NCC ᑮᓇᐅᔭᓕᐅᕋᓱᐊᕐᓂᕐᒧᑦ ᑲᑐᔾᔨᖃᑎᒌᑦ ᐱᓕᕆᐊᖏᑦ ᐃᓚᖃᖅᐳᑦ ᐃᒡᓗᓂᒃ ᐊᑐᖅᑐᐊᖅᑎᑦᑎᓂᕐᒥᒃ, ᐱᖁᑎᓂᒃ ᐊᐅᓚᑦᑎᓂᕐᒥᒃ, ᐃᒡᓗᓂᒃ ᐱᕙᓪᓕᐊᑎᑦᑎᓂᕐᒥᒃ ᐊᒻᒪ ᓴᓇᓂᕐᒥᒃ. ᐊᐅᓚᓂᖃᓲᖑᔪᒍᑦ ᓄᓇᕘᓕᒫᒥ. NCC-ᑯᑦ ᖃᐅᔨᒪᓂᖃᑦᑎᐊᖅᑐᑦ ᑭᒃᑯᑐᐃᓐᓇᕐᓄᑦ ᓇᖕᒥᓂᖃᖅᑐᓄᑦ ᑲᑐᔾᔨᖃᑎᒌᖕᓂᕐᒥᒃ, ᐱᓕᕆᐊᒃᓴᓂᒃ ᐊᐅᓚᑦᑎᓂᕐᒥᒃ ᐊᒻᒪ ᐱᓕᕆᐊᒃᓴᓂᒃ ᑮᓇᐅᔭᖃᖅᑎᑦᑎᓂᕐᒥᒃ. ᓇᒻᒥᓂᖁᑎᒋᔭᐅᔪᑦ NCC Investment Group Inc.-ᑯᓐᓂ ᓇᒻᒥᓂᖁᑎᒋᔭᐅᔪᑦ ᑎᓴᒪᓄᑦ ᐃᓄᐃᑦ ᑭᖑᕚᕇᑦ ᑯᐊᐳᕇᓴᖏᓐᓄᑦ ᓄᓇᕗᒻᒥ: ᓄᓇᓯ ᑯᐊᐳᕇᓴᓐ, ᕿᑎᕐᒥᐅᑦ ᑯᐊᐳᕇᓴᓐ, ᓴᒃᑯ ᑮᓇᐅᔭᓕᐅᕋᓱᐊᕐᓂᕐᒧᑦ ᑯᐊᐳᕇᓴᓐ ᐊᒻᒪ ᕿᑭᖅᑖᓗᒃ ᑯᐊᐳᕇᓴᓐ.
