ᕿᑭᖅᑖᓗᒃ ᓇᖕᒥᓂᖁᑎᓕᓐᓄᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᓐ ᐱᔪᓯᓴᕈᑎᖓᑦ
ᑕᐃᑲᓂ ᔮᓄᐊᕆ 26, 2022, ᕿᑭᖅᑖᓗᒃ ᓇᖕᒥᓂᖁᑎᓕᓐᓄᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᓐ ᐱᒋᐊᖅᑎᑦᑎᕗᑦ ᓇᖕᒥᓂᖃᖅᑐᓕᕆᓂᕐᒧᑦ ᐱᔪᒥᓴᐅᑎᒃᓴᐃᑦ.
ᐃᑲᔪᖅᓯᕗᖅ ᐊᖏᕈᑎᑦ 24 ᓄᓇᕗᒻᒥ ᐊᖏᕈᑎᓂᒃ, ᖃᐅᔨᒪᓂᐊᕋᑦᓯ ᐱᔪᒥᓴᐅᑎᓕᐅᖅᐳᒍᑦ ᐃᓕᓐᓂᐊᕈᑕᐅᓂᐊᖅᑐᓂᒃ ᐃᑲᔪᕐᓗᑕ ᐃᓄᖕᓂᒃ ᓇᖕᒥᓂᖃᖅᑐᓂᒃ ᐱᔪᓐᓇᕐᓂᐊᕐᒪᑕ ᒐᕙᒪᑐᖃᒃᑯᑦ ᐊᒻᒪᓗ ᑎᐅᓕᑐᐊᓕᔅ ᒐᕙᒪᖏᓐᓂᑦ ᑳᓐᑐᕌᖕᓂᒃ.
ᐃᑲᔪᖅᑎᒌᒡᖢᑕ ᐃᓄᓕᕆᔨᑐᖃᒃᑯᑦ ᑲᓇᑕ, ᕿᑭᖅᑖᓗᒃ ᓇᖕᒥᓂᖁᑎᓕᓐᓄᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᓐ ᓴᕿᑦᑎᓚᐅᖅᑐᖅ ᒪᕐᕉᖕᓂᒃ ᑐᑭᓯᓇᖅᓯᑎᓯᒪᔪᑦ ᐅᖃᓕᒫᒐᐃᑦ ᐱᔾᔪᑎᓖᑦ ᒐᕙᒪᒃᑯᓂ ᓇᖕᒥᓂᖃᖅᑐᓄᑦ ᑮᓇᐅᔭᓕᐅᕐᑎᑦᑎᓂᖅ ᐊᒻᒪᓗ ᑮᓇᐅᔭᒃᓴᐃᑦ ᑐᑭᖏᑦ ᐊᒻᒪᓗ ᐱᕙᓪᓕᐊᔾᔪᑎᖏᑦ. ᑐᓂᓯᓯᒪᔪᑦ ᖃᐅᔨᒪᓂᐊᖅᑕᑦᓯᓐᓂᒃ ᐊᒻᒪᓗ ᑐᓴᐅᒪᓂᐊᖅᑕᑦᓯᓐᓂᒃ ᖃᓄᖅ ᕿᓂᕈᓐᓇᕐᒪᖔᑦᓯ ᐊᒻᒪᓗ ᓴᓇᔭᒃᓴᖅᑖᕐᓗᓯ ᒐᕙᒪᒃᑯᓂᑦ ᐊᒻᒪᓗ ᖃᓄᖅ ᐱᔪᓐᓇᕐᒪᖔᖅᐱᑦ ᑮᓇᐅᔭᒃᓴᓄᑦ ᐱᓕᕆᑎᑦᑎᔾᔪᑕᐅᔪᓂᑦ.
ᓯᕗᓪᓕᖅᐹᑦ ᐊᑎᖃᖅᑐᑦ ᐃᑲᔪᕐᓗᒋᑦ ᓄᓇᕗᑦ ᐃᓄᐃᑦ ᐱᔪᓐᓇᕐᓂᐊᕐᒪᑕ ᓇᖕᒥᓂᖃᖅᑐᑦ ᐱᕈᕈᑎᒃᓴᖏᓐᓂᒃ.ᐅᑯᐊ ᑭᐅᓯᔪᑦ ᐊᐱᖁᑎᓂᒃ ᐊᒻᒪᓗ ᑐᓴᕐᑎᑦᑎᔪᑦ ᐊᒻᒪᓗ ᐃᑲᔫᑎᒃᓴᓂᒃ ᐃᑲᔪᕐᓂᐊᕐᓗᒋᑦ ᐃᓄᐃᑦ ᐱᔅᓂᔅᖃᖅᑐᑦ ᓇᓂᓯᓗᑎᒃ ᓴᓇᔭᒃᓴᓂᒃ ᒐᕙᒪᒃᑯᓂᑦ. ᐃᑲᔪᕐᓗᒋᑦ ᓄᓇᕗᑦ ᐃᓄᐃᑦ ᐱᔪᓐᓇᕐᓂᐊᕐᒪᑕ ᓇᖕᒥᓂᖃᖅᑐᑦ ᐱᕈᕈᑎᒃᓴᖏᓐᓂᒃ ᐃᓚᖃᖅᑐᑦ ᑎᓴᒪᓂᒃ ᐃᓕᓐᓂᐊᕈᑎᓂᒃ:
- ᐃᓕᓐᓂᐊᕈᑎ 1: ᓇᖕᒥᓂᖃᖅᑐᑦ ᐊᑐᒐᔪᒃᑕᖏᑦ
- ᐃᓕᓐᓂᐊᕈᑎ 2: ᐱᔅᓂᔅᓕᕆᓂᕐᒥ ᐊᑐᒐᔪᒃᑕᑦ
- ᐃᓕᓐᓂᐊᕈᑎ 3: ᒐᕙᒪᑐᖃᒃᑯᑦ ᓇᖕᒥᓂᖃᖅᑐᓄᑦ ᐱᓕᕆᔾᔪᓯᖏᑦ
- ᐃᓕᓐᓂᐊᕈᑎ 4: ᓄᓇᕗᑦ ᒐᕙᒪᒃᑯᑦ ᑮᓇᐅᔭᓕᐅᕐᑎᑦᑎᓂᖓ ᓇᖕᒥᓂᖃᖅᑐᓄᑦ ᐊᑐᖅᐸᒃᑕᖏᑦ
ᐱᖃᑎᖏᑦ ᐊᑎᖃᖅᑐᑦ ᐃᑲᔪᕐᓗᒋᑦ ᓄᓇᕗᑦ ᐃᓄᐃᑦ ᐱᔪᓐᓇᕐᓂᐊᕐᒪᑕ ᑮᓇᐅᔭᒃᓴᓂᒃ. ᐅᑯᐊ ᑐᓴᐅᒪᔾᔪᑕᐅᓂᐊᖅᑐᑦ ᐃᑲᔪᕐᓗᒋᑦ ᐃᓄᐃᑦ ᐱᔪᓐᓇᕐᓂᐊᕐᒪᑕ ᑮᓇᐅᔭᒃᓴᓂᒃ ᐱᒋᐊᕈᑎᒃᓴᓂᒃ ᐅᒡᕙᓘᓐᓃᑦ ᐱᕈᕈᑎᒃᓴᖏᓐᓂᒃ ᐱᔅᓂᔅ ᐊᒻᒪᓗ ᐊᑐᓕᕐᑎᑦᑎᓂᖅ ᓇᑉᐸᐃᓇᓱᖕᓂᖅ ᓴᓇᔭᒃᓴᓂᒃ. ᐃᑲᔪᕐᓗᒋᑦ ᓄᓇᕗᑦ ᐃᓄᐃᑦ ᐱᔪᓐᓇᕐᓂᐊᕐᒪᑕ ᑮᓇᐅᔭᒃᓴᓂᒃ ᑖᒃᑯᐊᖑᔪᑦ ᐱᖓᓱᑦ ᐃᓕᓐᓂᐊᕈᑎᑦ:
- ᐃᓕᓐᓂᐊᕈᑎ1: ᑮᓇᐅᔭᒃᓴᓕᕆᔾᔪᑎᑦ ᐊᑐᖅᑕᐅᒐᔪᒃᑐᑦ
- ᐃᓕᓐᓂᐊᕈᑎ 2: ᑮᓇᐅᔭᒃᓴᖃᕐᑎᑦᑎᓂᖅ ᐱᔅᓂᔅᓂᒃ
- ᐃᓕᓐᓂᐊᕈᑎ 3: ᑮᓇᐅᔭᒃᓴᖃᕐᑎᑦᑎᓂᖅ ᓴᓇᔭᐅᔪᓄᑦ
ᐊᑐᓂ ᐃᓕᓐᓂᐊᕈᑎᑦ ᑐᑭᓯᑎᑦᑎᔪᑦ ᐅᖃᓕᒫᒐᑦ ᑎᑎᕋᖅᓯᒪᔪᑦ ᐃᓄᒃᑎᑐᑦ ᐊᒻᒪᓗ ᖃᓪᓗᓛᑎᑐᑦ ᐊᒻᒪᓗ ᑐᑭᓯᓐᖏᑕᕐᓄᑦ ᖃᐅᔨᒋᐊᕐᕕᖃᖅᑐᑦ ᐊᑕᐅᓯᖅ ᒪᒃᐱᒐᖅ ᐊᔾᔨᖑᐊᖃᖅᑐᒥᒃ.
ᕿᑭᖅᑖᓗᒃ ᓇᖕᒥᓂᖁᑎᓕᓐᓄᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᓐ ᓴᕿᑦᑎᖃᑦᑕᕐᓂᐊᖅᑐᑦ ᐃᓕᓐᓂᐊᕈᑎᓂᒃ ᐱᓇᓱᐊᕈᓯᑕᒫᑦ, ᐱᒋᐊᕐᓗᑎᒃ ᔮᓄᐊᕆ 26, 2022. ᑕᒡᕙᓂᕿᑭᖅᑖᓗᒃ ᓇᖕᒥᓂᖁᑎᓕᓐᓄᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᓐ ᖃᕆᓴᐅᔭᒃᑯᑦ ᕕᔅᐳᒃ ᓴᕿᑦᑎᓯᒪᓕᕐᒪᖔᑕ ᓄᑖᓂᒃ. ᐅᑯᐊ ᐃᓕᓐᓂᐊᕈᑎᑦ ᓴᕿᔮᓕᕐᓂᐊᖅᑐᑦ ᕿᑭᖅᑖᓗᒃ ᓇᖕᒥᓂᖁᑎᓕᓐᓄᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᓐ ᖃᕆᓴᐅᔭᖃᕐᕕᖓᓂ: http://www.QBDCnunavut.ca
ᑐᑭᓯᑎᑕᐅᑲᓐᓂᕈᓐᓇᖅᑐᑎᑦ ᐅᓇ ᐅᖃᕐᕕᒋᓗᒍ:
ᑭᒻᐳᓕ ᓖ-ᐳᓵᑦ, ᐱᓕᕆᐊᒃᓴᓄᑦᑲᒪᔨ
qbdc@qcorp.ca
867-222-2041
