ᓴᓇᔭᐅᔪᖅ ᑭᓲᕙ

ᓇᓂ: ᓴᓂᑭᓗᐊᖅ, ᓄᓇᕗᑦ

ᓯᕗᓕᐅᖅᑎᑦᑎᕗᑦ: ᓄᓇᕗᑦ ᓄᒃᑭᒃᓴᐅᑏᑦ ᑯᐊᐳᕇᓴᓐ

ᐃᑲᔫᑎᔪᑦ: 

  • ᓄᓇᓕᖕᓂ ᐱᔭᕆᐅᖅᓴᑎᑦᑎᕗᑦ ᐊᒻᒪᓗ ᐊᑯᓂᐅᔪᒥᒃ ᐃᖅᑲᓇᐃᔮᕆᓂᐊᖅᑕᖓ
  • ᐊᑦᑎᒃᓯᓯᒪᕗᖅ ᐊᑐᓗᐊᕈᓐᓃᖅᖢᑎᒃ ᐃᓯᐊᕿᓲᓂᒃ ᐅᖅᓱᐊᓗᖕᓂᒃ

ᓴᓇᔭᐅᔪᖅ ᑭᓱᓕᕆᕙ

ᓴᓂᑭᓗᐊᖅ ᐅᓇ 100 ᐳᓴᑎ ᐊᑐᕐᓗᑎᒃ ᑭᓯᐊᓂᐅᕗᑦ ᐃᓯᐊᕿᓲᒥᒃ ᐅᖅᓱᐊᓗᖕᒥᒃ. ᓄᓇᓕᖕᓂ 900 ᐅᖅᓱᐊᓗᖕᒥᒃ ᐊᑐᖅᑐᑦ 4 ᒥᓕᐊᓐ ᓖᑕᔅ ᐃᓯᐊᕿᓲᖅ ᐅᖅᓱᐊᓗᒃ ᐊᕐᕌᒍᑕᒫᑦ ᐅᖂᓴᐅᑎᒋᓪᓗᒍ, ᐅᖅᓱᒃᓴᕆᓪᓗᒍ ᐃᖏᕐᕋᔾᔪᑎᓄᑦ ᐊᒻᒪᓗ ᐆᒻᒪᖁᑎᖃᕐᕕᒋᓗᒍ.

ᓄᓇᕗᑦ ᓄᒃᑭᒃᓴᐅᑏᑦ ᑯᐊᐳᕇᓴᓐ ᐃᓕᐅᖃᐃᓯᒪᕗᑦ ᓯᓚᓐᓂᐊᕈᑎᓂᒃ ᓇᐸᔪᓂᒃ ᒫᑦᓯ 2017 ᐊᓄᕆᓂᖓ ᓈᒻᒪᖕᒪᖔᑦ ᐆᒻᒪᖁᑎᖃᐅᑎᒋᓂᐊᕐᓗᒍ ᓴᓂᑭᓗᐊᕐᒧᑦ. ᖃᐅᔨᓴᖅᑕᓂᑦ ᓇᓗᓇᐃᓚᐅᖅᑐᑦ ᑕᑯᑎᑦᑎᓪᓗᑎᒃ ᓈᒻᒪᒃᑐᒻᒪᕆᐋᓗᖕᒥᒃ ᐊᓄᕆᖃᖅᑐᖅ ᐊᔪᖏᑦᑎᑎᒐᔭᖅᑐᖅ ᐊᓄᕆᒃᑯᑦ ᐆᒻᒪᖁᑎᖃᐅᑎᖃᕐᓗᑎᒃ.

ᓄᓇᕗᑦ ᓄᒃᑭᒃᓴᐅᑏᑦ ᑯᐊᐳᕇᓴᓐ ᑐᒃᓯᕋᓚᐅᖅᑐᑦ ᐱᒋᐊᖅᑎᑦᑎᔪᒪᓪᓗᑎᒃ 10X100ᑭᓗᒍᐊᑦ ᒥᑭᔪᒧᑦ ᐊᓄᕆᒧᑦ ᐸᐱᕈᓕᑦ ᐊᒻᒪᓗ 800 ᑭᓗᒍᐊᑦ ᐹᑕᓖᖓ ᓄᒃᑭᒃᓴᐅᑎᖃᖅᑐᖅ. ᐅᓇ ᐋᕿᒃᓱᖅᓯᒪᓂᖓ ᓂᕆᐅᓇᐅᖅᑐᖅ ᐃᓇᒌᖅᓯᔪᓐᓇᖅᑐᖅ 50% ᑏᓱᖅ ᐅᖅᓱᐊᓗᒃᑐᖅᑐᓂᒃ ᐊᕐᕌᒍᒧᑦ ᓄᓇᓕᖕᒧᑦ ᐆᒻᒪᖁᑎᖃᐅᑎᒋᓗᒍ ᔭᓄᓚᐃᑕᖏᓐᓄᑦ.

ᑐᒃᓯᕋᖅᑕᐅᔪᖅ ᐸᕆᕈᖅ ᖃᕆᓴᐅᔭᖃᖅᑐᖅ ᓴᓇᓯᒪᓪᓗᓂ ᐅᑭᐅᖅᑕᖅᑐᒧᑦ ᐊᒻᒪᓗ ᐃᓄᖃᓐᖏᑦᑐᒥ ᐃᓂᖃᖅᖢᓂ. ᐅᑯᐊ ᐸᐱᕈᐃᑦ ᐃᓕᐅᖃᒐᕐᓂᖅᑐᑦ ᐱᔭᕆᐊᑭᑦᑐᖅ ᐱᖁᑎ ᓄᓇᓕᖕᓂ ᐱᑕᖃᖅᖢᓂ.
ᐅᓇ ᓴᓇᔭᐅᔪᖅ ᐱᕚᓪᓕᕐᑎᑦᑎᓂᐊᖅᑐᖅ ᑕᒪᐅᓐᓇ ᐊᕕᒃᑐᖅᓯᒪᔪᑎᒍᑦ ᓄᓇᓕᖕᓂ ᓇᖕᒥᓂᕆᔭᐅᓗᓂ ᐋᕿᒃᓯᒪᓗᓂ. ᐅᓇ ᓇᖕᒥᓂᕆᔭᐅᓂᖓᑕ ᐋᕿᒃᓯᒪᓂᖓ ᐊᔪᕈᓐᓃᖅᑎᑦᑎᓂᐊᖅᑐᖅ ᓄᓇᓕᖕᓂᒃ ᓯᕗᓕᐅᖅᑎᐅᓗᑎᒃ ᓴᓇᔭᐅᓂᖓᓂᒃ ᐊᒻᒪᓗ ᐅᓄᖅᓯᑎᑦᑎᓗᑎᒃ ᓄᓇᓕᖕᓂ ᐃᓅᓯᓕᖏᓐᓄᑦ ᐊᒻᒪᓗ ᑮᓇᐅᔭᖃᕐᑎᑦᑎᔪᓐᓇᕐᓗᑎᒃ ᑕᐃᑲᓂᓗ ᑮᓇᐅᔭᑦ ᐱᔅᓂᔅ ᐱᓕᕆᔾᔪᑎᒃᓴᑦ ᐱᔭᕐᓂᖅᓯᑎᑕᐅᓯᒪᓂᐊᖅᖢᑎᒃ.
ᑐᑭᓯᒃᑲᓐᓂᕈᒪᒍᕕᑦ ᑕᒪᑐᒥᖓ ᐅᒡᕙᓘᓐᓃᑦ ᖃᑭᔾᔪᑎᒃᓴᓄᑦ ᐱᕕᖃᖅᑎᑕᐅᕗᑎᑦ ᐅᕗᖓ ᑎᑎᕋᕐᓗᑎᑦ nnc@qcorp.ca

Related Projects