ᓴᓇᔭᐅᔪᖅ ᑭᓲᕙ

ᓇᓂ: ᑭᓐᖓᐃᑦ

ᓯᕗᓕᐅᖅᑎᑦᑎᕗᑦ: ᕿᑭᖅᑖᓗᒃ ᑯᐊᐳᕆᓴᓐ

ᐃᑲᔫᑎᔪᑦ: 

  • ᑲᔪᓯᔪᓐᓇᕐᒪᖔᑦ ᓴᓇᔭᐅᔪᖅ ᐊᕕᒃᑐᖅᓯᒪᔪᓂ-ᑕᒪᐃᓐᓂ ᐊᑐᖅᑕᐅᔪᓐᓇᖅᑐᖅ
  • 60% ᐱᓕᕆᐊᖑᔪᑦ ᑮᓇᐅᔭᒃᓴᖅᑖᖏᑦ ᓄᓇᓕᖕᓃᖏᓐᓇᖅᐸᑐᑦ ᑕᐃᒫᒃ ᓴᓇᔪᓄᑦ ᐊᑭᓕᐅᑕᐅᓪᓗᑎᒃ, ᐱᖁᑎᓄᑦ ᐊᒻᒪᓗ ᓴᓇᔭᐅᓂᐊᖅᑐᓂᒃ.

ᓴᓇᔭᐅᔪᖅ ᑭᓱᓕᕆᕙ

“ᖁᕕᐊᓇᖅᑐᖅ ᑕᑯᓪᓗᓂ ᐱᓕᕆᔪᑦ ᐃᑲᔪᕐᓂᑐᐃᓐᓇᐅᓐᖏᑦᑐᒃᑯᑦ ᓄᓇᓕᖕᓂᒃ ᓴᓗᒻᒪᖅᓴᓴᐃᑎᑦᑎᓪᓗᓂ, ᑭᓯᐊᓂ ᐱᔭᕆᐅᖅᓴᑎᒻᒥᒐᑦᑎᒍᑦ ᐊᔪᕈᓐᓃᕐᓂᐊᕐᒪᑕ ᑲᔪᓯᔪᒥᒃ ᐊᐅᓚᑦᑎᑦᑎᐊᕈᓐᓇᕐᓗᑎᒃ ᐊᒃᑕᑯᓂᒃ”
ᔮᓐ ᕼᐊᔅᓯ, ᕼᐋᒻᓚᒃᑯᑦ ᑎᑎᕋᖅᑎᖓ, ᑭᓐᖓᐃᑦ

ᓄᓇᕗᑦ ᓄᓇᓕᖏᓐᓂ ᐅᓄᖅᑐᐊᓘᓕᕐᒪᑕ ᐃᒻᒪᑲᓪᓚᓂᑕᐃᑦ ᐊᒃᑕᕆᐊᓕᑦ ᐊᒃᑕᑯᑦ ᓄᐊᑉᐸᓪᓕᐊᔪᑦ ᖁᓕᑦ ᐊᕐᕌᒍᑦ ᐅᖓᑖᓄᑦ ᓄᑕᐅᓐᖏᑎᒋᔪᑦ, ᑕᑖᖅᑐᑦ ᐊᒻᒪᓗ ᒫᓐᓇ ᐱᖁᔭᕋᓛᑦ ᐊᑐᖅᑕᐅᔭᕆᐊᓕᑦ ᐅᓪᓗᒋᔭᕆᐊᖃᖅᑕᖏᓐᓄᑦ ᐊᒻᒪᓗ ᐊᐅᓚᑦᑎᔾᔪᑎᒃᓴᓄᑦ ᖃᓄᐃᓕᐅᕈᑎᒃᓴᐃᑦ ᐊᕙᓗᒃᓴᖏᑦ. ᐅᓄᓛᑦ ᐊᒃᑕᑯᑐᖃᐃᑦ ᓴᕕᕋᔭᐃᑦ ᑕᒪᒃᑯᐊ ᖁᐊᒃᑯᕕᑦ, ᓄᓇᓯᐅᑎᑦ ᐊᒻᒪᓗ ᐃᒡᓗᒃᓴᕕᓃᑦ.

ᑕᐃᑲᓂ ᕿᑭᖅᑖᓗᒃ ᑯᐊᐳᕆᓴᓐ ᓄᓇᓕᖕᓂ ᐳᓚᕋᑎᓪᓗᒋᑦ ᑐᓴᓚᐅᖅᑐᑦ ᓄᓇᓕᖕᓂ ᐃᓱᒫᓘᑎᖏᓐᓂᒃ ᐱᔾᔪᑎᒋᓪᓗᒋᑦ ᐊᒃᑕᕐᕕᑦ ᐊᒻᒪᓗ ᐃᑲᔪᖅᑕᐅᔪᒪᓪᓗᑎᒃ ᐱᐅᓯᕚᓪᓕᖅᑎᓪᓗᒍ ᐊᒃᑕᖅᑕᐅᓯᒪᔪᓂᒃ ᐱᓕᕆᐊᖑᓗᑎᒃ ᐊᒻᒪᓗ ᓇᑉᐸᕆᐊᓕᑦ ᐊᒻᒪᓗ ᐱᓕᕆᔭᐅᖁᓪᓗᒋᑦ ᐊᒃᑕᖅᑕᐅᔪᑦ ᐅᓄᖅᓯᕙᓪᓕᐊᔪᑦ ᓄᐊᓯᒪᔪᑦ.

2017-ᒥ ᕿᑭᖅᑖᓗᑦ ᓇᖕᒥᓂᖁᑎᓕᖕᓄᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕆᓴᓐ ᑮᓇᐅᔭᒃᓴᖅᑖᓚᐅᖅᑐᑦ ᐅᑭᐅᖅᑕᖅᑐᓕᕆᔨᒃᑯᑦ ᑲᓇᑕ ᐊᒻᒪᓗ ᓄᓇᕗᑦ ᒐᕙᒪᒃᑯᑦ ᐱᓕᕆᓂᐊᕐᓗᑎᒃ ᑲᔪᓯᔪᓐᓇᕐᒪᖔᑕ ᐊᓯᖏᓐᓄᑦ ᐱᓕᕆᐊᖑᔪᖅ ᑭᓐᖓᓂ. ᐅᓇ ᓴᓇᔭᐅᔪᖅ ᐱᒋᐊᕈᑎᖃᖅᓯᒪᔪᖅ ᑐᑭᓯᓇᓱᖃᑎᒌᒡᐸᒡᓗᑎᒃ ᐃᑲᔪᖃᑎᒌᒡᓗᑎᒃ ᕿᑭᖅᑖᓗᒃ ᑯᐊᐳᕆᓴᓐ, ᕼᐋᒻᓚᒃᑯᑦ, ᐊᒻᒪᓗ ᑎᐅᓕᑐᐊᓕᔅ ᒐᕙᒪᒃᑯᑦ. ᐱᔾᔪᑎᒋᓚᐅᖅᓯᒪᔭᖓᑦ ᓴᒻᒪᖅᓴᑐᐃᓐᓇᓐᖏᓪᓗᒍ ᐊᑦᑕᕐᕕᒃ ᑭᓯᐊᓂ ᑕᑯᑎᑦᑎᓗᑎᒃ ᐃᑲᔫᑎᓂᖓᓂ ᐃᓄᖕᓂᑦ-ᓯᕗᓕᐅᕈᑕᐅᔪᖅ ᐊᒻᒪᓗ ᐃᓄᖕᓂᑦ-ᑐᓂᓯᔾᔪᑕᐅᔪᖅ ᐱᓕᕆᐊᖑᔪᖅ.

ᐅᓇ ᑲᔪᓯᔪᓐᓇᕐᒪᖔᑦ ᐱᓕᕆᐊᖑᔪᖅ ᓇᓗᓇᐃᖅᓯᑦᑎᐊᓚᐅᖅᑐᖅ ᐃᑲᔫᑎᓂᖓᓂ ᐃᓄᖕᓂᑦ-ᓯᕗᓕᐅᕐᑎᑦᑎᕕᐅᓪᓗᓂ ᐊᒻᒪᓗ ᐃᓄᖕᓂᑦ-ᑐᓂᓯᔾᔪᑕᐅᓪᓗᓂ ᓴᓇᔭᐅᔪᖅ. ᐋᕿᒃᓯᓚᐅᖅᑐᑦ ᓯᕗᓪᓕᐅᑎᔭᕆᐊᖃᖅᑐᓂᒃ ᓄᓇᓕᖕᓂ ᐃᖅᑲᓇᐃᔮᖃᕐᑎᑦᑎᓂᐊᕐᓗᓂ ᐃᓄᖕᓄᑦ ᐊᒻᒪᓗ ᐱᔭᕆᐅᖅᓴᑎᑕᐅᓗᑎᒃ ᓴᓇᔪᓐᓇᖅᓯᖕᒪᑕ ᑕᒪᑐᒪᖓᑦ ᐊᑑᑎᖃᕐᓂᐊᖅᑐᖅ ᓴᓇᔨᓄᑦ ᓴᖕᖏᓂᖅᑖᕐᒪᑕ ᐊᒻᒪᓗ ᓄᓇᓕᖕᓂᑦ ᐅᐱᒋᔭᐅᓇᖅᖢᑎᒃ.

59% ᐱᓕᕆᐊᖑᔪᖅ ᑮᓇᐅᔭᖅᓴᖅᑖᓚᐅᖅᑐᖅ ᐃᓗᐊᖐᓂᖏᓐᓇᓚᐅᖅᑐᖅ ᓄᓇᓕᖕᓂ ᑕᐃᒫᒃ ᐃᖅᑲᓇᐃᔭᖅᑎᓄᑦ ᐊᑭᓕᐅᑕᐅᓪᓗᓂ, ᓴᓇᕐᕈᑎᓄᑦ ᐊᒻᒪᓗ ᓴᓇᔭᒃᓴᓄᑦ. 100% ᐱᓕᕆᐊᖑᔪᖅ ᐱᕇᖅᑕᐅᓚᐅᖅᑐᖅ ᓄᓇᖃᑎᒌᖕᓂᑦ ᐅᑯᐊᓗ ᐱᓕᕆᓪᓚᑖᕐᓂᒃᑯᑦ ᐱᔭᕆᐅᖅᑎᑕᐅᓪᓗᑎᒃ ᐊᒻᒪᓗ ᐊᑑᑎᖃᖅᑐᓂᒃ ᓇᓗᓇᐃᒃᑯᑕᖅᑖᖅᖢᑎᒃ ᐱᔭᕇᖅᓯᓂᕐᒥᖕᓄᑦ ᓴᓇᔭᒥᖕᓂᒃ.

ᐅᓇ ᑲᔪᓯᔪᓐᓇᕐᒪᖔᑦ ᐱᓕᕆᐊᖑᔪᖅ ᑕᑯᑎᑦᑎᓚᐅᖅᑐᖅ ᓄᑖᖅ ᑮᓇᐅᔭᒃᓴᖅ ᐊᒻᒪᓗ ᑐᓂᓯᒪᔾᔪᓯᕆᓂᐊᖅᑐᖅ ᐊᑐᖅᑕᐅᔪᓐᓇᖅᑐᑦ ᐱᓕᕆᓂᐊᕐᓗᒋᑦ ᓴᕕᕋᔭᐃᑦ ᐃᒃᓯᓐᓇᑯᑦ ᓇᓂᑐᐃᓐᓇᖅ ᓄᓇᕗᒻᒥ. ᕿᑭᖅᑖᓗᑦ ᓇᖕᒥᓂᖁᑎᓕᖕᓄᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕆᓴᓐ ᐊᒻᒪᓗ ᕿᑭᖅᑖᓗᒃ ᐊᕙᑎᓕᕆᔨᒃᑯᑦ ᒫᓐᓇ ᓴᓇᖃᑎᖃᖅᑐᑦ ᓄᓇᕗᑦ ᒐᕙᒪᒃᑯᑦ ᐊᕕᒃᑐᖅᓯᒪᔪᓕᒫᖅ ᐱᓯᒪᓂᐊᖅᑐᑦ ᐊᖏᒡᓕᒋᐊᖅᖢᓂ ᓴᓗᒻᒪᖅᓴᐃᓂᖅ ᑕᒪᐃᓐᓂ ᕿᑭᖅᑕᓂ ᓄᓇᖏᓐᓄᑦ.

ᑎᑭᓯᒃᑲᓐᓂᕈᒪᒍᔅᓯ:

ᓴᕕᕋᔭᖕᓂᒃ ᓯᖓᖅᑎᕆᓂᖅ ᓄᓇᕗᒻᒥ
ᓄᓇᓕᖕᓄᑦ ᐃᓕᓐᓂᐊᕈᑎ ᖃᓄᖅ ᑲᓕᑦᑎᓂᖅ ᑐᖁᓐᓇᖅᑐᓖᑦ ᖄᕈᓐᓇᖅᑐᑦ ᐱᖁᑎᑦ
ᐋᔩᖃᑎᒌᒍᑕᐅᓯᒪᔪᖅ ᐊᖕᖏᖅᑕᐅᓯᒪᔪᖅ ᐊᑐᖅᑕᐅᔪᓐᓇᖅᑐᖅ

Related Projects