ᓄᓇᕗᒥ ᐃᑦᑕᕐᓂᓴᖃᖅᕕᒃ, ᓂᔾᔭᐅᓯᔭᖅᕕᒃ ᐊᒻᒪᓗ ᑕᑯᕋᓐᓈᖅᑕᐅᕕᒃ

ᓄᓇᕗᑦ ᒐᕙᒪᖓ ᓇᓗᓇᐃᖅᓯᓯᒪᒻᒪᑦ ᐱᒻᒪᕆᐅᓂᖓᓂᒃ ᓴᓇᓂᐅᑉ ᐃᑦᑕᕐᓂᓴᖃᖅᕕᒃᓴᒥᒃ ᐃᓂᒋᔭᐅᒐᔭᖅᑐᒥᒃ ᓄᓇᕘᑉ ᐃᑦᑕᕐᓂᓴᖁᑎᖏᓐᓄᑦ ᐃᖃᓗᓐᓂ. ᑕᐃᒪᓕ ᑕᒪᑐᒪ ᐃᓪᓘᑉ ᓴᓇᔭᐅᒋᐊᖃᕐᓂᖓᑕ ᐱᒻᒪᕆᐅᓂᖓ ᐃᑲᔪᖅᓯᑕᐅᑦᑎᐊᖅᓯᒪᔫᒐᓗᐊᖅ, ᑭᓯᐊᓂᓕ ᖃᓄᖅ ᑮᓇᐅᔭᖃᖅᑎᑕᐅᓂᐊᕐᒪᖔᖅ ᓴᓇᔭᐅᔾᔪᑎᒃᓴᖏᓐᓄᑦ ᐊᐅᓚᑕᐅᔾᔪᑎᒃᓴᖏᓐᓄᓪᓗ ᓇᓗᓇᐃᖅᑕᐅᓯᒪᓐᖏᒻᒪᑦ ᑕᐃᒫᓪᓗ ᑖᓐᓇ ᐊᖏᔪᒃᓴᖅ ᐃᓪᓗ ᓯᕗᒧᐊᕆᐊᕈᓐᓇᖅᓯᒪᓐᖏᓚᖅ ᐊᑐᖅᑕᐅᔾᔮᓲᖅᑎᒍᑦ ᐊᑭᑐᔪᖅᑐᕈᑎᒃᓴᓂᒃ ᑳᓐᑐᕌᑦᑎᒃᓴᓂᓪᓗ ᕿᓂᕐᓂᐅᓲᒃᑯᑦ.

ᓄᓇᕗᒥ ᐃᓄᐃᑦ ᐱᕙᓪᓕᐊᔪᓕᕆᓂᕐᒧᑦ ᑯᐊᐳᕇᓴᖁᑎᖏᑦ, ᑲᑐᔾᔨᖃᑎᖃᕐᓗᑎᒃ ᐃᓄᐃᑦ ᐱᖁᑎᖏᓐᓂᑦ ᓇᐅᑦᓯᖅᑐᖅᑎᓂᒃ, ᐃᑲᔪᕈᓐᓇᕐᓂᖃᕐᒪᑎᒃ ᓄᓇᕗᑦ ᒐᕙᒪᖓᓂᑦ ᒫᓐᓇ ᐊᐅᓚᑦᑎᔾᔪᓯᐅᕙᑦᑐᑦ ᑕᑯᓐᓈᖅᑐᒋᑦ ᐊᒻᒪᓗ ᖃᐅᔨᓴᖅᓯᓈᕈᓐᓇᖅᑐᑎᒃ ᓄᑖᓂᒃ ᐃᓘᓐᓇᖏᓐᓂᑦ ᐊᑐᓕᖅᑎᑦᑎᒍᑎᒃᓴᐅᔪᓂᒃ ᑮᓇᐅᔭᓕᐅᕈᑎᒃᓴᐅᔪᓂᓪᓗ ᐊᑐᐃᓐᓇᐅᑐᐃᓐᓇᕆᐊᓕᓐᓂᒃ. ᐊᒻᒪᓗᑦᑕᐅᖅ ᓯᕗᓕᖅᑎᐅᔪᓐᓇᕐᒥᔪᒍᑦ ᐱᕙᓪᓕᐊᑎᑦᑎᓗᑕ ᑎᑎᕋᐅᔭᖅᑕᐅᓂᕆᒐᔭᖅᑕᖓᓂᑦ ᓯᕗᓪᓕᐹᖅᓯᐅᑎᒥᒃ, ᓇᑉᐸᖅᑕᐅᓂᖏᓐᓄᑦ, ᐊᒻᒪᓗ ᑭᓇᐅᔭᓂᒃ ᐱᕈᖅᑎᒐᓱᐊᖅᑕᑎᓐᓂᑦ ᐃᓕᐅᖅᑲᖅᑕᐅᒋᐊᓕᓐᓂᑦ ᐃᓕᐅᖅᑲᐃᔪᓐᓇᖅᑐᑕ ᓇᓗᓇᐃᖅᓯᔾᔪᑎᐅᓗᑎᒃ ᐊᓯᔾᔨᖅᑕᕈᓐᓇᖅᑐᒥᒃ ᑮᓇᐅᔭᖅᑎᒍᑦ ᐊᐅᓚᑦᑎᓂᕐᒥᒃ ᐃᑲᔪᕐᓂᖃᕋᔭᖅᑐᒥᒃ ᓄᓇᕗᑦ ᒐᕙᒪᖓᓂᑦ ᖃᐅᔨᓴᕆᐊᒃᑲᓂᖅᑎᓪᓗᒋᑦ ᑐᒃᓯᕌᖑᔪᒥᒃ ᐊᓯᐊᒍᖔᖅ ᓴᖅᑮᒐᓱᐊᕐᓂᐅᒍᒪᔪᓂᒃ.