ᐃᒪᐅᑉ ᐊᐅᓚᓂᖓᓂᒃ ᐊᒻᒪᓗ ᐆᒻᒪᖅᑯᑎᓂᒃ ᖃᐅᔨᓴᕐᓂᖅ

ᕿᑭᖅᑖᓗᒃ ᑯᐊᐳᕇᓴᓐ ᐱᓕᕆᑎᑦᑎᓚᐅᖅᑐᑦ ᕼᐃᑐᕈᓯᔅ ᖃᐅᔨᓴᖅᑎᓂᒃ ᖃᐅᔨᓴᕆᐊᓐᖓᖁᔨᓪᓗᑎᒃ, ᒪᑭᒪᔪᓐᓇᕋᔭᕐᒪᖔᖅ ᖃᐅᔨᓴᖅᑕᐅᓚᐅᓐᖏᓐᓂᖓᓂ ᐸᓐᓂᖅᑑᒥ ᓄᓇᕗᒥ ᑰᖓ ᐆᒻᒪᖅᑯᑎᓕᐅᕈᑎᒃᓴᐅᒻᒪᖔᖅ. ᑖᓐᓇ ᖃᐅᓯᓴᕆᐊᓐᖓᕐᓂᐅᔪᖅ ᑮᓇᐅᔭᖃᖅᑎᑕᐅᓚᐅᖅᑐᖅ 2015-2016 ᐅᖅᓱᐊᓘᓐᖏᑦᑐᓂᒃ ᐆᒻᒪᖅᑯᑎᓕᕆᓂᕐᒥᒃ ᓄᓇᖃᖅᑳᖅᓯᒪᔪᓄᑦ ᐊᒻᒪᓗ ᐅᑭᐅᖅᑕᖅᑐᒥ ᓄᓇᓕᓐᓄᑦ ᐱᓕᕆᓂᐅᔪᒧᑦ. ᑖᓐᓇ ᖃᐅᔨᓴᕆᐊᓐᖓᖅᑐᑦ ᐅᓂᒃᑳᓕᐊᒥᓂᖓᑦ ᓴᖅᑮᔪᖅ ᓇᓗᓇᐃᖅᑐᐃᓪᓗᓂᓗ ᒪᕐᕉᓐᓂᒃ ᓴᓇᔭᐅᔪᓐᓇᑑᓐᓂᒃ. ᑕᒪᒃᑮᒃ ᓴᓇᔭᐅᔪᓐᓇᖅᑑᒃ 2 ᒪᒐᕚᑦᓂᒃ (ᐆᒻᒪᖅᑯᑎᐅᑉ ᓴᓐᖏᓂᖓ) ᓴᓇᔪᓐᓇᕋᔭᖅᑑᒃ, ᑕᒪᓐᓇᓗ ᓈᒻᒪᒃᑲᔭᖅᑐᓂ ᐊᐅᔭᒃᑯᑦ ᐸᓐᓂᖅᑑᒥ ᐆᒻᒪᖅᑯᑎᓄᑦ ᐊᑐᖅᑕᐅᖃᑦᑕᓂᐊᖅᑐᓄᑦ ᐊᕐᕌᒍᓄᑦ 40−ᓂᒃ 50−ᓄᑦ ᓯᕗᓂᑦᑎᓐᓄᑦ. ᐸᓐᓂᖅᑑᑉ ᑰᖓ ᑰᓲᖅ ᐊᐅᔭᐃᓐᓇᒃᑯᑦ ᔫᓂ ᐱᒋᐊᓐᖓᕐᓂᖓᓂᑦ, ᓰᑏᕝᕙ ᓄᓐᖑᐊᓄᑦ. ᑕᒪᒃᑮᑦ ᓴᓇᔭᐅᔪᓐᓇᖅᑑᒃ ᑕᕝᕙᓂᒃᓴᐃᓐᓇᖅ ᓄᓇᒥ ᐆᒻᒪᖅᑯᑎᓕᕆᕕᖃᕋᔭᖅᑑᒃ, ᑭᓯᐊᓂᓕ ᑕᕝᕙᓂᒃᓴᐃᓇᐅᓐᖏᑦᑐᖅ ᐃᒥᕐᒧᑦ ᐃᓵᕕᖃᕋᔭᖅᑑᒃ ᐃᒥᕐᒧᑦ (ᐊᔾᔨᒌᓐᖏᑦᑑᒃ ᐃᒪᕐᒧᑦ ᒥᓱᒃᓯᒪᓂᖏᒃ ᐊᒻᒪᓗ ᓱᓪᓗᓕᖓ ᐃᒫᓅᖓᔫᑉ ᑕᑭᓂᖓ).