QFC ᐱᕗᑦ ᓴᓇᕝᕕᖕᒥ ᖁᐊᒃᑯᕕᖕᒧᑦ ᐅᒥᐊᕐᔪᐊᒥᒃ ᐊᒻᒪᓗ ᒪᕐᕉᖕᓂᒃ ᐅᑭᐅᖅᑕᖅᑐᒥ ᑭᖑᒃᐸᒃᓯᐅᕐᓂᕐᒧᑦ ᓚᐃᓴᓐᓯᓂᒃ
ᕿᑭᖅᑖᓗᒃ ᐃᖃᓗᓕᕆᔨᒃᑯᑦ ᑯᐊᐳᕇᓴᖓᑦ (QFC), ᐃᓘᓐᓇᖓᒍᑦ ᓇᒻᒥᓂᖁᑎᒋᔭᐅᔪᖅ ᕿᑭᖅᑖᓗᒃ ᑯᐊᐳᕇᓴᒃᑯᓐᓄᑦ ᐊᒻᒪᓗ ᓯᕗᓕᖅᑎᐅᓪᓗᓂ ᒪᑭᒪᐃᓐᓇᕈᓐᓇᖅᑐᓂᒃ ᐅᑭᐅᖅᑕᖅᑐᒥ ᐃᖃᓗᓕᕆᓂᕐᒧᑦ, ᖁᕕᐊᓱᑉᐳᑦ ᑐᓴᖅᑎᑦᑎᔭᕆᐊᔅᓴᖅ ᓂᐅᕕᕐᓂᕐᒥᓂᒃ Mersey Seafoods Limited-ᑯᓐᓂᑦ Mersey Phoenix-ᑯᓐᓂᑦ, ᓴᓇᕕᒻᒥ ᖁᐊᖅᑎᑎᔾᔪᑎᒥᒃ ᐅᒥᐊᕐᔪᐊᒥᒃ. ᑖᓐᓇ ᓂᐅᕕᕐᓂᖅ ᑭᒡᒐᖅᑐᐃᔪᖅ ᐊᖏᔪᒥᒃ ᐊᖏᓪᓕᒋᐊᖅᑎᑦᑎᓂᕐᒥᒃ ᕿᑭᖅᑖᓗᖕᒥ ᑯᐊᐳᕇᓴᒃᑯᑦ ᐃᒪᕐᒥᐅᑕᓂᒃ ᐊᖑᓇᓱᒍᓐᓇᕐᓂᖏᓐᓂᒃ ᐊᒻᒪᓗ ᐃᑲᔪᖅᑐᐃᓪᓗᓂ ᕿᑭᖅᑕᓂ ᑯᐊᐳᕇᓴᒃᑯᑦ ᐊᑯᓂᐅᔪᒧᑦ ᐸᕐᓇᒍᑎᖓᓂᒃ ᐊᒥᓱᕈᕆᐊᖅᑎᑦᑎᓂᕐᒥᒃ ᐃᓄᐃᑦ ᐃᓚᐅᓂᖏᓐᓂᒃ ᐊᒻᒪᓗ ᓇᖕᒥᓂᖃᕐᓂᖏᓐᓂᒃ ᑲᓇᑕᐅᑉ ᐃᖃᓗᓕᕆᓂᖏᓐᓂᒃ.
ᒨᓯ ᕖᓂᔅ 71 ᒦᑕᓂᒃ, 15.9 ᒦᑕᓂᒃ ᓯᕕᑐᓂᓕᒃ ᓴᓇᕕᖕᒥ ᖁᐊᖅᑎᑎᔾᔪᑎ ᑎᑎᕋᖅᑕᐅᓯᒪᔪᖅ ᑐᓚᒃᑕᕐᕕᖓᓂ ᓕᕗᐴᓪ, ᓅᕙ ᓯᑰᓴᒥ. ᐃᓕᑕᕆᔭᐅᓯᒪᑦᑎᐊᖅᑐᖅ ᐱᓕᕆᕕᐅᔪᓂ ᐱᓕᕆᑦᑎᐊᕐᓂᖓᓄᑦ ᐊᒻᒪᓗ ᑕᑎᒋᔭᐅᔪᓐᓇᕐᓂᖓᓄᑦ, ᐅᒥᐊᕐᔪᐊᖅ ᐃᓚᓕᐅᔾᔭᐅᓂᐊᖅᑐᖅ QFC-ᑯᑦ ᒫᓐᓇᐅᔪᖅ ᐅᒥᐊᕐᔪᐊᖁᑎᖏᓐᓄᑦ ᐊᑐᖅᑕᐅᓂᐊᕐᓗᓂ ᐅᑭᐅᖅᑕᖅᑐᒥ ᑭᖑᑉᐸᓕᕆᓂᕐᒧᑦ.
ᐃᓚᒋᓪᓗᓂᐅᒃ ᑖᔅᓱᒪ ᓂᐅᕕᕐᓂᐅᑉ, QFC-ᑯᑦ ᑎᒍᓯᓯᒪᖕᒥᔪᑦ ᒨᓯᒃᑯᑦ ᑲᓇᑕᒥ ᐅᑭᐅᖅᑕᖅᑐᒥ ᑭᖑᑉᐸᓕᕆᓂᕐᒧᑦ ᓚᐃᓴᓐᓯᒥᒃ, ᑭᒡᒐᖅᑐᐃᔪᖅ ᒪᕐᕉᖕᓂᒃ ᑐᓂᔭᐅᓯᒪᔪᓂᒃ ᐃᖃᓗᓕᕆᔨᒃᑯᓐᓄᑦ ᐃᒪᕐᒥᐅᑕᓕᕆᔨᒃᑯᓐᓄᓪᓗ ᑲᓇᑕᒥ, ᓴᙱᒃᑎᒋᐊᕈᑕᐅᓪᓗᓂ QFC-ᑯᑦ ᑲᒪᑦᑎᐊᕐᓗᑎᒃ ᐊᖑᓇᓱᒍᓐᓇᕐᓂᖏᓐᓂᒃ ᐅᑭᐅᖅᑕᖅᑐᒥ ᑭᖑᑉᐸᖕᓂᒃ ᐊᒻᒪᓗ ᓇᓗᓇᐃᖅᓯᓯᒪᓪᓗᑎᒃ ᐊᑯᓂᐅᔪᒧᑦ ᐃᑲᔫᑎᒃᓴᓂᒃ ᐊᒻᒪᓗ ᐃᖅᑲᓇᐃᔮᒃᓴᓂᒃ ᐱᕕᒃᓴᖃᖅᑎᑦᑎᓂᕐᒥᒃ
ᑰᑉᐸᓪᓕᐊᓗᑎᒃ ᐃᓄᐃᑦ ᓄᓇᓕᖏᓐᓄᑦ ᕿᑭᖅᑕᓂ ᐊᕕᒃᑐᖅᓯᒪᔪᓕᒫᒥ.
ᖁᓪᓕᒃᑯᑦ ᖁᕕᐊᓱᒃᐳᓪᓗ ᑎᒍᓯᔪᓐᓇᓚᐅᕐᒪᑕ ᒨᓯ ᕖᓂᔅᒥ ᐃᖅᑲᓇᐃᔭᖅᑎᓂᒃ ᐃᓚᒋᔭᐅᓪᓗᓂ ᐋᖅᑭᒃᓯᒪᑦᑎᐊᖅᑐᒃᑯᑦ ᓄᑦᑎᖅᐸᓪᓕᐊᓂᕐᒧᑦ, ᓇᓗᓇᐃᖅᓯᓯᒪᓪᓗᑎᒃ ᐊᐅᓚᓂᖏᑦ ᑲᔪᓯᓂᖃᑦᑎᐊᖁᓪᓗᒋᑦ ᐊᒻᒪᓗ ᐱᓯᒪᐃᓐᓇᖁᓪᓗᒋᑦ ᐊᑑᑎᖃᖅᑐᓂᒃ ᖃᐅᔨᒪᔨᑕᓂᒃ. ᑖᓐᓇ ᓄᑦᑎᖅᑕᐅᔪᖅ ᐃᑲᔪᖅᓱᐃᔪᖅ ᖁᓪᓕᒃᑯᑦ ᐊᖏᖅᓯᒪᓂᖏᓐᓂᒃ ᐊᑦᑕᓇᓐᖏᑦᑐᓂᒃ, ᐊᔪᓐᖏᑦᑐᓂᒃ ᐊᒻᒪᓗ ᒪᑭᒪᐃᓐᓇᕈᓐᓇᖅᑐᓂᒃ ᐃᒪᕐᒥᐅᑕᓂᒃ ᐊᐅᓚᓂᖃᖁᓪᓗᒋᑦ.
“ᑖᓐᓇ ᓂᐅᕕᖅᑕᐅᓂᖓ ᓇᓗᓇᐃᖅᓯᕗᖅ ᐱᒻᒪᕆᐊᓗᒻᒥᑦ ᕿᑭᖅᑖᓗᒻᒥ ᐃᖃᓗᓕᕆᔨᒃᑯᑦ ᑯᐊᐳᕇᓴᖓᓐᓄᑦ,” ᐅᖃᖅᑐᖅ ᕼᐃᐅᕆ ᕕᓚᕼᐅᕐᑎ, ᐊᖓᔪᖅᑳᖅ & ᐊᐅᓚᑦᑎᔨᒻᒪᕆᒃ, ᕿᑭᖅᑕᓂ ᑮᓇᐅᔭᓕᕆᔨᒃᑯᑦ. “ᒨᓯ ᕖᓂᒃᔅ, ᐱᖃᓯᐅᑎᓪᓗᒍ ᐅᑭᐅᖅᑕᖅᑐᒥ ᑭᖑᑉᐸᓕᕆᓂᕐᒧᑦ ᓚᐃᓴᓐᓯ, ᓴᓐᖏᓕᖅᑎᑦᑎᒻᒪᕆᑉᐳᖅ ᐃᒪᕐᒥᐅᑕᓕᕆᓂᕐᒧᑦ ᐱᓕᕆᐊᑦᑎᓐᓂᑦ ᐊᒻᒪ ᐃᑲᔪᖅᓱᐃᓪᓗᓂ ᐊᑯᓂᐅᔪᒧᑦ ᑮᓇᐅᔭᓕᐅᕈᑎᖃᕋᓱᐊᕐᓂᕐᒧᑦ ᐱᕙᓪᓕᐊᑎᑦᑎᓂᕐᒥᑦ ᕿᑭᖅᑖᓗᒻᒥ ᑯᐊᐳᕇᓴᒃᑯᓐᓄᑦ ᐊᕕᑦᑐᖅᓯᒪᔪᒥ.”
“ᓂᕆᐅᑦᑎᐊᖅᐳᒍᑦ ᐃᓚᓕᐅᔾᔨᓂᐊᕐᓂᑦᑎᓐᓂᒃ ᒨᓯ ᕖᓂᔅᒥᒃ ᐊᒻᒪ ᐃᖅᑲᓇᐃᔭᖅᑎᖏᓐᓂᒃ ᐊᐅᓚᓂᕆᔭᑦᑎᓐᓄᑦ ᑲᔪᓯᑎᑦᑎᓗᑕ ᓯᕗᒧᐊᒃᑎᑦᑎᓂᕐᒥᒃ QFC-ᑯᑦ ᓯᕗᓕᖅᑎᐅᓂᖏᓐᓂᒃ ᒪᑭᒪᐃᓐᓇᕈᓐᓇᖅᑐᓂᒃ ᐅᑭᐅᖅᑕᖅᑐᒥ ᐃᖃᓗᓕᕆᓂᕐᒥᒃ,” ᐃᓚᒋᐊᖅᓯᓚᐅᖅᑐᖅ ᐲᑕ ᑮᓇᐃᓇᒃ, ᐊᖓᔪᖅᑳᑉ ᑐᖏᓕᖓ, QFC-ᑯᑦ.
“Mersey Seafoods ᐅᐱᒍᓱᒃᐳᑦ ᑭᖑᓂᑦᑎᓐᓂ ᖃᓄᐃᓕᐅᖃᑦᑕᖅᓯᒪᓂᑦᑎᓐᓂᒃ ᐊᒻᒪᓗ ᐱᓕᕆᐊᕆᓯᒪᔭᑦᑎᓐᓂᒃ ᑲᓇᑕᒥ ᑭᖑᑉᐸᓕᕆᓂᕐᒧᑦ. ᖁᔭᓐᓇᒦᖅᐸᕗᑦ ᑭᒃᑯᓕᒫᑦ ᐱᓕᕆᖃᑎᒋᓯᒪᔭᕗᑦ ᒨᓯ ᕖᓂᔅᒥ ᐊᒻᒪᓗ ᐃᖃᓗᒐᓱᐊᕐᓂᓕᒫᒥ. ᒨᓯ ᑕᕆᐅᕐᒥᐅᑕᓕᕆᔨᒃᑯᑦ ᑲᔪᓯᑦᑎᐊᖁᔨᕗᑦ ᐅᒥᐊᕐᔪᐊᕐᒥᐅᑕᓂᒃ ᐊᐅᓚᓂᖃᖅᑎᓪᓗᒋᑦ ᑲᓐᑐᕆ ᕼᐋᐳᒥ, ᓅᕙ ᓯᑰᓴᒥ, ᐊᒻᒪᓗ ᑲᔪᓯᑎᓪᓗᑕ ᐱᓕᕆᖃᑎᒌᖕᓂᕆᔭᑦᑎᓐᓂᒃ, ᒨᓯ ᕖᓂᔅᒥ,” ᑕᕆᐅᕐᒥᐅᑕᓕᕆᔨᒃᑯᑦ ᓕᒥᑎᑦ.
QFC-ᑯᑦ ᓱᓕ ᐊᖏᖅᓯᒪᕗᑦ ᑲᒪᑦᑎᐊᕐᓗᑎᒃ ᐊᖑᓇᓱᖕᓂᕐᒥᒃ, ᐃᑲᔪᖅᓱᐃᓗᑎᒃ ᓄᓇᕗᒻᒥ ᐃᖃᓗᓕᕆᓂᕐᒧᑦ ᑮᓇᐅᔭᓕᐅᕈᑕᐅᔪᓐᓇᖅᑐᓂᒃ, ᐊᒻᒪᓗ ᓴᖅᑭᑎᑦᑎᓗᑎᒃ ᑐᑭᖃᑦᑎᐊᖅᑐᓂᒃ ᐃᖅᑲᓇᐃᔮᒃᓴᓂᒃ, ᐱᓕᒻᒪᒃᓴᐃᓂᕐᒥᒃ, ᓇᖕᒥᓂᖃᕐᓂᕐᒧᓪᓗ ᐱᕕᒃᓴᓂᒃ ᐃᓄᖕᓄᑦ,
ᕿᑭᖅᑖᓗᒃ ᐃᖃᓗᓕᕆᔨᒃᑯᑦ ᑯᐊᐳᕇᓴᖓ (QFC) ᒥᒃᓵᓄᑦ
QFC ᐃᓘᓐᓈᒍᑦ ᓇᒻᒥᓂᖁᑎᒋᔭᐅᔪᖅ ᕿᑭᖅᑖᓗᒃ ᑯᐊᐳᕇᓴᒃᑯᓐᓄᑦ ᐊᒻᒪᓗ ᓯᕗᓕᖅᑎᐅᓪᓗᓂ ᒪᑭᒪᔾᔪᑎᔅᓴᓂᑦ ᐅᑭᐅᖅᑕᖅᑐᒥ ᐃᖃᓗᓕᕆᓂᕐᒥᑦ.
ᑐᓴᒐᒃᓴᓕᕆᔨᓄᑦ ᖃᐅᔨᒋᐊᕐᕕᒃᓴᖅ
ᑲᐃᑎ ᓱᑯᐊᑦ | ᐊᖓᔪᖅᑳᖅ ᑯᐊᐳᕇᓴᓄᑦ
kchoquette@qcorp.ca
