ᕿᑭᖅᑖᓗᖕᒥ ᓱᓇᒃᑯᑖᖃᖅᑎᑦᓯᔩᑦ ᑎᒥᖓᑦ ᑐᓴᕐᑎᑦᓯᔪᒪᕗᑦ ᓂᕈᐊᕐᑕᐅᒻᒪᑕ ᓴᓗᒻᒪᕐᓴᐃᓂᖕᒥᑦ ᓈᓚᕝᕕᒥᓂᖕᒥᑦ ᐃᒃᑕᔭᕋᓕᖕᒥ

Date: 
06 ᔪᓚᐃ 2011

ᐃᖃᓗᐃᑦ, ᓄᓇᕗᑦ – 4:30 ᐅᓐᓄᓴᑯᑦ ᐱᖓᑦᓯ ᔪᓚᐃ 6, 2011

ᕿᑭᖅᑖᓗᖕᒥ ᓱᓇᒃᑯᑖᖃᖅᑎᑦᓯᔩᑦ ᑎᒥᖓᑦ (ᕿᑭᖅᑖᓗᖕᒥ ᓱᓇᒃᑯᑖᖃᖅᑎᑦᓯᔩᑦ) ᐅᐱᒍᓱᒃᐳᑦ ᑐᓴᖅᑎᑦᓯᔭᕆᐊᑦᓴᖅ 14ᖑᑎᓪᓗᒍ, ᔫᓂ 2011ᒥ ᑲᓇᑕᐅᒻ ᐅᓇᑕᖅᑐᑦᓴᓕᕆᔨᖏᑕ ᓴᓇᔨᒃᑯᖏᑦ ᑐᓂᓯᓚᐅᕐᖓᑕ ᑳᓐᑐᓛᒥᒃ ᕿᑭᖅᑖᓗᖕᒥ ᓱᓇᒃᑯᑖᖃᖅᑎᑦᓯᔩᑦ ᑎᒥᖓᓐᓄᑦ ᓈᓚᕝᕕᒥᓂᖅ (DYE-Main) ᐃᒃᑕᔭᕋᓕᖕᒥ ᓴᓗᒻᒪᖅᓴᖅᑕᐅᖁᓪᓗᒍ.

DYE-M ᐃᒃᑕᔭᕋᓕᒃ ᓈᓚᕝᕕᓪᓚᕆᐅᓚᐅᕐᖓᑦ ᐅᓇᑕᕐᓂᖏᓐᓂ 1950ᖏᓐᓂ. ᓈᓚᕝᕕᒃ ᐊᑐᖅᑕᐅᔪᓐᓃᓚᐅᕐᓯᒪᔪᖅ 1989ᖑᑎᓪᓗᒍ ᐃᓚᓕᐅᑎᓯᒪᑐᐃᓐᓇᓕᕐᑐᓂ ᐅᑭᐅᖅᑕᖅᑐᒥ ᖃᓄᐃᓕᔪᖃᑳᓪᓚᒃᐸᑦ ᖃᐅᔨᒃᑲᖅᓵᕆᔩᑦ ᓈᓚᒃᑎᒋᓕᕐᑕᖏᓐᓄᑦ. ᐃᒃᑕᔭᕋᓕᒃ ᓴᓗᒻᒪᖅᓴᕐᑕᐅᒋᐊᕐᓂᐊᖅᑐᖅ 2011ᒥ ᐱᔭᕇᕐᑕᐅᔪᒃᓴᐅᑎᖃᕐᑐᓂᓗ 2013ᖑᓕᕐᐸᑦ ᕿᑭᖅᑖᓗᖕᒥ ᓱᓇᒃᑯᑖᖃᖅᑎᑦᓯᔩᑦ ᑎᒥᖓᓐᓄᑦ .
ᕿᑭᖅᑖᓗᖕᒥ ᓱᓇᒃᑯᑖᖃᖅᑎᑦᓯᔩᑦ ᑎᒥᖓᑦ ᖁᕕᐊᓱᒃᑐᑎᒃ ᑐᓴᖅᑎᑦᓯᔪᒪᒋᕗᑦ ᐅᔾᔨᕐᓇᕐᖓᑦ
ᓯᕗᓪᓕᖅᐹᑦᓯᐊᒥᒃ ᑕᒪᒃᑭᑦᓯᐊᕐᑐᒍ ᐃᓄᓐᓄᑦ ᓇᖕᒥᓂᖁᑕᐅᔪᖅ ᑯᐊᐳᓖᓴᑦ ᑎᒍᓯᔪᓐᓇᕐᖓᑕ
ᓴᓗᒻᒪᖅᓴᐃᓂᖕᒧᑦ ᐱᔭᒃᓴᕐᔪᐊᕌᓗᖕᒥᑦ ᑳᓐᑐᓛᕐᑎᐅᓪᓚᒃᑖᕐᓗᑎᒃ ᑲᓇᑕᐅᑉ ᐅᓇᑕᖅᑐᑦᓴᓕᕆᔨᖏᑕ
ᓴᓇᔨᒃᑯᖏᓐᓄᑦ. ᑲᔪᓯᑦᓯᐊᓚᕿᓚᐅᕐᑐᑦ ᕿᑭᖅᑖᓗᖕᒥ ᓱᓇᒃᑯᑖᖃᖅᑎᑦᓯᔩᑦ ᓇᓪᓕᐅᒃᑯᒫᖃᕆᐊᖃᕐᓂᖏᓐᓂᒃ
ᓇᓪᓕᐅᒃᑯᒫᕐᑖᕈᓐᓇᐅᑎᑖᕐᖓᑕ ᑕᐃᒪᓐᓇᑎᒋ ᐊᖏᑎᒋᔪᒥᒃ ᓴᓗᒻᒪᖅᓴᐃᔪᖃᕐᓂᐊᑎᓪᓗᒍ.

ᒥᔅᑕ. ᐸᓛᕼᐅᑎ - ᐊᖏᔪᖅᑳᖅ ᐅᖃᓚᐅᕐᑐᖅ “ᕿᑭᖅᑖᓗᖕᒥ ᓱᓇᒃᑯᑖᖃᖅᑎᑦᓯᔩᑦ ᐅᐸᓗᖓᐃᕐᓯᒪᔪᑦ
ᐃᖅᑲᓇᐃᔭᕐᑎᖃᕐᓂᐊᕆᐊᑦᓴᖅ ᐃᒻᒪᖃ 100 ᖃᓂᒋᔮᓂ ᓴᓗᒻᒪᖅᓴᐃᓕᖅᐸᑕ ᓄᓇᖓᓂ. ᐃᖅᑲᓇᐃᔮᑦᓴᑦ
ᒪᑯᐊ ᐅᖁᒪᐃᑦᑑᑎᓂᒃ ᐊᖁᑏᑦ, ᐊᖏᔪᖅᑳᑦᓴᑦ, ᑕᒻᒫᕐᕕᒥᓗ ᐊᐅᓚᑦᓯᔩᑦ”. ᓄᓇᓖᑦ ᖃᓂᒋᔮᓃᓐᓂᖅᐹᑦ
ᓴᓗᒻᒪᖅᓴᕐᑕᐅᔪᒥ ᕿᑭᖅᑕᕐᔪᐊᖅ, ᐸᓐᓂᖅᑐᖅ ᑲᖏᖅᑐᒑᐱᓪᓗ.

ᐃᖅᑲᓇᐃᔮᒃᓴᓕᐅᕐᓂᖅ ᐱᓕᒻᒪᑦᓴᐃᓂᕐᓗ ᓯᕗᓪᓕᖅᐹᕆᔭᐅᓪᓚᕆᒻᒪᑕ ᕿᑭᖅᑖᓗᖕᒥ
ᓱᓇᒃᑯᑖᖃᖅᑎᑦᓯᔨᒃᑯᓐᓄᑦ ᑎᓕᔭᐅᔾᔪᑎᒋᓯᒪᔭᖏᓐᓄᓪᓗ ᐃᓚᒋᔭᐅᓪᓚᒃᑖᕐᑐᓂ. ᒥᔅᑕ. ᐸᓛᕼᐅᑎ ᐃᓚᓯᓪᓗᓂ
ᑕᐃᒫᖕ ᕿᑭᖅᑖᓗᖕᒥ ᓱᓇᒃᑯᑖᖃᖅᑎᑦᓯᔩᑦ ᐸᕐᓇᐅᑎᒃᑯᑦ ᐅᐸᓗᖓᐃᔭᕐᓯᒪᔪᑦ ᐱᓕᒻᒪᒃᓴᐃᓂᐊᕆᐊᑦᓴᖅ
ᐅᑯᓇᓂ ᐃᖅᑲᓇᐃᔮᑦᓴᓂ, ᓂᖅᑎᐅᖅᑎᑦ ᐊᒻᒪ ᑰᖃᕐᕕᐅᑉ ᐊᖏᔪᖅᑳᖏᑦ, ᐅᖁᒪᐃᑦᑑᑎᓂᒃ ᐊᖁᑏᑦ,
ᓱᕈᕐᓇᕐᑐᕈᔪᓕᓐᓂᑦ (HAZMAT/Asbestos/PAP) ᐅᓗᕆᐊᓇᕐᑐᓕᕆᒻᒪᑦᑐᓂᒃ ᓴᓗᒻᒪᕐᓴᐃᔨᑦ, ᐅᓯᑲᖅᑕᖅᑏᑦ
ᐅᓗᕆᐊᓇᕐᑐᓂᒃ ᐃᖏᕐᕋᔭᕆᐊᓕᓐᓂᒃ, ᐃᖅᑲᓇᐃᔭᕐᕕᒻᒥ ᐅᓗᕆᐊᓇᕐᑐᓂᒃ ᐃᖅᑲᓇᐃᔮᓕᓐᓄᑦ
ᖃᐅᔨᒪᔭᐅᒋᐊᓕᓐᓂᒃ ᑐᓴᐅᒪᑎᑦᓯᔩᑦ, ᐋᓐᓂᖅᑐᓕᕆᓂᖕᒥᓪᓗ ᐃᓕᓐᓂᐊᕐᑎᑦᓯᓂᖅ.

“ᑖᓐᓇ ᑳᓐᑐᓛᕐᑖᕗᑦ ᐊᒃᓱᖏᕐᑐᒍ ᑲᓇᑕᐅᑉ ᐅᓇᑕᖅᑐᑦᓴᓕᕆᔨᒃᑯᖏᓐᓂᒃ ᓇᓗᓇᐃᕈᑕᐅᒻᒪᑦ ᑕᐃᒪᓐᖓᑦ
ᓄᓇᕗᒥ ᐊᓯᖏᓐᓂᖕ ᓴᓗᒻᒪᖅᓴᐃᖃᑦᑕᓚᐅᕐᑐᑕ ᐊᔪᕈᓐᓃᕐᓯᒪᓂᑦᑎᓐᓂᒃ ᑲᒻᐸᓂᕗᑦ
ᓇᓪᓕᐅᒃᑯᒫᕐᑖᕈᓐᓇᓚᕿᓯᒪᕗᑦ ᐊᒻᒪ ᑲᓇᑕᐅᑉ ᐅᓇᑕᖅᑐᑦᓴᓕᕆᔨᖏᑦ ᓇᓗᖅᑯᑎᔪᓐᓃᕋᒥᒃ ᐱᔪᓐᓇᓂᑦᑎᓐᓂᒃ
ᑐᓐᓂᓯᔪᓐᓇᕐᓯᓪᓗᑎᒃ ᑕᒪᒃᑭᕐᑐᒍ ᐃᓄᓐᓄᑦ ᓇᖕᒥᓂᕆᔭᐅᔪᑦ ᑎᒥᖁᑎᖓᓐᓄᑦ. ᓂᕆᐅᑦᓯᐊᕐᑐᒍ
ᐊᒃᓱᕈᓐᓇᕋᓗᐊᕐᓗᓂ ᐊᓕᐊᓇᐃᒋᔪᒥᓇᕐᖓᑦ ᐃᒃᑕᔭᕋᓕᒃ ᓴᓗᒻᒪᕐᓂᐊᕋᑦᑎᒍ ᑕᕝᕙᑦᓴᐃᓐᓇᕐᓗ ᑲᓇᑕᐅᑉ
ᐅᓇᑕᖅᑐᑦᓴᓕᕆᔨᒃᑯᖏᓐᓂᑦ ᐃᖅᑲᓇᐃᔭᖃᑎᖃᕈᓐᓇᕋᑦᑕ ᑲᔪᓯᑦᓯᐊᕐᓗᓂ ᐱᔭᕇᕐᑕᐅᖁᓪᓗᒍ
ᑳᓐᑐᓛᖃᐅᑎᕗᑦ, ᒥᔅᑕ. ᐸᓛᕼᐅᑎ ᐅᖃᒃᑲᓐᓂᓚᐅᕐᑐᖅ”.

ᑐᑭᓯᒋᐊᒃᑲᓐᓂᕈᒪᒍᕕᑦ ᖃᐅᔨᒋᐊᕐᕕᒋᔪᓐᓇᕐᑕᐃᑦ ᒥᔅᑕ. ᕼᐋᓕ ᐸᓛᕼᐅᑎ ᐅᕗᖓ 867-979-8400
ᐅᕝᕙᓘᓐᓃᑦ ᖃᕆᓴᐅᔭᒃᑯᑦ ᑎᑎᕋᕐᕕᒋᓗᒍ ᐅᕗᖓ hflaherty@qcorp.ca

ᕿᑭᖅᑖᓗᖕᒥ ᓱᓇᒃᑯᑖᖃᖅᑎᑦᓯᔩᑦ ᑎᒥᖓᑦ ᑭᒃᑰᒻᒪᖔᑕ:

ᕿᑭᖅᑖᓗᖕᒥ ᓱᓇᒃᑯᑖᖃᖅᑎᑦᓯᔩᑦ ᑎᒥᖓᑦ ᑲᒻᐸᓂᖁᑎᒋᔭᐅᔪᖅ ᕿᑭᖅᑖᓗᒃ ᑯᐊᐳᓖᓴᒃᑯᓐᓄᑦ (QC),
ᑕᒪᒃᑭᕐᑐᒍ ᐃᓄᓐᓄᑦ ᓇᖕᒥᓂᐅᓪᓗᓂ ᓄᓇᑖᕈᑎᒃᑯᑦ ᑭᖑᕚᖑᓂᖏᓐᓄᑦ ᑯᐊᐳᓖᓴᕆᔭᖅ ᕿᑭᖅᑖᓗᖕᒥᐅᓄᑦ
ᓄᓇᕗᒥ. ᕿᑭᖅᑖᓗᒃ ᑯᐊᐳᓖᓴᑦ ᐱᓐᖑᕐᑎᑕᐅᓚᐅᖅᓯᒪᔪᖅ 1983ᖑᑎᓪᓗᒍ ᐊᐅᓚᑦᑎᔨᐅᖁᓪᓗᒋᑦ
ᑮᓇᐅᔭᓕᐅᕋᓱᒃᑎᐅᓂᖕᒥᑦ ᐱᕙᓪᓕᐊᔾᔪᑎᑦᓴᓂᒃ ᑭᒡᒐᕐᑐᐃᓗᑎᒃ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ
(QIA). ᕿᑭᖅᑖᓗᖕᒥ ᓱᓇᒃᑯᑖᖃᖅᑎᑦᓯᔩᑦ ᓴᓐᖏᓂᖃᖅᐳᑦ ᑐᓐᖓᕕᒥᓂᒃ ᕿᑭᖅᑖᓗᒃ ᑯᐊᐳᓖᓴᒃᑯᑎᒍ
ᐊᑐᖅᑕᐅᖃᑦᑕᓕᓂᐅᔪᓂᒃ ᓴᓇᔾᔪᑎᑦᓴᑦ ᐃᖅᑲᓇᐃᔭᕐᑎᑦᓴᐃᓪᓗ ᐊᖑᒻᒪᑎᔪᓐᓇᕐᑐᑎᒍ ᐱᔭᕇᕆᐊᓕᕗᑦ
ᖃᓄᑎᒋᑐᐃᓐᓇᑦᓯᐊᖅ ᐊᖏᑎᒋᔫᒐᓗᐊᕐᐸᑦ ᐱᔭᒃᓴᖅ.

ᕿᑭᖅᑖᓗᖕᒥ ᓱᓇᒃᑯᑖᖃᖅᑎᑦᓯᔩᑦ ᑎᒥᖓᑦ (ᕿᑭᖅᑖᓗᖕᒥ ᓱᓇᒃᑯᑖᖃᖅᑎᑦᓯᔩᑦ) ᐃᓄᓐᓄᑦ ᓇᖕᒥᓂᕆᔭᐅᔪᖅ
ᐱᑦᑎᐊᓛᖑᓇᓱᐊᕐᓗᑎᒃ ᐱᔨᒃᓯᕋᕐᑎᐅᔪᑦ ᓱᓇᒃᑯᑖᖃᕐᑎᑦᓯᔨᐅᓪᓗᑎᒃ ᐅᔭᕋᓐᓂᐊᕐᑎᓄᑦ, ᒑᓯᓯᐅᕐᑐᓄᑦ
ᐅᖅᓱᐊᓗᓐᓂᐊᕐᑎᓄᓪᓗ, ᐊᕙᑎᓕᕆᓂᖕᒥᑦ ᐃᓪᓗᓕᐅᕐᑏᓪᓗ ᓴᓇᔭᒃᓴᖏᓐᓂ, ᐊᓯᖏᓐᓂᓗ ᓴᓇᔨᕐᔪᐊᑦ
ᐱᓇᓱᐊᖅᐸᑦᑕᖏᓐᓂ. ᖃᐅᔨᒪᓕᕐᑕᕗᑦ ᐃᓕᑉᐸᓪᓕᐊᓂᒃᑯᑦ ᑐᑭᓯᕙᓪᓕᐊᔭᕗᓪᓗ ᐊᐳᖅᑕᕈᑕᐅᕙᑦᑐᑦ
ᑲᔪᓯᑦᓯᐊᒃᑲᓐᓂᕈᒥᓇᕐᐸᑦᑐᑦ ᐅᑭᐅᖅᑕᖅᑐᒥ ᑕᑯᓐᓇᕐᑐᒋᑦ ᖃᓄᐃᓕᐅᕋᓱᐊᕐᑎᓪᓗᑕ ᑲᔪᓯᒃᑲᓐᓂᕈᑎᒋᕙᑦᑕᕗᑦ
ᓇᓗᓇᕈᓐᓃᕐᑐᖅ.

ᕿᑭᖅᑖᓗᖕᒥ ᓱᓇᒃᑯᑖᖃᖅᑎᑦᓯᔩᑦ ᐱᓂᐊᕐᓂᖃᕐᖓᑕ ᐱᕙᓪᓕᐊᑎᑦᓯᓂᖕᒥᑦ ᐊᓐᓇᐅᒪᔾᔪᑎᑦᓴᑦ ᑮᓇᐅᔭᑎᒍᑦ
ᒪᑭᑉᐸᓪᓕᐊᖁᓪᓗᒋᑦ ᓄᓇᕗᒥ ᖃᐅᔨᒪᔭᑦᑎᓐᓂᒃ ᐊᔪᕈᕐᓃᕐᓯᒪᓂᕗᑦ ᐱᔨᒃᓯᕈᑎᒋᓗᒍ ᐱᔨᒃᓯᐸᑦᑕᑎᓐᓄᑦ
ᑕᕝᕙᑦᓴᐃᓐᓇᕐᓗ ᐃᖅᑲᓇᐃᔮᖑᑦᓲᔭᕈᓐᓇᕐᑐᓂᒃ ᐊᑐᐃᓐᓇᐅᑎᑦᓯᓪᓗᑕ ᐱᓕᒻᒪᑦᓴᐅᑎᑦᓴᖏᓪᓗ ᐃᓄᐃᑦ
ᐃᖅᑲᓇᐃᔭᕐᑎᑦᑕ ᐊᑐᐃᓐᓇᐅᑎᑦᐸᑦᑐᑎᒍ ᐃᓕᓐᓂᐊᕈᒪᔪᓄᑦ.