ᕿᑭᖅᑖᓗᒃ ᑯᐊᐳᕆᓴᓐ ᐃᖃᓗᓕᕆᔨᒃᑯᑦ ᐊᐅᓚᑦᓯᕕᖓᑦ

ᖃᓄᖅ ᐱᓕᕆᕙᒃᑕᕗᑦ

ᐱᐅᓯᕚᓪᓕᖅᑎᓯᒪᓗᒍ ᕿᑭᖅᑕᓂ ᓄᓇᓕᖕᓂ ᐃᖃᓗᒐᓱᒍᓐᓇᖅᑐᑦ ᐃᓚᐅᔪᓐᓇᕐᓂᖏᑦ

ᕿᑭᖅᑖᓗᒃ ᑯᐊᐳᕆᓴᓐ ᓴᓇᕙᓪᓕᐊᓯᒪᕗᖅ ᑲᔪᓯᑦᑎᐊᖅᓯᒪᓪᓗᓂᓗ ᐃᓚᐅᑎᑦᑎᓂᖅ ᐃᒪᕕᖕᓂ ᐃᖃᓗᒐᓱᖕᓂᖅ. ᐅᑯᐊ ᐃᖃᓗᒐᓱᒃᑐᓕᕆᔨᒃᑯᑦ ᑎᑎᕋᕐᕕᖓ ᑕᑯᓯᒪᖕᒪᑕ ᑕᐃᒫᒃᑕᐅᖅ ᐱᕕᖃᕐᑎᑦᑎᔪᓐᓇᖅᑐᑦ ᐃᖃᓗᖃᑦᑕᕐᓗᑎᒃ ᐊᑐᓂ ᕿᑭᖅᑕᓂ ᓄᓇᓕᖏᓐᓂ. ᑐᓂᓯᓯᒪᕗᒍᑦ ᐃᑲᔫᑎᒃᓴᓂᒃ, ᑐᑭᒧᐊᒍᑎᒃᓴᓂᒃ ᐊᒻᒪᓗ ᐱᓕᕆᔪᓐᓇᐅᑎᖃᑦᑎᐊᖅᑐᒍᑦ ᓄᓇᑦᑎᓐᓂ ᐱᓕᕆᓂᐊᕐᓗᒋᑦ ᓄᓇᖅᐸᓯᖕᒥ ᐃᖃᓗᒐᓱᖕᓂᖅ.

ᐃᑲᔪᖅᑐᒍᑦ ᓄᓇᑦᑎᓐᓂᒃ ᓇᑉᐸᕆᐊᖃᖅᑐᓂᒃ ᐃᑲᔫᑎᓂᐊᖅᑐᓂᒃ ᐃᖃᓗᒐᓱᒡᕕᐅᓂᐊᖅᑐᓄᑦ. ᑕᒪᒃᑯᐊᓗ ᐅᒥᐊᑦ ᐊᒻᒪᓗ ᐃᖃᓗᒐᓲᑎᑦ ᓄᓇᓕᖕᓄᓪᓗ ᖁᐊᒃᑯᕕᑦ ᐊᒻᒪᓗ ᐃᖃᓗᓕᕆᕕᑦ ᐱᓇᓱᐊᖃᑎᒌᒡᓗᑕ ᐋᕿᒃᓱᕐᓗᒋᑦ ᐃᑲᔪᕐᓗᒋᑦ ᓄᓇᓯ ᖃᑭᔾᔪᑎᒃᓴᓕᐅᕈᑎᒋᓗᒋᑦ ᑮᓇᐅᔭᓕᐅᕈᑎᒃᓴᖏᓐᓂᒃ

ᐃᑲᔪᖃᑎᒌᖕᓂᖅ ᐊᒻᒪᓗ ᓄᓇᕗᒻᒥ ᑐᓂᔭᐅᓯᒪᔪᑦ ᑎᒍᒥᐊᖅᑎᖏᑦ

ᐃᒻᒪᑲᓪᓚᓂᑦ, ᐃᖃᓗᒐᓱᒍᓐᓇᐅᑎᑖᕆᐊᖃᖅᐸᒃᑐᒍᑦ ᐊᒻᒪᓗ ᓚᐃᓴᓯᑖᕐᓗᑕ ᓄᓇᕗᑦ ᖃᓂᒋᔭᖏᓐᓄᑦ ᐃᒪᖏᓐᓄᑦ ᑐᓂᔭᐅᓪᓗᑕ ᐊᐅᓚᑦᓯᔨᓂᑦ ᓯᓚᑖᓂᑦ ᓄᓇᕗᑦ ᓄᓇᖅᑲᖅᑳᖅᓯᒪᔫᓐᖏᑦᑐᓂᑦ ᐅᒡᕙᓘᓐᓃᑦ ᓇᖕᒥᓂᖃᖃᑕᐅᓐᖏᑦᑐᓂᑦ. ᐅᑎᖃᑦᑕᖅᑐᑦ ᑕᒪᒃᑯᐊ ᐃᖃᓗᒐᓱᒍᓐᓇᐅᑎᑦᑎᒍᑦ ᐱᒻᒪᕆᐅᔪᓂᒃ ᐱᒋᐊᕈᑎᑦ ᓴᐃᒻᒪᖃᑎᒌᒍᑎᒃᓴᓄᑦ ᐊᕙᑖᓂᑦ ᐃᓄᐃᑦ ᐊᒻᒪᓗ ᑯᐃᖕ.

ᐃᖃᓗᓕᕆᔨᒃᑯᑦ ᐊᐅᓚᑦᓯᕕᖓ ᓴᖕᖏᔪᓂᒃ ᐅᖃᐅᔾᔪᐃᔨᐅᕗᖅ ᐅᑎᖅᑎᕕᐅᖃᑦᑕᖁᓪᓗᒋᑦ ᐃᖃᓗᒐᓱᒍᓐᓇᖅᑕᖏᓐᓂᒃ ᓄᓇᕗᒻᐅᓄᑦ ᑮᓇᐅᔭᓕᐅᕋᓱᒍᓐᓇᖅᑐᓄᑦ ᐃᖃᓗᒐᓱᒃᑎᓄᑦ. ᓴᓇᖃᑎᒋᔭᕗᑦ ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ ᐊᑐᖅᑕᐅᑦᑎᐊᖁᓪᓗᒋᑦ ᓈᒻᒪᒃᑐᑎᒃ ᐊᒻᒪᓗ ᐊᑑᑎᖃᖅᑐᓂᒃ ᐊᑐᐊᒐᖅ ᐱᔪᓐᓇᕐᓂᐊᕋᑦᑕ ᐊᒻᒪᓗ ᑐᓂᔭᐅᔪᓐᓇᕐᓗᑕ ᓄᓇᕗᑦ ᖃᓂᒋᔭᖏᓐᓂ ᐃᖃᓗᒃᑕᐅᔪᓐᓇᖅᑐᓂᒃ.

ᐱᓕᕆᑦᑎᐊᓲᖑᕗᒍᑦ ᐊᒻᒪᓗ ᐃᓚᒋᔭᐅᓪᓗᑕ ᐊᒥᓱᓄᑦ ᑲᑐᔾᔨᖃᑎᒌᖕᓄᑦ ᐊᒻᒪᓗ ᐊᐅᓚᑦᓯᔨᓄᑦ ᐅᑯᐊ ᓴᓇᖃᑦᑕᖅᑐᑦ ᐊᑐᖅᓯᑎᑦᑎᓪᓗᑎᒃ ᓄᓇᕗᒻᒥ ᐃᖃᓗᒐᓱᒃᑐᑦ ᑮᓇᐅᔭᓕᐅᕐᕕᖃᕐᓂᐊᕐᒪᑕ. ᐃᑲᔪᖃᑎᒌᒃᐸᒃᑐᒍᑦ ᐊᓯᖏᓐᓂᒃ ᓄᓇᕗᒻᒥ ᑐᓂᔭᐅᓯᒪᔪᓂᒃ ᑎᒍᒥᐊᖅᑐᓂᑦ ᐃᓚᐅᓂᐊᕐᒪᑕ ᐃᖃᓗᒐᓱᖕᓂᕐᒧᑦ ᐊᒻᒪᓗ ᒐᕙᒃᑯᓄᑦ ᑲᑎᒪᖃᑕᐅᕙᒃᑐᒍᑦ ᐊᒻᒪᓗ ᑲᑎᒪᕕᒃᔪᐊᖅᑎᑕᐅᓪᓗᑕ ᐊᑐᖅᓯᓂᐊᕋᑦᑕ ᑲᔪᓯᔪᒥᒃ ᐱᕈᖅᐸᓪᓕᐊᑎᓪᓗᒍ ᓄᓇᕗᒻᒥ ᐃᖃᓗᒐᓱᒍᓐᓇᕐᓂᖅ ᑮᓇᐅᔭᓕᐅᕈᑎᒋᓗᒍ; ᓴᓇᖃᑎᒋᓪᓗᒋᑦ ᐊᑕᐅᓯᕐᒥᒃ ᑲᒻᐸᓂ ᓂᐱᖃᖅᑐᑦ ᐱᔾᔪᑕᐅᔪᓄᑦ ᐃᓱᒫᓘᑕᐅᔪᓄᑦ. ᐃᓚᒋᔭᐅᕕᒋᔭᕗᑦ ᐅᑯᐊ ᐃᓚᖏᑦ:

• ᓯᓚᕐᔪᐊᒥ ᐃᒪᕕᖕᒥ ᑲᑎᒪᔨᑦ
• ᐃᖃᓗᒐᓱᒃᑎᑦ ᑲᑎᒪᔨᖏᑦ ᑲᓇᑕᒥ
• ᓄᓇᕗᒻᒥ ᐃᖃᓗᒐᓱᒃᑎᑦ ᐊᒻᒪᓗ ᐃᒫᓂ ᓴᓇᓂᐊᖅᑐᓄᑦ ᐱᔭᕆᐅᖅᓴᑎᑦᑎᔨᑦ
• ᐅᑭᐅᖅᑕᖅᑐᒥ ᑭᖑᖕᐸᒐᓱᖕᓂᖅ ᖃᐅᔨᓴᖅᑏᑦ ᑐᑦᑕᕐᕕᖓ
• ᓄᓇᕗᑦ ᑲᑐᔾᔨᖃᑎᒌᑦ ᑯᐊᐳᕇᓴᓐ
• ᓄᓇᕗᒻᒥ ᐃᖃᓗᒐᓱᒃᑎᑦ ᑲᑐᔾᔨᖃᑎᒌᖏᑦ