ᐃᓕᓐᓂᐊᖅᑐᓄᑦ ᐃᑲᔫᑏᑦ

ᕿᑭᖅᑖᓗᒃ ᑯᐊᐳᕇᓴᓐ ᑲᒻᐸᓂᖁᑎᖏᓪᓗ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᓂᒃ ᑐᒃᓯᕋᐅᑏᑦ

ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑏᑦ ᐋᖅᑭᑦᓯᒪᔪᑦ ᐃᑲᔫᑎᒃᓴᐅᓪᓗᑎᒃ ᐃᓕᓐᓂᐊᖅᑎᓄᑦ ᐃᓕᓐᓂᐊᑲᓐᓂᕐᓂᖏᓐᓄᑦ ᐃᓕᓴᕆᔭᐅᔾᔪᑎᒻᒪᕆᑦᑖᕋᓱᐊᖅᑎᓪᓗᒋᑦ ᐅᕝᕙᓘᓐᓃᑦ ᓇᓗᓇᐃᒃᑯᑕᕐᓂᒃ ᐃᓕᓴᕆᔭᐅᔾᔪᑎᑖᕋᓱᐊᖅᑐᓄᑦ ᐃᓕᓐᓂᐊᓂᕐᒥᒍᑦ ᐃᓕᓴᕆᔭᐅᓯᒪᔪᓂ, ᐃᓕᓴᕆᔭᐅᓯᒪᔪᓂ ᐃᓕᓐᓂᐊᕕᖕᓂ ᑲᓇᑕᒥ. ᐱᔪᒐᕆᔭᐅᓂᕐᓴᐅᓂᐊᖅᑐᑦ ᐃᑲᔫᑎᑖᕈᓐᓇᖅᑐᑦ ᐃᓕᓐᓂᐊᖅᑏᑦ ᐃᓕᓐᓂᐊᖅᑐᑦ ᑮᓇᐅᔭᓕᕆᓂᕐᒥᒃ, ᑮᓇᐅᔭᓕᕆᔾᔪᑎᓕᕆᓂᕐᒥᒃ, ᐊᐅᓚᑦᓯᔨᐅᓂᕐᒥᒃ, ᓇᖕᒥᓂᖁᑎᓕᕆᓂᕐᒥᒃ, ᐃᓪᓗᓕᐅᕐᓂᕐᒥᒃ, ᓴᓇᔨᐅᓂᕐᒥᒃ, ᓂᐅᕕᕐᕕᓕᕆᓂᕐᒥᒃ, ᓇᖕᒥᓂᖃᕐᓂᕐᒥᒃ, ᐊᕙᑎᓕᕆᓂᕐᒥᒃ ᐅᕝᕙᓘᓐᓃᑦ ᐱᓕᕆᐊᒃᓴᓕᕆᓂᕐᒥᒃ. ᐊᖏᕈᑎᒋᓚᐅᕐᓗᒍ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᒃᓴᖅ, ᑐᓂᔭᐅᒋᐊᖃᕐᓂᐊᖅᑐᖅ ᐃᓕᓐᓄᑦ, ᐊᖏᕈᑎᑎᑦ ᒪᓕᑦᑕᐅᒋᐊᓖᑦ ᐋᖅᑭᑦᓯᒪᔾᔪᑏᓪᓗ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᓯᐊᕐᓂᕐᒧᑦ ᒪᓕᒐᑦᓴᑦ.

ᑎᑎᕋᕐᕕᒋᔭᐃᓐᓇᕆᒃᑭᑦ ᑐᒃᓯᕋᐅᒻᒥ ᑕᑕᑎᒐᑦᓴᑦ. ᐃᓱᓕᑉᕕᒃᓴᓕᒃ ᐃᑲᔪᖅᑕᐅᔪᒪᔾᔪᑎ ᐋᒋᓯ 14.

 

ᓘᑎ ᐸᓪᓗᖅ ᐃᓕᓐᓂᐊᖅᑐᓄᑦ ᑮᓇᐅᔭᒃᓴᖅ

ᐃᖃᐅᒪᔾᔪᑎᒋᓪᓗᒍ ᓘᑎ ᐸᓪᓗᖅ, ᕿᑭᖅᑖᓗᒃ ᑯᐊᐳᕆᓴᓐ ᓇᒻᒥᓂᖁᑎᖏᓪᓗ ᐋᕿᒃᓯᕗᑦ ᐃᓕᓐᓂᐊᖅᑐᓄᑦ ᑮᓇᐅᔭᒃᓴᓂᒃ ᓂᖅᑑᑎᖃᑦᑎᐊᓚᐅᕐᓂᖓᓄᑦ ᐊᒻᒪᓗ ᐃᑲᔪᖃᑦᑕᓚᐅᕐᓂᖓᓄᑦ. ᐅᓇ ᐱᔾᔪᑎᒋᓪᓗᒍ ᐃᓕᓐᓂᐊᖅᑐᑦ ᑮᓇᐅᔭᒃᓴᖏᓐᓄᑦ ᐃᑲᔫᑎᓂᐊᕐᒪᑕ ᐱᑎᑕᐅᔪᓐᓇᖅᑐᑦ ᐃᓕᓐᓂᐊᖅᑐᑦ ᐃᓱᒪᓕᐅᕆᔨᐅᓂᕐᒧᑦ ᓂᕈᐊᖅᑕᐅᓯᒪᔪᓕᕆᓂᕐᒥ, ᐃᖃᓗᓕᕆᓂᕐᒧᑦ ᐊᒻᒪᓗ ᐊᕙᑎᓕᕆᓂᕐᒧᑦ.

ᐊᑏ ᐱᔭᕇᑦᑎᐊᖅᓯᒪᓗᒋᑦ ᑕᒪᕐᒥᒃ ᑎᑎᕋᕐᕕᒋᔭᕆᐊᖃᖅᑕᑎᑦ ᐃᓗᐊᓂ ᐆᒃᑑᑎ, ᐅᓇ ᐃᓱᓕᕕᖃᖅᑐᖅ ᑐᓂᓯᔪᓐᓇᕐᕕᒃ ᐋᒍᓯ 14-ᒧᑦ.