ᓴᓇᔭᐅᔪᖅ ᑭᓲᕙ

ᓇᓂ: ᓴᓂᑭᓗᐊᖅ, ᓄᓇᕗᑦ

ᓯᕗᓕᐅᖅᑎᑦᑎᕗᑦ: ᕿᑭᖅᑖᓗᒃ ᑯᐊᐳᕆᓴᓐ

ᐃᑲᔫᑎᔪᑦ: 

  • 62% ᐆᒻᒪᖁᑎᖃᐅᑎᓂᒃ ᐊᑐᓗᐊᓐᖏᑦᑐᖅ
  • ᐊᑐᖅᓯᑦᑎᐊᖅᑐᖅ ᐅᑭᐅᖅᑕᖅᑐᒥ ᐃᒡᓗᑦ ᐆᒻᒪᖁᑎᖏᓐᓄᑦ ᒪᓕᒋᐊᓕᖕᓂᒃ

ᓴᓇᔭᐅᔪᖅ ᑭᓱᓕᕆᕙ

ᓄᓇᕗᒥ ᓇᑉᐸᖅᓯᒪᔪᑦ ᓄᑕᐅᔪᓐᓃᖅᐸᓪᓕᐊᔪᑦ. ᑕᒪᕐᒥᒃ ᐃᒡᓗᑦ ᓴᓇᔭᐅᓂᑯᑦ 1970-ᓂ ᐱᖏᐊᓚᐅᖅᑎᓐᓇᒋᑦ ᐆᒻᒪᖁᑎᓄᑦ ᐊᑐᓗᐊᖅᑕᐃᓕᑎᑦᑎᔾᔪᑎᑦ ᓄᑖᑦ ᖃᕆᓴᐅᔭᖃᖅᑐᑦ. ᐅᑯᐊ ᐃᒡᓗᑐᖃᐃᑦ ᓴᓇᓯᒪᓂᖏᑦ, ᑕᒫᓃᒡᖢᑎᒡᓗ ᓂᒡᓚᓱᒃᑐᒥ ᐊᕙᑎᑦᑎᓂ, ᑐᑭᖃᖅᑐᖅ ᐊᖏᔪᓂᒃ ᐊᒃᑐᐃᓂᐊᖅᑐᖅ ᐃᒡᓗ ᐆᒻᒪᖁᑎᖃᕐᕕᓕᐅᖅᑕᐅᒍᓂ. ᑕᒪᐅᓐᓇ ᐱᐅᓯᕚᓪᓕᕐᑎᑦᑎᓇᓱᖕᓂᒃᑯᑦ ᐆᒻᒪᖁᑎᖃᑦᑎᐊᕐᓂᐊᕐᒪᑕ ᑖᒃᑯᐊ ᐃᒡᓗᐃᑦ, ᐊᑦᑎᖅᓯᑎᑦᑎᔪᓐᓇᖅᑐᒍᑦ ᓄᓇᕗᑦ ᐊᑐᓗᐊᕈᓐᓃᕐᓗᑎᒃ ᐃᓯᐊᕿᔪᓂᒃ ᐅᖅᓱᐊᓗᖕᓂᒃ.

ᕿᑭᖅᑖᓗᒃ ᓇᒻᒥᓂᖁᑎᖏᑦ ᑎᒥᖓ ᓂᐅᕕᓚᐅᖅᑐᖅ ᑐᔪᕐᒥᕕᑐᖃᕐᒥᒃ 2017 ᐊᒻᒪᓗ ᒫᓐᓇ ᐊᑐᖅᑕᐅᑎᑕᖓ ᐃᒡᓗ ᓄᓇᕗᒻᒥ ᐅᑭᐅᖅᑕᖅᑐᒧᑦ ᓯᓚᑦᑐᖅᓴᕐᕕᒃ. ᐅᓇ ᐊᑐᖅᑕᐅᔪᖅ ᐃᓕᓐᓂᐊᖅᑐᓂᑦ ᐊᖏᕐᕋᕆᔭᐅᓪᓗᓂ ᓂᕆᕕᖃᖅᖢᓂ, ᑎᑎᕋᕐᕕᖃᖅᖢᓂ ᐊᒻᒪᓗ ᐃᓕᓐᓂᐊᕐᕕᖃᖅᖢᓂ.

ᐅᓇ ᐋᕿᒋᐊᖅᑕᐅᓯᒪᓂᖓ ᓴᓇᔭᐅᓯᒪᓂᖓ ᐊᑐᖅᑐᖅ 100 ᑭᓗᒍᐊᑦ ᐃᒡᓗ ᖄᖓᒍᑦ ᓯᕿᓂᕐᒥᑦ ᐆᒻᒪᖁᑎᖃᐅᑎᖃᖅᖢᓂ, ᐃᑭᐊᒃᓴᐅᑖ, ᐊᖏᔪᒥᒃ ᐱᐅᓯᕚᓪᓕᖅᓯᒪᔪᖅ ᐃᒡᓗ ᐃᓚᔭᐅᒐᒥ ᐱᖓᓱᓂᒃ ᖃᓕᕇᓕᑦ ᐃᓚᒑᑦ, ᐊᒻᒪᓗ ᓄᑖᖑᖅᑎᓪᓗᒋᑦ ᖃᐅᒻᒪᖁᑎᖏᑦ ᐊᑐᓗᐊᓐᖏᑦᑐᓂᒃ ᐊᒻᒪᓗ ᐅᕕᑕᖅᑐᖏᑦ ᑯᕕᓗᐊᖅᑎᑐᓃᖅᖢᒋᑦ.

ᐆᒻᒪᖁᑎᖃᐅᑎᒃᓴᖅ ᓴᓇᓯᒪᓂᖓ 62 ᐳᓴᑎ ᐆᒻᒪᖁᑎᖃᐅᑎᓂᒃ ᐊᑐᓗᐊᓐᖏᑎᑦᑎᔪᖅ ᐋᕿᒋᐊᖅᓯᒪᓕᖅᑎᓪᓗᒍ. ᐅᓇ ᑐᑭᖃᖅᑐᖅ ᐊᑦᑎᒃᓯᓂᐊᖅᑐᑦ ᐸᐅᖅ ᐃᓯᐊᕿᔪᖅ ᒐᓯᓂᑦ ᑕᒫᓂ 352 ᑖᓐᔅ ᐊᕐᕌᒍᑕᒫᑦ ᐅᓇᓗ ᓇᓕᖃᓗᐊᖓ 65 ᓄᓇᓯᐅᑎᑦ ᐃᖏᕐᕋᓐᖏᒃᑯᑎᒃ ᐊᕐᕌᒍᑕᒫᑦ.

ᐅᓇ ᓴᓇᔭᐅᓂᖓ ᓴᕿᑦᑎᓯᒪᔪᖅ ᐱᔭᕆᐅᖅᓴᐅᑎᓂᒃ ᐊᒻᒪᓗ ᐃᖅᑲᓇᐃᔮᕐᒧᑦ ᐃᓕᓐᓂᐊᕈᑎᑦ ᐱᕕᖃᖅᑎᑦᑎᔪᖅ ᐊᔪᖏᑦᑎᐊᓕᕈᓐᓇᖅᑐᑦ ᓱᕈᖅᓴᐃᓐᖏᑦᑐᒥᒃ ᐆᒻᒪᖁᑎᖃᐅᑎᓄᑦ ᓴᓇᔨᐅᓗᑎᒃ. ᐅᓇ ᐃᓚᖃᖅᑐᖅ ᐃᖅᑲᓇᐃᔮᕆᓗᒍ ᐃᓕᓐᓂᐊᖅᓯᒪᓗᒍ ᐱᓕᕆᐊᖑᔪᖅ ᐃᓕᓐᓂᐊᕐᑎᑦᑎᓂᐊᕐᒥᒐᕕᑦ ᐃᓕᓴᖅᑐᓂᒃ ᖃᓄᖅ ᐱᐅᓯᕚᓪᓕᕈᑎᒋᔪᓐᓇᖅᑐᓂᒃ ᐆᒻᒪᖁᑎᓂᒃ ᐊᑐᕈᓯᑦᐳᑦ.

ᐅᓇ ᐱᓕᕆᐊᖑᔪᖅ ᐱᓇᓱᐊᖃᑎᒌᒡᖢᑕ ᓄᓇᒥᐅᑕᓕᕆᔨᒃᑯᑦ ᑲᓇᑕ. ᐅᓇ ᑕᑯᑎᑦᑎᔪᖅ ᐱᓕᕆᐊᒃᓴᓂᒃ ᐃᑲᔫᑎᖕᒪᑦ ᑲᓇᑕᒥ ᐊᒻᒪᓗ ᑎᐅᓕᑐᐊᓕᔅ ᐃᒡᓗᓄᑦ ᐆᒻᒪᖁᑎᓄᑦ ᒪᓕᒋᐊᓕᖕᓄᑦ ᐊᒻᒪᓗ ᓇᓗᓇᖏᑦᑐᖅ ᑲᔪᓯᔪᓐᓇᕐᒪᖔᑦ ᑲᔪᓯᔪᓐᓇᓐᖏᒻᒪᖔᑦ ᐅᑭᐅᖅᑕᖅᑐᒥ ᑕᒪᒃᑮᖅ ᐆᒻᒪᖁᑎᖃᐅᑎᖃᕐᓗᑎᒃ ᐋᕿᒋᐊᖅᓯᒪᔪᓂᒃ.

ᑐᑭᓯᒃᑲᓐᓂᕈᒪᒍᕕᑦ ᑕᒪᑐᒥᖓ ᐅᖃᕐᕕᒋᓗᒋᑦ ᐅᕘᓇ qbdc@qcorp.ca

Related Projects