᓕᐊᑕ ᐅᐱᒋᔭᖓᓂᒃ ᐃᓕᓴᕆᔭᐅᔾᔪᑎᖓᓂᓪᓗ ᐱᔨᑦᑎᕋᑦᑎᐊᕐᓂᖓᓄᑦ ᐃᓄᓕᕆᔨᑐᖃᒃᑯᓐᓂᑦ ᑲᓇᑕᒥ ᐃᓕᓴᕆᔭᐅᓪᓗᓂ ᐱᓇᓱᐊᕐᓂᕆᔭᖓ ᐊᖏᓂᖅᐹᒃᑯᑦ ᓴᖅᑭᔮᖅᑎᑦᑎᓇᓱᐊᕐᓂᖓᓄᓪᓗ ᐃᓄᐃᑦ ᐃᓚᐅᓂᖏᓐᓄᑦ ᐃᖅᑲᓇᐃᔮᒥᓂᓪᓗ ᐱᕙᓪᓕᐊᑎᑦᑎᓂᕐᒧᑦ ᖃᐅᓱᐃᑦᑐᖅ ᕿᑭᖅᑕᖓᓂ ᐋᖅᑭᒋᐊᕆᓂᕐᒧᑦ ᐱᓕᕆᐊᖑᔪᒥ. ᐱᓕᕆᐊᖑᔪᖅ ᐅᐱᒍᓱᒃᐳᖅ 95 ᐳᓴᓐᑎᓂᒃ ᐃᓄᖕᓂᒃ ᐃᖅᑲᓇᐃᔭᖅᑎᖃᕐᓂᖏᓐᓂᒃ.
2005
QC ᓴᖅᑮᕗᑦ ᕿᑭᖅᑖᓗᒻᒥ ᐃᖃᓗᓕᕆᔨᒃᑯᑦ ᑯᐊᐳᕇᓴᖓᓐᓂᒃ
ᐊᒥᓲᓂᖅᓴᓄᑦ ᓇᖕᒥᓂᕆᔭᐅᔪᖅ ᑲᑐᔾᔨᖃᑎᒌᒍᑕᐅᔪᖅ, ᕿᑭᖅᑖᓗᒃ ᐃᖃᓗᓕᕆᔨᒃᑯᑦ ᑯᐊᐳᕇᓴᖓ, ᓴᖅᑭᑕᐅᕗᖅ.
ᐃᖃᓗᒐᓱᒃᑎ ᐅᒥᐊᕐᔪᐊᖅ ᓴᐳᑎ ᓂᐅᕕᖅᑕᐅᕗᖅ .
QFC-ᑯᑦ ᓂᐅᕕᓚᐅᖅᐳᑦ MV Saputi-ᒥᒃ – 64 ᒦᑕᓂᒃ ᖁᐊᒃᑯᕕᖕᒥᒃ ᓂᐅᕐᕈᑎᖃᕋᓱᐊᕐᓂᕐᒧᑦ ᐃᖃᓗᒐᓱᐊᕐᓂᕐᒧᑦ ᐅᒥᐊᕐᔪᐊᒥᒃ.
2004
ᕿᑭᖅᑖᓗᒃ ᑯᐊᐳᕇᓴᒃᑯᑦ ᓴᓇᒋᐊᓯᕗᑦ $62 ᒥᓕᐊᓐ ᕿᑭᖅᑕᓂ ᐋᓐᓂᐊᕕᒃᓴᒥᒃ
QC ᓯᕗᓪᓕᖅᐹᖑᓪᓗᑎᒃ ᐃᓄᖕᓂᑦ ᑲᒻᐸᓂᒋᔭᐅᓪᓗᑎᒃ ᑲᑐᔾᔨᖃᑎᖃᓕᖅᖢᑎᒃ ᓄᓇᕗᑦ ᒐᕙᒪᒃᑯᖏᓐᓂᑦ ᓇᖕᒥᓂᕆᔭᐅᔪᓄᑦ-ᒐᕙᒪᒃᑯᓄᓪᓗ ᑲᑐᔾᔨᖃᑎᖃᕐᓂᒃᑯᑦ ᓴᓇᔭᐅᓂᖓᓄᑦ ᓯᕗᓪᓕᖅᐹᖅ ᐋᓐᓂᐊᕕᒃᓴᖅ ᓄᓇᕗᒻᒥ − ᕿᑭᖅᑕᓂ ᐋᓐᓂᐊᕕᒃᓴᖅ ᐃᖃᓗᖕᓂ.
ᕿᑭᖅᑖᓗᖕᒥ ᑯᐊᐳᕇᓴᒃᑯᑦ ᐊᖏᒡᓕᒋᐊᖅᑎᑦᑎᔪᑦ ᖃᕆᑕᐅᔭᓕᕆᓂᕐᒧᑦ
ᕿᑭᖅᑕᓂ ᑯᐊᐳᕇᓴᒃᑯᑦ ᓂᐅᕕᖅᑐᑦ ᐱᖁᑎᓂᒃ ᒪᕐᕉᖕᓂᒃ ᒥᑭᔫᖕᓂᒃ ᖃᕆᑕᐅᔭᓕᕆᓂᕐᒧᑦ ᑲᒻᐸᓂᐅᔪᓂᒃ ᓴᖅᑭᑦᑎᖁᓪᓗᒋᑦ ᕿᑭᖅᑕᓂ ᑯᐊᐳᕇᓴᒃᑯᓐᓂᒃ.
ᕿᑭᖅᑖᓗᒃ ᐱᖁᑎᖏᑦ ᐃᓐᑲᒻ ᓴᖅᑭᖅᑕᐅᕗᖅ .
ᕿᑭᖅᑖᓗᒃ ᑯᐊᐳᕇᓴᒃᑯᑦ ᐋᖅᑭᒃᓱᐃᕗᑦ ᕿᑭᖅᑖᓗᒃ ᐱᖁᑎᓕᕆᔨᒃᑯᓐᓂᒃ ᐊᐅᓚᑦᑎᖁᓪᓗᒋᑦ ᐃᒡᓗᓂᒃ ᑎᒍᒥᐊᖅᑕᐅᔪᓂᒃ.
1999
ᕿᑭᖅᑖᓗᖕᒥ ᑯᐊᐳᕇᓴᒃᑯᑦ ᐃᓯᖅᐳᑦ ᓂᐅᕕᕐᕕᖕᒥ ᓂᐅᕐᕈᑎᖃᕐᓂᕐᒧᑦ ᐱᓕᕆᕕᖕᒧᑦ
ᕿᑭᖅᑕᓃᒃᑯᑦ ᓂᐅᕕᖃᑦᑕᖅᑐᑦ ᕿᑭᖅᑖᓗᖕᒥ ᒑᓯᑖᕐᕕᖕᒥᑦ ᑲᑭᕙᒃ ᑲᑐᔾᔨᖃᑎᒌᒃᑯᖏᓐᓂᑦ.
1998
ᕿᑭᖅᑖᓗᖕᒥ ᑯᐊᐳᕇᓴᒃᑯᑦ ᐃᓯᖅᑐᑦ ᐊᕙᑎᓕᕆᓂᕐᒧᑦ
ᕿᑭᖅᑕᓂ ᑯᐊᐳᕇᓴᒃᑯᑦ ᑐᓂᔭᐅᕗᑦ $6.95 ᒥᓕᐊᓐᓂᒃ ᖃᐅᓱᐃᑦᑐᒧᑦ ᕿᑭᖅᑕᒥ ᓴᓗᒻᒪᖅᓴᐃᓂᕐᒧᑦ ᑳᓐᑐᕌᒥᒃ.
1996
ᓯᕗᓪᓕᖅᐹᒥ ᐱᖁᑎᓂᒃ ᐊᐅᓚᑦᑎᓂᕐᒧᑦ ᑳᓐᑐᓛᒃ
ᖁᓪᓕᖅ ᑯᐊᐳᕇᓴᒃᑯᑦ ᑎᒍᓯᕗᑦ ᓯᕗᓪᓕᖅᐹᒥᒃ ᐊᐅᓚᑦᑎᓂᕐᒧᑦ ᐋᖅᑭᐅᒪᑎᑦᑎᓂᕐᒧᓪᓗ ᑳᓐᑐᕌᒥᒃ ᐃᖃᓗᐃᑦ ᖃᖓᑕᓲᒃᑯᕕᖓᓄᑦ.
ᐅᖅᓱᖅ ᑲᑐᔾᔨᓪᓗᑎᒃ ᐱᓕᕆᕕᖓᑦ ᓴᖅᑭᖅᑕᐅᕗᖅ .
ᖁᓪᓕᖅ ᑯᐊᐳᕇᓴᒃᑯᑦ ᐊᖏᒡᓕᒋᐊᖅᑎᑦᑎᔪᑦ ᐊᐅᓚᓂᕆᔭᒥᓂᒃ ᐅᖅᓱᐊᓗᒃᑖᖅᑎᑦᑎᖃᑦᑕᕐᓂᕐᒧᑦ ᑳᓐᑐᓛᒃᑖᖅᖢᑎᒃ ᐊᐅᓚᑕᐅᓂᖓᓄᑦ ᐃᖃᓗᖕᓂ ᐅᖅᓱᐊᓗᖃᐅᑎᖃᕐᕕᒃ ᑐᓂᐅᖅᑲᐃᕕᒃ.
1994
ᐅᓈᖅ ᐃᖃᓗᓕᕆᔨᒃᑯᑦ ᓴᖅᑭᖅᑕᐅᕗᑦ .
QC, ᒪᑭᕕᒃ ᑯᐊᐳᕇᓴᒃᑯᑦ ᐊᒻᒪᓗ ᓛᐸᑐᐊᒥ ᐃᓄᐃᑦ ᑲᑐᔾᔨᖃᑎᒌᖏᑦ ᓴᖅᑭᑦᑎᕗᑦ ᐅᓈᖅ ᐃᖃᓗᓕᕆᔨᒃᑯᑦ. ᐊᑐᓂ ᑲᒻᐸᓂᐅᔪᑦ ᐱᖃᑦᑕᖅᑐᑦ 400 ᒦᑕᓂᒃ ᖃᓕᕋᓕᒐᓱᐊᕈᓐᓇᕐᓂᕐᒧᑦ ᐅᓇᐅᑉ ᐊᑖᓂ.
ᖁᓪᓕᖅ ᑯᐊᐳᕇᓴᒃᑯᑦ ᐊᖏᒡᓕᒋᐊᖅᑎᑦᑎᕗᑦ ᐅᖁᒪᐃᑦᑐᓂᒃ ᓄᓇᓯᐅᑎᓂᒃ ᓂᐅᕕᐊᒃᓴᖃᖃᑦᑕᕐᓂᕐᒥᒃ
ᑲᑐᔾᔨᖃᑎᒌᓐᓂᒃᑯᑦ ᑲᒻᐸᓂᐅᔪᖅ ᓴᖅᑭᑕᐅᓚᐅᖅᑐᖅ ᕼᐃᐅᑦ ᓱᓇᒃᑯᑖᓄᑦ ᓕᒥᑎᑦᑯᓐᓂᑦ ᐅᖁᒪᐃᑦᑐᓄᑦ ᓄᓇᓯᐅᑎᓄᑦ ᓂᐅᕐᕈᑎᖃᕈᓐᓇᖁᓪᓗᒋᑦ ᐱᔨᑦᑎᕋᐅᑎᓂᓪᓗ ᓂᐅᕐᕈᑎᖃᕈᓐᓇᖁᓪᓗᒋᑦ.
1993
ᓯᕗᓪᓕᖅᐹᖅ ᑮᓇᐅᔭᓕᐅᕋᓱᐊᕐᓂᕐᒧᑦ ᐃᒡᓗᓕᐅᕐᓂᖅ
ᕿᑭᖅᑖᓗᒃ ᑯᐊᐳᕇᓴᒃᑯᑦ ᑳᓐᑐᕌᒃᑕᐅᓯᒪᔪᑦ ᓴᓇᓂᐊᕐᓗᑎᒃ “ᑐᖑᔪᖅᑐᒥᒃ ᖁᒻᒧᐊᒃᑎᑕᐅᓯᒪᔪᒥᒃ” ᐃᖃᓗᖕᓂ. ᐃᓪᓗ ᐊᓪᓚᕝᕕᒋᔭᐅᕗᖅ ᕿᑭᖅᑖᓗᒻᒥ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ (ᒫᓐᓇ ᕿᑭᖅᑕᓃᒃᑯᑦ).
1989
ᓯᕗᓪᓕᖅᐹᖅ ᐃᒪᕕᖕᒥ ᐃᖃᓗᒐᓱᖕᓂᕐᒧᑦ ᓚᐃᓴᓐᓯ
ᖁᓪᓕᖅ ᑯᐊᐳᕇᓴᒃᑯᑦ ᑐᓂᔭᐅᔪᑦ ᐃᖃᓗᓐᓂ ᓇᒻᒥᓂᖃᕐᓂᕐᒧᑦ ᓚᐃᓴᓐᓯᒥᒃ ᐊᐅᓚᑦᑎᓂᕐᒧᑦ ᐃᒪᕕᒻᒥ ᐃᖃᓗᒐᓱᓐᓂᕐᒥᒃ.
1985
ᑭᓐᖓᒃ ᐃᖃᓗᓕᕆᔨᒃᑯᑦ ᓴᖅᑭᑎᑕᐅᕗᖅ .
ᕿᑭᖅᑕᓂ ᑯᐊᐳᕇᓴᒃᑯᑦ ᓴᖅᑭᑦᑎᕗᑦ ᓯᕗᓪᓕᖅᐹᒥᒃ ᑲᒻᐸᓂᒥᒃ – ᑭᓐᖓᒃ ᐃᖃᓗᓕᕆᔨᒃᑯᑦ. ᑲᒻᐸᓂᐅᔪᖅ ᑐᓂᔭᐅᕙᑉᐳᖅ ᑭᖑᑉᐸᓕᕆᓂᕐᒧᑦ ᓚᐃᓴᒥᒃ.
1983
QC ᓴᖅᑭᑕᐅᔪᖅ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᑲᑐᔾᔨᖃᑎᒌᖏᑦ) ᓴᖅᑮᕗᑦ ᕿᑭᖅᑖᓗᒃ ᑯᐊᐳᕇᓴᒃᑯᓐᓂᒃ ᑮᓇᐅᔾᔭᔅᓴᓂᕐᒧᑦ ᐱᕙᓪᓕᐊᔪᓕᕆᔨᐅᓪᓗᑎᒃ.
ᕿᑭᖅᑕᓂ ᑯᐊᐳᕇᓴᒃᑯᑦ ᑎᒥᓐᖑᖅᑎᑕᐅᓯᒪᕗᑦ ᐊᒻᒪᓗ ᓯᕗᓪᓕᖅᐸᐅᓪᓗᑎᒃ ᑲᑎᒪᔨᐅᓂᐊᖅᑐᑦ.
ᕿᑭᖅᑕᓂ ᑯᐊᐳᕇᓴᒃᑯᑦ ᐱᓕᕆᐊᕆᓪᓗᐊᑕᖅᑕᖓᑦ ᐊᐅᓚᑦᑎᓂᖅ ᐃᖃᓗᒐᓱᒍᓐᓇᐅᑎᓂᒃ ᑭᒡᒐᖅᑐᕐᓗᒋᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ.
