ᓴᓇᔭᐅᔪᖅ ᑭᓲᕙ

ᓇᓂ: ᑕᒪᕐᒥᒃ ᕿᑭᖅᑕᓂ ᓄᓇᓖᑦ

ᓯᕗᓕᐅᖅᑎᑦᑎᕗᑦ: ᐃᖃᓗᒐᓱᒃᑐᓕᕆᔨᒃᑯᑦ

ᐃᑲᔫᑎᔪᑦ: 

  • ᐱᐅᓯᕚᓪᓕᕐᑎᓪᓗᒋᑦ ᓄᓇᕗᒻᒥ ᐃᖃᓗᒐᓱᖕᓂᕐᒧᑦ ᑲᒻᐸᓂ

ᓴᓇᔭᐅᔪᖅ ᑭᓱᓕᕆᕙ

ᑭᐅᓯᕗᒍᑦ ᓄᓇᓕᖕᓂ ᓯᕗᓪᓕᐅᑎᒋᐊᓕᖕᓂᒃ ᑐᓴᖅᑕᑦᑎᓐᓂ ᕿᑭᖅᑖᓗᒃ ᑯᐊᐳᕆᓴᓐ ᓄᓇᓕᖕᓄᑦ ᐳᓚᕋᑎᓪᓗᒋᑦ, ᕿᑭᖅᑖᓗᒃ ᑯᐊᐳᕆᓴᓐ ᐃᖃᓗᓕᕆᔨᒃᑯᑦ ᓴᕿᑦᑎᓚᐅᖅᑐᑦ ᐋᕿᒃᓯᒪᔾᔪᑎᒃᓴᓂᒃ ᐸᕐᓇᐅᑎᓂᒃ ᐃᑲᔪᕐᓂᐊᖅᑐᓂᒃ ᓄᓇᓕᖕᓂ ᓴᓇᓗᑎᒃ ᓄᓇᑉᐸᓯᖕᒥ ᑕᕆᐅᕐᒥ ᐃᖃᓗᒐᓱᒃᕕᒃᓴᓂᒃ.

ᕿᑭᖅᑖᓗᒃ ᑯᐊᐳᕆᓴᓐ ᓴᓂᕐᕙᐃᓯᒪᕗᖅ ᐊᖏᔪᒥᒃ ᖃᑭᔾᔪᑎᒃᓴᓄᑦ ᑕᒪᑐᒧᖓ ᓇᑉᐸᕆᐊᓕᖕᓄᑦ, ᖃᐅᔨᓴᕈᑎᓄᑦ ᐊᒻᒪᓗ ᓄᓇᓕᖕᓂ ᐃᑲᔫᑎᒃᓴᓂᒃ ᓴᕿᑦᑎᓂᐊᕐᓗᑎᒃ ᓄᓇᖅᐸᓯᖕᒥ ᑕᕆᐅᕐᒥ ᐃᖃᓗᒐᓱᒡᕕᑦ ᓇᓂᑐᐃᓐᓇᖅ ᑕᒪᐃᓐᓂ ᕿᑭᖅᑕᓂ.

ᐊᑦᑕᕐᓇᕐᓂᖓ ᑕᒪᑐᒧᖓ ᓄᓇᖅᐸᓯᖕᒥ ᑕᕆᐅᕐᒥ ᐃᖃᓗᒐᓱᒡᕕᑦ ᓴᓇᔭᐅᓕᕈᓂ ᐃᖃᔪᖃᑎᒌᑦᑎᐊᕐᓗᑎᒃ ᑐᑭᓯᓇᓱᐊᖃᑎᒌᑦᑎᐊᕐᓗᑎᒃ ᕿᑭᖅᑕᓂ ᓄᓇᓕᖕᓄᑦ ᖃᐅᔨᓴᕐᓗᒋᒃ ᐱᖏᑦ ᓄᓇᖅᐸᓯᖕᒥ ᑕᕆᐅᑉ ᐃᑲᔫᑎᖃᕐᕕᒋᔪᓐᓇᖅᑕᖏᓐᓂᒃ. ᑕᐃᑲᓂ 2018, ᕿᑭᖅᑖᓗᒃ ᑯᐊᐳᕆᓴᓐ ᑐᓂᓯᔪᓐᓇᓚᐅᖅᑐᑦ ᒐᕙᒪᑐᖃᒃᑯᓂᑦ ᑮᓇᐅᔭᒃᓴᒥᒃ, ᐃᓚᑲᓐᓂᖅᖢᑎᒃ ᕿᑭᖅᑖᓗᒃ ᑯᐊᐳᕆᓴᓐ ᑮᓇᐅᔭᒃᓴᒥᖕᓂᑦ, ᐋᕿᒃᓯᒪᔾᔪᓯᒋᓂᐊᖅᑕᖓᓄᑦ ᐊᒻᒪᓗ ᓴᓇᔭᐅᓂᐊᕐᓂᖓᓄᑦ $2.5 ᒥᓕᐊᓐ ᑭᓱᑐᐃᓐᓇᕐᒧᑦ ᐊᑐᖅᑕᐅᓂᐊᖅᑐᖅ ᖃᐅᔨᓴᕐᓂᐊᖅᑐᖅ ᐅᒥᐊᖅ ᓇᒧᖓᐅᑎᒋᓯᒪᔪᓐᓇᕐᒪᖔᑦ ᖃᐅᔨᓴᖅᑕᐅᔪᓐᓇᕐᓂᖓ ᐊᒻᒪᓗ ᐊᐱᖅᓲᑎᑦ ᑭᐅᔭᐅᓗᑎᒃ ᑐᑭᓯᒋᐊᕈᑎᒃᓴᓄᑦ.

ᕿᑭᖅᑖᓗᒃ ᑯᐊᐳᕆᓴᓐ ᓴᓇᖃᑎᖃᖅᑐᖅ ᑕᕆᐅᑦ ᐱᓪᓗᒋᑦ ᐃᓕᓐᓂᐊᕐᕕᒃ ᒥᒻᒧᐊᓕᐅ ᐃᓕᓐᓂᐊᕐᕕᒃᔪᐊᖅ ᑕᐃᑲᓂ ᓯᑦ ᔮᓐᔅ ᓅᕙᐅᓛᓐᑦ ᓴᕿᑦᑎᓂᐊᕐᒪᑕ ᓄᓇᕗᒻᒥ ᓄᓇᖅᐸᓯᖕᒥ ᑕᕆᐅᕐᒥ ᐃᖃᓗᒐᓱᒃᑕᐅᔪᓐᓇᖅᑐᓂᒃ ᖃᐅᔨᓴᕐᕕᒃᓴᒥᒃ. ᓯᒡᔭᓂ ᐊᒻᒪᓗ ᓄᓇᖅᐸᓯᖕᒥ ᑕᕆᐅᕐᒥ ᐃᖃᓗᒐᓱᒃᑕᐅᔪᓐᓇᖅᑐᑦ ᖃᐅᔨᓴᖅᑕᐅᓗᑎᒃ ᐱᓕᕆᐊᖑᕙᔨᓗᑎᒃ ᐊᕐᕌᒍᑕᒫᑦ, ᐊᑐᓂ 8 ᑎᑭᓪᓗᒍ 10 ᐱᓇᓱᐊᕈᓯᑦ ᐊᑯᓂᐅᑎᒋᔪᖅ ᐊᒻᒪᓗ ᐱᔭᕇᖅᓯᕙᒡᓗᑎᒃ ᒪᕐᕉᖕᓂᒃ ᓄᓇᓕᖕᓂᒃ ᐊᕐᕌᒍᒥ.

ᕿᑭᖅᑖᓗᒃ ᑯᐊᐳᕆᓴᓐ ᓴᓇᖃᑎᖃᖅᑐᑦ ᕿᑭᖅᑕᓂ ᓄᓇᓕᖕᓂᒃ ᓇᓕᐊᒃ ᓯᕗᓪᓕᐅᑎᓂᐊᕐᒪᖔᑦ ᓄᓇᖅᐸᓯᖕᓂ ᐃᒪᕐᓂ ᓄᓇᓕᖕᓂ ᐱᓕᕆᐊᖑᓂᐊᖅᑐᑦ ᐃᓚᒋᓪᓗᒍ ᑕᒪᑐᒧᖓ ᖃᐅᔨᓴᕐᕕᒋᔭᑦᑎᓐᓄᑦ ᐃᓚᐅᔪᓐᓇᖅᑐᓂᒃ.

ᑐᑭᓯᒃᑲᓐᓂᕈᒪᒍᕕᑦ ᑕᒪᑐᒥᖓ ᓄᓇᖅᐸᓯᖕᒥ ᑕᕆᐅᕐᒥ ᐃᖃᓗᒐᓱᖕᓂᕐᒧᑦ ᐱᕙᓪᓕᐊᑎᑦᑎᓂᖅ ᐅᕗᖓ ᑎᑎᕋᕐᓗᑎᑦ fisheries@qcorp.ca

Related Projects