ᓴᓇᔭᐅᔪᖅ ᑭᓲᕙ
ᓇᓂ: ᓴᓂᑭᓗᐊᖅ, ᓄᓇᕗᑦ
ᓯᕗᓕᐅᖅᑎᑦᑎᕗᑦ: ᕿᑭᖅᑖᓗᒃ ᑯᐊᐳᕆᓴᓐ
ᐃᑲᔫᑎᔪᑦ:
- ᐃᓅᔾᔪᓰᑦ ᐆᒻᒪᕆᐊᖅᑎᓪᓗᒋᑦ
- ᐅᖃᐅᓯᖅ ᐊᓯᐅᔾᔭᐃᕐᓗᒍ
- ᓴᕿᔮᖅᑐᑦ ᐊᒻᒪᓗ ᖃᐅᔨᒪᔭᐅᓂᐊᖅᑐᑦ ᐅᖓᑖᓂ 140,000 ᐃᑦᑕᕐᓂᑕᐃᑦ ᒫᓐᓇᐅᔪᖅ ᓯᕐᓗᐊᕐᒦᑦᑐᑦ ᓯᓚᑖᓂ ᓄᓇᕗᑦ.
ᓴᓇᔭᐅᔪᖅ ᑭᓱᓕᕆᕙ
ᓄᓇᕗᑦ ᑖᓐᓇᑐᐊᖅ ᓄᓇᖃᖅᑐᓂ ᑲᓇᑕᒥ ᐃᑦᑕᕐᓂᑕᖃᕐᕕᖃᓐᖏᑦᑐᖅ ᐃᓅᔾᔪᓯᖏᓐᓂᒃ ᓴᕿᔮᕐᑎᑦᑎᕕᖕᓂᒃ ᐊᒻᒪᓗ ᑕᑯᔭᐅᑎᓪᓗᒋᑦ ᐃᒻᒪᑲᓪᓚᒃ ᐊᑐᖅᑕᐅᓯᒪᔪᑦ ᐊᒻᒪᓗ ᖃᐅᔨᒪᔭᐅᓕᕐᑎᓪᓗᒋᑦ ᐱᐅᓯᑐᖃᖃᑎᒌᒍᑕᐅᔪᑦ ᓄᓇᖃᖅᑐᓂᑦ. ᐃᓚᖓ 33 ᓄᓇᕗᒻᒥ ᐊᖏᕈᑎᓂ ᓇᓗᓇᐃᖅᓯᓯᒪᕗᖅ ᑐᐊᕕᕐᓇᓕᕐᓂᖓᓂ ᐱᑕᖃᕆᐊᖃᖅᖢᓂ ᖃᐅᔨᒪᔭᐅᑦᑎᐊᓕᕈᑎᒃᓴᓂᒃ, ᓴᐳᒻᒥᓂᐊᖅᑐᓂᒃ ᐊᒻᒪᓗ ᐊᓯᐅᔾᔭᐃᕆᐊᓕᖕᓂᒃ ᐊᒥᓱᓂᒃ ᑭᓱᑐᐃᓐᓇᓂᒃ, ᓄᓇᒥᑦ ᐊᒻᒪᓗ ᐃᑦᑕᕐᓂᑕᑦ ᐃᓅᓯᑐᖃᕕᑦ ᐳᐃᒍᓇᓐᖏᑦᑐᑦ ᓄᓇᕗᒻᒥ.
ᕿᑭᖅᑖᓗᒃ ᑯᐊᐳᕆᓴᓐ, ᑖᒃᑯᑎᒍᑦ ᓇᖕᒥᓂᖁᑎᖓᑦ ᕿᑭᖅᑖᓗᑦ ᓇᖕᒥᓂᖁᑎᓕᖕᓄᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕆᓴᓐ, ᐃᑲᔪᓚᐅᖅᑐᑦ ᓄᓇᕗᑦ ᑐᓐᖓᕕᒃ ᑎᒥᖓ, ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᖅᑐᕐᑏᑦ, ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐱᕚᓪᓕᕐᑎᑦᑎᓂᕐᒧᑦ ᓄᓇᕗᒻᒥ ᐃᑦᑕᕐᓂᑕᖃᕐᕕᒃᓴᒥᒃ ᓄᓇᕗᑦ ᒐᕙᒪᖃᕐᕕᖓᓂ, ᐃᖃᓗᐃᑦ.
ᑖᓐᓇ ᐃᑦᑕᕐᓂᑕᖃᕐᕕᒃ ᐊᔭᐅᕆᔨᑦᑎᐊᕙᐅᓂᐊᖅᑐᖅ ᑎᐅᓕᑐᐊᓕᔅ ᐊᒻᒪᓗ ᑲᓇᑕ ᐊᓯᐅᔾᔭᐃᑦᑎᐊᕐᓗᒋᑦ ᐃᓄᐃᑦ ᐅᖃᐅᓯᖏᑦ, ᓴᖕᖏᒃᑎᒋᐊᕐᓗᒋᑦ ᐃᓐᓇᑐᖃᑦ ᐊᒻᒪᓗ ᒪᒃᑯᒃᑐᑦ ᑲᑎᖓᔪᓐᓇᕐᓂᖏᑦ, ᐱᕕᖃᕐᑎᑦᑎᕕᒃᓴᖅ ᐃᓄᖕᓄᑦ ᑮᓇᐅᔭᓕᐅᕐᓗᑎᒃ ᒪᑭᒪᔾᔪᑎᒃᓴᓄᑦ ᐱᕙᓪᓕᐊᓂᐊᕐᓂᖓᓄᑦ ᐊᒻᒪᓗ ᓴᕿᑦᑎᓯᒪᓂᐊᕐᓗᓂ ᐃᒻᒪᑲᓪᓚᒃ ᐊᑐᖅᓯᒪᔭᑦᑎᓐᓂᒃ ᐊᒻᒪᓗ ᐃᓅᔾᔪᓯᕐᓂᒃ. ᓄᓇᕗᒻᒥ ᐃᑦᑕᕐᓂᑕᖃᕐᕕᒃ ᐊᓯᐅᔾᔭᐃᖅᓯᓯᒪᓂᐊᖅᑐᖅ ᐊᒻᒪᓗ ᖁᕕᐊᓱᒍᑎᒋᓗᒋᑦ ᐃᓄᐃᑦ ᐊᑐᖅᓯᒪᔭᖏᑦ ᐃᒻᒪᑲᓪᓚᒃ ᐊᒻᒪᓗ ᑲᔪᖏᕈᑕᐅᔪᓐᓇᕐᓗᓂ ᓄᑖᑦ ᐃᓅᓯᖃᕐᓂᐊᓕᖅᑐᓄᑦ ᒪᒃᑯᒃᑐᓄᑦ ᐃᓄᖕᓄᑦ ᑕᒪᐅᓐᓇ ᐱᓕᕆᑎᑦᑎᔾᔪᑎᑦᑎᒍᑦ ᐃᓚᖃᕐᓗᓂ ᑕᐃᑲᓂ ᐃᓂᖃᕐᓗᑎᒃ ᐊᒻᒪᓗ ᓯᓚᑖᓂ ᐃᓕᓐᓂᐊᕐᕕᖕᓂ ᐱᓕᕆᑎᑦᑎᔾᔪᑎᖃᕐᓗᑎᒃ, ᐃᖅᑲᓇᐃᔮᒃᓴᓄᑦ ᐃᓕᓐᓂᐊᕐᕕᐅᔪᓐᓇᖅᖢᓂ ᐊᒻᒪᓗ ᐊᔭᐅᕆᔨᑦᑎᐊᕙᐅᓗᓂ ᐃᓂᖃᕐᕕᐅᓂᐊᕐᒪᑦ ᐱᕈᕐᕕᐅᓗᓂ ᐃᓅᔾᔪᓯᕐᒥ ᑮᓇᐅᔭᓕᐅᕈᑕᐅᔪᓐᓇᖅᑐᓂᒃ, ᐱᓯᒪᔪᓂᑦ ᐳᓚᕋᑦᑎᓄᑦ ᐊᒻᒪᓗ ᒥᕿᔪᓄᑦ ᐱᔅᓂᔅ ᐱᕕᖃᕐᑎᑕᐅᓗᑎᒃ.
