ᐱᓕᕆᐊᖑᔪᒪᔪᑦ

ᐊᑦᑕᕐᓇᖅᑐᖃᓐᖏᑦᑐᒥ, ᑲᑉᐱᐊᓇᖅᑐᖃᓐᖏᑦᑐᒥᒃ, ᐊᔪᖏᑦᑎᐊᖅᑐᓂ ᐊᒻᒪᓗ ᐃᓂᑦᑎᐊᕙᐅᔪᓂᒃ ᐊᖏᕐᕋᖃᕐᑎᑦᑎᓂᖅ ᐃᒡᓗᖃᕐᑎᑕᐅᑦᑎᓐᓂᒃ.

ᐃᒪᓐᓇ ᐱᓕᕆᕙᒃᑐᒍᑦ

ᕿᑭᖅᑖᓗᒃ ᓇᒻᒥᓂᖁᑎᖏᑦ ᑎᒥᖓ ᓴᕿᑕᐅᓚᐅᖅᑐᖅ ᕿᑭᖅᑖᓗᒃ ᑯᐊᐳᕆᓴᓐ ᐃᒡᓗᓕᕆᔨᐅᓪᓗᑎᒃ. ᐅᑯᐊ ᐃᒡᓗᖁᑎᕗᑦ ᐊᐅᓚᑕᕗᑦ ᐃᒡᓗᑦᑎᐊᕙᐅᓪᓗᑎᒃ ᐊᒻᒪᓗ ᐊᑰᑎᖃᑦᑎᐊᖅᑑᓪᓗᑎᒃ. ᐊᑐᓂ ᓄᓇᖁᑎᕗᑦ ᐃᒡᓗᖁᑎᕗᑦ ᓯᕗᓪᓕᐅᑎᑕᕗᑦ ᑭᓱᑐᐃᓐᓇᓂᑦ ᐊᒻᒪᓗ ᐅᐱᒋᕗᒍᑦ ᐅᕙᒎᓪᓗᑕ ᐊᖏᕐᕋᖃᕐᑎᑦᑎᔪᓐᓇᕋᑦᑕ ᐊᒻᒪᓗ ᐃᒡᓗᖃᖅᑐᑦ ᐃᓱᒫᓘᑎᖃᓐᖏᓪᓗᑎᒃ.

ᐅᖓᑖᓂ 15 ᐅᑭᐅᑦ, ᑐᓂᓯᓯᒪᕗᒍᑦ ᐊᑭᑐᒋᓐᖏᑕᖏᓐᓂᒃ, ᓴᓇᔭᐅᓯᒪᑦᑎᐊᖃᑦᑕᖅᑐᑦ ᐊᖏᕐᕋᑦ ᐊᒻᒪᓗ ᐊᑐᖅᑐᐊᑦᑕᐅᔪᓐᓇᖅᑐᑦ ᐃᒡᓗᑦ. ᐃᒡᓗᖁᑎᕗᑦ ᑕᒪᕐᒥᒃ ᐃᖃᓗᖕᓃᑦᑐᑦ, ᓄᓇᕗᒻᒥ. ᑐᓂᓯᓯᒪᕗᒍᑦ ᑕᒪᐃᓐᓂᒃ ᐃᒡᓗᑦᑎᐊᕙᐅᓪᓗᑎᒃ ᐊᒻᒪᓗ ᐊᑭᑐᒋᔭᐅᓇᑎᒃ.

ᑲᒻᐸᓂᕗᑦ ᑭᒃᑰᓂᖏᑦ ᒫᓐᓇᐅᔪᖅ ᐃᓚᖃᖅᑐᒍᑦ 22 ᐊᖏᕐᕋᑲᖅᑐᑦ ᐃᒡᓗᖁᑎᑦᑎᓂ ᐃᓗᐊᓂ 12 ᐃᒡᓗᐃᑦ, ᐊᒻᒪᓗ 190,000 ᐊᕙᓗᐊ ᕕᑦ ᑮᓇᐅᔭᓕᐅᕐᕕᐅᔪᓐᓇᖅᑐᓂᒃ ᐊᒻᒪᓗ ᐊᐅᓚᑦᓯᕕᐅᔪᓂᑦ ᐊᑐᖅᑐᐊᖅᑕᐅᔪᑦ ᐃᓂᒋᔪᓐᓇᖅᑕᖏᑦ.

ᖃᓄᖅ ᐱᓕᕆᕙᒃᑕᕗᑦ

ᐋᕿᒃᓯᓯᒪᕗᒍᑦ ᖃᓂᒪᓇᖅᑐᖃᓐᖏᑦᑐᓂᒃ ᐊᖏᕐᕋᓂᒃ ᐊᒻᒪᓗ ᓴᓇᕕᐅᔪᑦ ᐊᕙᑎᑦᑎᐊᕆᒡᖢᑎᒃ.

ᕿᑭᖅᑖᓗᒃ ᓇᒻᒥᓂᖁᑎᖏᑦ ᑎᒥᖓ ᐅᐱᒍᓱᒃᑐᒍᑦ ᑐᓂᓯᓯᒪᔪᓐᓇᕋᑦᑕ ᐊᑦᑕᕐᓇᖅᑐᖃᓐᖏᑦᑐᒥ, ᐊᑐᕈᓐᓇᖅᑕᑦᓯᓐᓂᒃ ᐊᒻᒪᓗ ᐃᓂᑦᑎᐊᕙᐅᓪᓗᑎᒃ. ᐊᑯᓚᐃᑦᑐᒥᒃ ᓴᓇᕙᒃᑕᕗᑦ ᐊᒻᒪᓗ ᓄᑖᖑᑦᑎᐊᕋᓱᒡᓗᒋᑦ ᐃᒡᓗᖁᑎᕗᑦ ᐊᒻᒪᓗ ᐱᓇᓱᐊᖅᑕᕗᖅ ᒪᓕᒐᕐᓂᒃ ᐊᑐᖅᑎᑦᑎᐊᕐᑎᑦᑎᓂᒻ ᓴᓇᔭᕆᐊᖃᖅᑐᓄᑦ ᐱᓕᕆᑎᑦᑎᔾᔪᑎᖃᖅᑐᒍᑦ ᐃᓗᐊᖏᔾᔪᑎᑦ ᓴᕿᑦᑎᐊᕐᓂᐊᕐᒪᑕ ᐊᒻᒪᓗ ᐋᕿᒃᓗᑎᒃ ᖃᓄᐃᓕᔪᖃᓚᐅᓐᖏᓂᖓᓂ. ᐅᑭᐅᖅᑕᖅᑐᒥ ᐱᓕᕆᓕᒪᑦᑎᐊᖅᑐᒍᑦ ᐊᔾᔨᐅᓐᖏᔾᔪᑎᒋᔭᕗᖅ ᐊᓯᑦᑎᓐᓂᑦ.

ᕿᑭᖅᑖᓗᒃ ᓇᒻᒥᓂᖁᑎᖏᑦ ᑎᒥᖓ ᐃᓗᐊᕆᔭᐅᓪᓗᓂ ᓴᓇᕕᐅᕙᒃᑐᖅ ᐱᑕᖃᕐᒪᑦ ᐱᕙᓪᓕᐊᑎᑦᑎᓂᖅ ᓴᓇᕕᒃ ᐃᓗᐊᓂ. ᓴᓇᖃᑎᒋᔭᕗᑦ ᑮᓇᐅᔭᓕᐅᕐᕕᐅᓂᐊᖅᑐᑦ ᐃᓂᒃᓴᖏᓐᓂᒃ ᐃᓂᖃᑦᑎᐊᕐᓂᐊᕐᒪᑕ ᓴᓇᑦᑎᐊᖅᓯᒪᔪᓂᒃ ᐊᒻᒪᓗ ᓄᑖᕈᖅᑎᑦᑎᐊᖅᐸᒡᖢᒋᑦ ᐃᒡᕕᑦ ᐱᔪᒪᔭᖏᑦ ᒪᓕᒡᓗᒋᑦ ᐊᒻᒪᓗ ᓯᕗᓪᓕᐅᑎᖁᔭᑎᑦ. ᑐᓂᓯᓯᒪᕗᒍᑦ 24-ᐃᑲᕐᕋᓄᑦ ᑐᐊᕕᕐᓇᖅᑐᖃᓕᖅᐸᑦ ᐱᔨᑦᑎᕋᖅᑎᓂᒃ ᕿᓚᒥ ᑭᐅᓲᑦ ᖃᓄᑐᐃᓐᓇᖅ ᐱᔾᔪᑎᖃᕈᕕᑦ ᐅᒡᕙᓘᓐᓃᑦ ᐃᓱᒫᓘᑎᖃᕈᕕᑦ ᑕᒪᒃᑯᐊ ᓴᕿᓲᖑᖕᒪᑕ.

ᕿᑭᖅᑖᓗᒃ ᓇᒻᒥᓂᖁᑎᖏᑦ ᑎᒥᖓ ᑐᑭᓯᐅᒪᔪᖅ ᑖᒃᑯᐊ ᐃᒡᓗᖃᖅᑎᑕᕗᑦ ᕿᓂᖅᑐᑦ ᐊᖏᕐᕋᒃᓴᑦᑎᐊᕙᖕᓂᒃ – ᑕᐃᒪᓗ ᑲᕐᐱᐊᓱᐊᓐᓇᖅᑐᖃᓐᖏᑦᑐᑦ, ᐊᑲᐅᔪᑦ, ᐊᒻᒪᓗ ᐊᑭᑐᓐᖏᑦᑐᑦ. ᕿᑭᖅᑖᓗᒃ ᓇᒻᒥᓂᖁᑎᖏᑦ ᑎᒥᖓ ᐋᕿᒃᓯᓯᒪᕗᑦ ᐃᒡᓗᖁᑎᒥᖕᓂᒃ ᓄᑖᖑᕆᐊᖅᑎᑦᑎᕙᓪᓕᐊᓂᖅ ᐱᓕᕆᑎᑦᑎᔾᔪᑕᐅᔪᖅ. ᐅᓇ ᐱᓕᕆᑎᑦᑎᔾᔪᑕᐅᔪᖅ ᐃᓚᖃᖅᑐᖅ ᒫᓐᓇᓕᓴᕈᖅᑎᓪᓗᒋᑦ ᐃᒡᓗ ᓴᓇᓯᒪᓂᖏᑦ ᐊᒻᒪᓗ ᑭᓱᓕᕆᔾᔪᑎᖏᑦ. ᐊᑯᓚᐃᑦᑐᒥᒃ ᓄᑖᖑᖅᑎᐸᒃᑐᑦ ᐊᒻᒪᓗ ᒫᓐᓇᓕᓴᕈᖅᑎᓪᓗᒋᑦ ᐱᖁᑎᑦ ᐃᒡᓗᓂ, ᐃᓕᐅᖃᕆᐊᓕᑦ ᐆᒻᒪᖁᑎᖃᐅᑎᑦ ᓲᕐᓗ ᐃᒐᑦ ᐊᒻᒪᓗ ᖃᐅᒻᒪᖁᑎᑦ, ᐊᒻᒪᓗ ᐃᒡᓗ ᐃᓗᐊ ᓄᑖᕈᑦᑎᐊᖅᖢᒍ.

ᐊᐅᓪᓗᑎᔭᕗᑦ ᐃᓄᖕᓂᒃ ᐱᑕᖃᕐᓂᖅᓴᐅᓕᕐᓗᓂ ᐊᒻᒪᓗ ᐃᖅᑲᓇᐃᔮᒃᓴᓄᑦ ᐃᓕᓐᓂᐊᑦᑎᓪᓗᒋᑦ

ᕿᑭᖅᑖᓗᒃ ᓇᒻᒥᓂᖁᑎᖏᑦ ᑎᒥᖓ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᕙᒃᑐᒍᑦ ᐃᓄᐃᓐᓇᕈᖅᐸᓪᓕᐊᖁᓪᓗᒋᑦ ᐃᓕᓐᓂᐊᕐᑎᑦᑎᓂᒃᑯᑦ, ᓯᕗᓕᐅᕆᔨᐅᓂᒃᑯᑦ ᐊᒻᒪᓗ ᐊᑭᑐᓂᖅᓴᓄᑦ ᐃᖅᑲᓇᐃᔮᒃᓴᓄᑦ. ᑕᐃᒪᖓᓂ 2017 ᐅᐱᒍᓱᒃᐳᒍᑦ 100% ᐃᓄᖕᓂᒃ ᐃᖅᑲᓇᐃᔭᖅᑎᖃᖅᑐᒍᑦ.

ᑕᐃᑲᓂ ᕿᑭᖅᑖᓗᒃ ᓇᒻᒥᓂᖁᑎᖏᑦ ᑎᒥᖓ ᑎᓕᐅᑦᑎᐊᖅᑕᕗᑦ ᐃᓚᐅᖁᓪᓗᒋᑦ ᐱᔭᕆᐅᖅᓴᑎᑦᑎᓂᕐᒥ ᐊᒻᒪᓗ ᖃᐅᔨᒪᔪᕐᔪᐊᖑᓕᕐᓗᑎᒃ. ᐊᔭᐅᖅᑕᕗᑦ ᐃᖅᑲᓇᐃᔭᖅᑎᑕᕗᑦ ᐱᓇᓱᐊᖁᓪᓗᒋᑦ ᖃᐅᔨᒪᔪᕐᔪᐊᖑᓂᕐᒧᑦ ᓇᓗᓇᐃᒃᑯᑕᖅᑖᕈᑎᑦ ᓲᕐᓗ ᐃᒡᓗᓕᕆᓂᕐᒥ ᐊᐅᓚᑦᑎᔾᔪᑕᐅᔪᓂᒃ ᓇᓗᓇᐃᒃᑯᑕᖅ.

ᓴᕿᑦᑎᕙᒃᑐᒍᑦ ᐃᓕᓐᓂᐊᖅᑐᑦ ᓴᓇᔨᒃᓴᓂᒃ ᐱᕕᖃᖅᑎᑦᑎᓪᓗᑕ ᐃᓄᖕᓂᒃ ᐃᓕᓐᓂᐊᖁᓪᓗᒋᑦ ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᖅᓴᕐᕕᖓᓂ ᓴᓇᔨᒃᓴᐅᓂᕐᒧᑦ ᐃᓕᓐᓂᐊᖅᑐᓂ. ᐃᑲᔪᑦᑕᕗᑦ ᓴᓇᔨᒃᓴᓂᒃ ᐃᓕᓐᓂᐊᖅᑐᑦ ᐅᕙᑦᑎᓐᓂ ᓴᓇᓗᑎᒃ ᖃᐅᔨᑦᑎᐊᑲᓐᓂᕐᓂᐊᕐᒪᑕ ᐊᒻᒪᓗ ᐱᔭᕆᐅᖅᓴᔭᕆᐊᖃᑦᑕᖏᑦ ᐱᓕᕆᑦᑎᐊᓯᓈᕐᓗᒋᑦ ᑕᐃᒫᒃ ᓇᓗᓇᐃᒃᑯᑕᖅᑖᕈᑎᒋᓗᒋᑦ ᖃᐅᔨᒪᔪᕐᔪᐊᕈᕐᓂᕐᒧᑦ ᓲᕐᓗ ᕿᔪᓕᕆᓂᖅ ᐊᒻᒪᓗ ᐃᒡᓗᓕᐅᖅᑎᐅᓂᖅ.

ᐅᖃᕐᕕᒋᑎᒍᑦ

qpi@qcorp.ca

867-979-8400

ᑎᑎᖃᒃᑯᕕᒃᑯᑦ ᑐᕌᕈᑎᕗᑦ
922 ᓂᐊᖁᖑᓯᐊᖅ ᐊᖁᑎ
ᑎᑎᖃᒃᑯᕕᒃ 1228
ᐃᖃᓗᐃᑦ, ᓄᓇᕗᑦ
X0A 0H0

ᖃᓄᕆᑑᓂᖓ ᑲᒻᐸᓂ
ᑕᒪᕐᒥᒃ-ᓇᖕᒥᓂᖁᑎᒋᔭᐅᕗᖅ

ᐊᕐᕌᒍ ᓴᕿᑕᐅᕕᖓ
2004

ᓇᓂ
ᐃᖃᓗᐃᑦ, ᓄᓇᕗᑦ

ᐅᓄᕐᓂᖏᑦ ᐃᖅᑲᓇᐃᔭᖅᓯᕗᑦ
8

ᐅᓄᕐᓂᖏᑦ ᐃᖅᑲᓇᐃᔭᖅᓯᕗᑦ
100%

ᐃᖅᑲᓇᐃᔮᒃᓴᐃᑦ

ᖃᐅᔨᒋᐊᑲᓐᓂᕐᕕᒋᕙᒡᓗᒋᑦ ᓯᕗᓂᒃᓴᑦᑎᓐᓂ ᐃᖅᑲᓇᐃᔮᒃᓴᖅᑕᖃᕐᒪᖔᑕ

ᐱᔨᑦᑎᕋᐅᑎᑦ

ᑮᓇᐅᔭᓕᐅᖅᑐᓂᑦ ᐊᑐᖅᑐᐊᖅᑎᑦᑎᓂᖅ

ᐊᖏᕐᕋᒃᓴᓂᒃ ᐊᑐᖅᑐᐊᖅᑎᑦᑎᓂᖅ

ᓯᕐᓗᐊᖃᕐᑎᑦᑎᓂᖅ

ᐃᒡᓗᒃᓴᓂᒃ ᓴᓇᕙᓪᓕᐊᓂᖅ

Related Projects