ᐃᓄᓐᓄᑦ ᓇᒻᒥᓂᕆᔭᐅᔪᖅ ᓄᓇ

ᐱᕙᓪᓕᐊᑎᑦᑎᓂᖅ ᐃᓄᐃᑦ ᓄᓇᖁᑎᖓᓂᑦ ᓇᓗᓇᐃᒃᑯᑕᓕᒻᒥᒃ E-ᒥᑦ ᓴᓐᖏᓕᖅᑎᑦᑎᕚᓪᓕᖅᐳᖅ ᐃᓄᐃᑦ ᓄᓇᒧᑦ ᐱᔪᓐᓇᐅᑎᖏᓐᓂᑦ ᑕᒪᐅᓇ ᑲᔪᖏᖅᓴᐃᓂᒃᑯᑦ ᐊᑐᖅᑕᐅᖁᔨᓪᓗᑎᒃ ᖁᑦᑎᓂᖅᐹᕆᔭᖓᒍᑦ ᐱᐅᓂᖅᐹᒃᑯᓪᓗ ᓄᓇᒥᒃ ᐊᑐᕋᓱᓐᓂᕐᒥᒃ ᐱᓪᓗᒋᑦ ᐱᕙᓪᓕᐊᔪᓕᕆᓂᖅ, ᐊᕙᑎᒥᒃ ᐸᐸᑦᑎᔨᐅᓂᖅ ᐊᒻᒪᓗ ᐱᖅᑯᓯᕐᓂᒃ ᓴᖅᑭᔮᖅᑎᑦᑎᓂᖅ. ᐃᖃᓗᒻᒥᐅᑕᓕᒫᑦ ᐃᑲᔪᖅᑕᐅᓂᖃᕋᔭᖅᑐᑦ ᓴᖅᑭᖅᑕᐅᔪᖃᖅᐸᑦ ᓴᓐᖏᓈᖅᓯᒪᔪᒥᒃ ᐃᖃᓗᓐᓄᑦ ᐃᓯᕆᐊᖑᔪᒥᒃ ᑕᒪᐅᓇ ᐅᑭᕕᓕᐊᕆᐊᑉ ᐊᖅᑯᑎᖓᒍᑦ. ᐱᕙᓪᓕᐊᑎᑦᑎᓂᖅ ᑕᒫᓂ ᐃᓄᐃᑦ ᓄᓇᖁᑎᖏᓐᓂ ᖁᕕᐊᓱᒍᑎᖃᖅᑎᑦᑎᒐᔭᖅᑐᖅ ᓴᖅᑭᔮᖅᑎᑦᑎᓗᓂᓗ ᐃᓄᐃᑦ ᐱᖅᑯᓯᖏᑎᒍᑦ ᐃᑦᑕᕐᓂᓴᖁᑎᖏᓐᓂᑦ ᐊᒻᒪᓗ ᐃᓕᐅᖅᑲᐃᖃᑕᐅᓗᓂ ᓯᕗᓕᑐᖃᑦᑎᓐᓄᑦ ᒪᑭᒪᐅᑎᒃᓴᐅᓂᐊᖅᑐᓂᒃ, ᐃᓅᖃᑎᒌᓂᑯᓪᓗ ᐊᕙᑎᓕᕆᑦᑎᐊᓂᒃᑯᓪᓗ ᑲᔪᓰᓐᓇᖅᐸᑦ ᐃᖃᓗᐃᑦ ᓄᓇᓕᐸᐅᔭᖓ.

ᐃᓄᓐᓄᑦ ᓇᒻᒥᓂᕆᔭᐅᔪᖅ ᓄᓇ ᓇᓗᓇᐃᒃᑯᑕᓕᒃ E-ᒥᒃ (ᐃ) ᐱᐅᓗᖅᑯᑎᖃᕋᔭᖅᑐᖅ ᐃᓂᒋᒐᔭᖅᑕᖓᓂᑦ, ᓄᓇᒥ ᓴᐳᔾᔨᒍᑎᐅᒐᔭᕐᒪᑦ ᐱᒻᒪᕆᐅᔪᓂᒃ ᓴᖅᑭᔮᖅᑐᓂᒃ ᐊᒻᒪᓗ ᑲᔾᔮᓇᖅᑐᓂᒃ, ᐊᖏᓪᓕᒋᐊᕆᓗᓂ ᓄᓇᓕᓐᓂ ᓄᓇᖅᑎᒍᑦ ᑲᓲᒪᖃᑎᒌᓐᓂᐅᔪᓂᒃ, ᐊᒻᒪᓗ ᓴᐳᔾᔨᓗᓂ ᓄᓇᓂᒃ ᐃᓄᐃᑦ ᐱᖅᑯᓯᖏᓐᓂᑦ ᐊᑐᖅᕕᐅᔪᓐᓇᖅᑐᓂᒃ. ᑖᒃᑯᐊ ᓄᓇᖅᑲᑎᒌᑦ ᐃᓄᓐᓄᑦ ᓈᒻᒪᓈᖅᓯᒪᒐᓱᒃᑲᔭᖅᑐᑦ, ᐊᑦᑕᓇᓐᖏᑦᑐᓂᒃ ᐅᐸᒐᒃᓴᐅᑎᐊᖅᑐᓂᓪᓗ ᐊᓃᕋᔭᒃᕕᖃᕐᓗᓂ ᑲᓱᖅᑐᖅᓯᒪᔪᓄᑦ ᐱᓱᒃᕕᓄᑦ ᐊᖅᑯᑎᓄᑦ ᐊᒻᒪᓗ ᑕᒫᓂ ᐊᑐᕆᐊᕐᓄᑦ.

ᐱᕙᓪᓕᐊᑎᑦᑎᓂᖅ ᐃᓗᐊᓂ ᐃᓄᐃᑦ ᓄᓇᖁᑎᖓᓂ ᓇᓗᓇᐃᒃᑯᑕᓕᒻᒥ E−ᒥᒃ ᓴᖅᑭᔮᖅᑎᑦᑎᒐᔭᖅᐳᖅ ᐊᑐᖅᑕᐅᓚᐅᖅᓯᒪᓐᖏᑦᑐᓂᒃ ᓄᓇᓕᓕᐅᕈᓯᕐᓂᒃ ᐊᒻᒪᓗ ᒪᑭᒪᐃᓐᓇᕈᓐᓇᕆᐊᕐᓗᒍ ᑎᑎᕋᐅᔭᖅᑕᐅᓯᒪᔪᓂᒃ, ᑕᐃᒪᐃᑦᑐᓂᒃ ᓯᕗᓪᓕᐅᑎᑦᑎᔪᓂᒃ ᐱᕙᓪᓕᐊᑎᑕᐅᓂᖓᓂᒃ ᓄᓇᓕᓕᒫᑉ ᐃᓗᐃᑦᑑᓈᕐᓗᒍ ᑕᒪᐅᓇ ᑐᑭᒧᐊᑦᑎᑕᐅᔪᒃᑯᑦ ᓇᒻᒥᓂᖃᐅᑎᓕᓐᓄᑦ ᒐᕙᒪᒃᑯᓐᓄᓪᓗ ᑮᓇᐅᔭᖃᖅᑎᑕᐅᓗᓂ. ᑕᐃᒫᓪᓕ ᓄᓇᖅᑲᑎᒌᓕᕐᓗᑎᒃ ᐃᖃᓗᐃᑦ ᐃᓗᐊᓂ, ᐃᓄᐃᑦ ᓇᒻᒥᓂᕆᔭᖓ ᓄᓇ ᓇᓗᓇᐃᒃᑯᑕᓕᒃ E-ᒥᑦ ᐊᑐᐃᓐᓇᐅᑎᑦᑎᒐᔭᕐᒪᑦ ᐊᔾᔨᒌᓐᖏᑦᑐᓂᒃ ᐊᖏᕐᕋᓕᐊᖑᔪᓐᓇᖅᑐᓂᒃ, ᑮᓇᐅᔭᓕᐅᕐᓕᐅᔪᓐᓇᖅᑐᓂᒃ ᐊᒻᒪᓗ ᐃᓄᐃᑦ ᐱᖅᑯᓯᖏᓐᓂᑦ ᐊᑐᖅᑐᓂᒃ ᑕᑯᕕᒃᓴᐅᓗᓂ.