ᓄᓇᕗᒻᒥ ᐃᒪᕐᒥᐅᑕᓂᒃ ᖃᐅᔨᓴᕐᓂᕐᒧᑦ ᑲᑐᔾᔨᖃᑎᒌᑦ

NMRA ᑮᓇᐅᔭᓕᐅᕋᓱᐊᖅᑎᐅᖏᑦᑐᑦ ᑎᒥᐅᕗᑦ ᐱᓕᕆᐊᒃᓴᖃᖅᖢᑎᒃ ᐃᑲᔪᖅᓱᐃᓂᕐᒥᒃ ᐱᕙᓪᓕᐊᑎᑦᑎᓂᕐᒥᒃ ᕿᑭᖅᑕᓂ ᐃᓄᐃᑦ ᓄᓇᓕᖏᓐᓂᒃ ᐱᔭᕆᐊᑭᓪᓕᑎᑦᑎᓗᑎᒃ ᐱᕙᓪᓕᐊᓂᕐᒥᒃ ᐃᒪᕐᒥᐅᑕᓂᒃ ᖃᐅᔨᒪᓂᕐᒥᒃ, ᓱᒃᑲᓕᒋᐊᖅᑎᑦᑎᓗᑎᒃ ᑮᓇᐅᔭᓕᐅᕈᑕᐅᔪᓐᓇᕐᓂᖏᓐᓂᒃ ᖃᐅᔨᓴᕈᑕᐅᓯᒪᔪᑦ, ᐊᒻᒪᓗ ᐊᔾᔨᒌᖏᑦᑐᓂᒃ ᐱᕕᒃᓴᖃᖅᑎᑦᑎᓗᑎᒃ ᐃᓄᖕᓄᑦ ᐊᑐᐃᓐᓇᖃᕈᓐᓇᖁᓪᓗᒋᑦ ᓯᕗᒧᐊᒍᓐᓇᖁᓪᓗᒋᓪᓗ ᑐᖑᔪᖅᑐᒥᒃ ᑮᓇᐅᔭᓕᐅᕈᑎᖃᕋᓱᐊᕐᓂᕐᒥᒃ ᐃᖅᑲᓇᐃᔮᓕᒫᖏᓐᓂ. ᑖᒃᑯᐊ NMIR-ᑯᑦ ᐱᓕᕆᐊᖏᑦ ᑐᓐᖓᕕᖃᓚᐅᖅᑐᑦ ᐊᕐᕌᒍᓄᑦ ᑕᓪᓕᒪᓄᑦ ᑲᔪᓯᑦᑎᐊᖅᑐᒃᑯᑦ ᓄᓇᓕᓐᓂ ᖃᐅᔨᓴᐃᓪᓗᑎᒃ, ᐅᒥᐊᕐᔪᐊᒃᑯᑦ ᐊᒻᒪᓗ ᓯᔾᔭᒥ ᐃᓕᓐᓂᐊᖅᑎᑦᑎᓪᓗᑎᒃ, ᐃᖅᑲᓇᐃᔭᓕᓵᖅᑐᓄᑦ ᐃᒪᕐᒥᐅᑕᓂᒃ ᐊᐅᔭᒃᑯᑦ ᐃᓕᓐᓂᐊᓯᓐᓈᑦ ᐃᖅᑲᓇᐃᔭᖅᑐᑎᒃ, ᐊᒻᒪᓗ ᐃᓚᐅᑎᑦᑎᓪᓗᑎᒃ ᕿᑭᖅᑖᓗᒃ ᑯᐊᐳᕇᓴᒃᑯᑦ ᐃᖃᓗᓕᕆᔨᒃᑯᖏᓐᓂᒃ ᐊᒻᒪᓗ ᐸᕐᓇᐅᑎᓕᐅᖃᑎᒋᔭᖏᓐᓂᒃ. ᓇᒻᒥᓂᖃᖅᑐᖅ ᒪᕐᕉᓐᓂᒃ ᑐᕌᖓᔪᓂᒃ ᖃᐅᔨᓴᕐᓂᕐᒧᑦ ᐅᒥᐊᕐᔪᐊᓂᒃ (RV ᓘᑎ ᐳᑦᓗᒃ ᐊᒻᒪᓗ RV ᒨᓯᔅ ᐊᑉᐸᖅᑲᖅ) ᐊᒻᒪᓗ ᐱᓯᒪᑦᑎᓪᓗᓂ ᐊᖏᔪᒻᒪᕆᒻᒥᒃ ᐅᒥᐊᕐᔪᐊᕐᒥ ᐊᒻᒪᓗ ᓄᓇᒥ ᖃᐅᔨᒪᓂᖃᖅᑐᓂ ᐃᖅᑲᓇᐃᔭᖅᑎᓂᒃ ᐊᒻᒪᓗ ᐃᓕᓐᓂᐊᕈᑎᒃᓴᓂᒃ ᐋᖅᑭᒃᓱᐃᓂᕐᒥᒃ ᐊᒻᒪᓗ ᑐᓂᓯᓂᕐᒥᒃ ᕿᑭᖅᑕᓂ. ᑐᓂᐅᖅᑲᐃᔨᒻᒪᕆᐅᔪᖅ ᐃᒪᕐᒥᐅᑕᓂᒃ ᖃᐅᔨᓴᕐᓂᕐᒧᑦ ᐊᒻᒪᓗ ᐱᓕᒻᒪᒃᓴᐃᓂᕐᒧᑦ ᐱᒋᐊᖅᑎᑕᐅᔪᓂᒃ ᒪᓕᒃᑐᓂᒃ ᓄᓇᕗᑦ ᑐᓐᖓᕕᒃ Inc, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐊᒻᒪᓗ ᕿᑭᖅᑕᓂ ᓄᓇᓕᖕᓄᑦ ᓯᕗᓪᓕᐅᔾᔭᐅᖁᔭᐅᔪᓂᒃ.