ᕿᑭᖅᑖᓗᒃ ᑯᐊᐳᕇᓴᒃᑯᑦ ᑐᓴᖅᑎᑦᓯᒍᑎᖓ ᑕᐃᒎᓯᓖᑦ ᐃᓕᓐᓂᐊᖅᑏᑦ ᑐᕙᖕᒥ ᐃᓕᓐᓂᐊᖅᑐᓄᑦ ᐃᑲᔫᑎᒃᓴᑕᖅᑎᑦᓯᒍᑎᖓ

Date: 
29 ᓄᕕᐱᕆ 2013

ᔭᓐᓄᐊᓕ 13, 2014

ᕿᑭᖅᑖᓗᒃ ᑯᐊᐳᕇᓴᒃᑯᑦ (QC) ᑲᑎᒪᔨᖏᑦ ᖁᕕᐊᓱᑦᑐᑦ ᑐᓴᖅᑎᑦᓯᔭᕆᐊᒃᓴᑦ ᐃᑲᔪᕐᓯᓂᕐᒥᓂᒃ ᑕᐃᔭᐅᔪᑦ ᐃᓕᓐᓂᐊᖅᑏᑦ ᑐᕙᖕᒥ ᓄᒃᑕᖃᑦᑕᖅᑐᑦ ᐃᓕᓐᓂᐊᖅᑐᓂᒃ ᐃᑲᔫᑎᖃᕐᓂᕐᒥᓂᒃ $32,500.00 ᐊᑕᐅᓯᕐᒧᑦ ᐊᑕᐅᓯᐅᓐᖏᑦᑐᒧᓪᓘᓐᓃᑦ ᐃᓕᓐᓂᐊᖅᑐᒧᑦ ᐃᑲᔫᓯᐊᒃᓴᒥᒃ ᐅᑭᐅᖅᑕᖅᑐᒥ ᒪᒃᑯᑦᑐᑦ ᓄᒃᑕᕐᓂᖏᓐᓂᒃ ᐱᖓᓱᓄᑦ ᐊᕐᕌᒍᓄᑦ 2013-2015.

ᐃᓕᓐᓂᐊᖅᑏᑦ ᑐᕙᖕᒥ ᐅᑭᐅᖅᑕᖅᑐᒥᒃ ᐃᓕᓐᓂᐊᕐᓂᖓᑕ ᑐᓐᖓᕕᖓ ᑐᓐᓂᖅᑯᓯᐊᕐᓯᒪᔪᖅ ᐃᓕᓴᕆᔭᐅᓯᒪᔾᔪᑎᒥᒃ ᑲᑐᔾᔨᖃᑎᒌᖓ ᑐᓂᓯᒪᓂᕐᒧᑦ ᒪᒃᑯᑦᑐᓄᑦ ᑲᓇᑕᓕᒫᒥ ᓯᓚᕐᔪᐊᒥᓗ ᓲᖑᔪᒥᒃ ᐃᓕᓐᓂᐊᕈᑕᐅᕙᑦᑐᒥᒃ ᑕᒪᒃᑮᓐᓂ ᐅᑭᐅᖅᑕᖅᑐᖏᓐᓂ ᓄᓇᕐᔪᐊᑉ. ᑲᑐᔾᔨᖃᑎᒌᑦ ᑐᓂᓯᒪᑦᓯᐊᖅᑐᑦ ᐱᕚᓪᓕᕈᑎᒃᓴᓂᒃ ᐅᑭᐅᖅᑕᖅᑐᒥ ᐃᓕᓐᓂᐊᓂᕐᒥᒃ, ᒥᐊᓂᕐᓯᓯᐊᕐᓂᕐᒥᒃ, ᖃᓪᓗᓈᑦ ᖃᐅᔨᓴᕈᓯᖏᓐᓂᒃ, ᐊᕙᑎᒨᖓᔪᓂᒃ ᐊᒻᒪᓗ ᖃᐅᔨᒪᓂᐅᔪᓂᒃ ᐅᑭᐅᖅᑕᖅᑑᓐᓂᒃ ᓯᓚᕐᔪᐊᒥ. ᐱᓇᓱᐊᕐᓂᖏᑎᒍᑦ ᐃᓕᓐᓂᐊᖅᑏᑦ ᑐᕙᖕᒥ ᐱᖕᒪᕆᐅᒍᑎᓖᑦ ᒪᑐᐃᕈᑕᐅᕙᖕᒪᑦ ᐃᑳᕈᑎᓕᐊᖑᓯᒪᓂᖓᓄᑦ ᐊᒻᒪᓗ ᐊᖅᑯᑕᐅᓪᓗᓂ ᖃᐅᔨᒪᔭᐅᔾᔪᑎᒃᓴᖏᓐᓄᑦ ᐅᑭᐅᖅᑕᖅᑐᒧᑦ ᐊᒻᒪᓗ ᐊᕙᑎᒨᖓᔪᓄᑦ.

ᐊᕐᕌᒍᑦᑎᓐᓂ ᐃᓕᓐᓂᐊᖅᑐᒧᑦ ᐃᑲᔫᓯᐊᒃᓴᒥᒃ ᑐᓐᓂᖅᑯᓯᐊᓚᐅᖅᑐᖅ ᕉᓴᓕ ᐅᖃᓪᓚᒃ ᐃᑉᐱᐊᔪᒻᒥᐅᖅ. ᔨᐊᕝ ᒍᕇᓐ, ᓴᖅᑮᓯᒪᔪᖅ ᐊᒻᒪᓗ ᐊᐅᓚᑦᓯᔨᒻᒪᕆᐅᓪᓗᓂ ᓇᓗᓇᐃᕐᓯᔪᖅ ᖃᐅᔨᒪᓂᕆᔭᖓᓂᒃ ᐊᑐᕐᓯᒪᓂᕆᔭᒥᒍᑦ ᐊᕐᕌᒍᑦᑎᓐᓂ: “ᕉᓴᓕ ᖃᐅᔨᓇᓚᐅᖅᑐᖅ ᐊᔪᓐᖏᓐᓂᓕᕐᔪᐊᖑᓂᖓ ᐊᖅᑯᑎᒋᔭᐅᒍᓐᓇᕐᓂᖓᓄᑦ ᖃᐅᔨᒪᔭᐅᒍᑎᒃᓴᖏᓐᓄᑦ ᐅᑭᐅᖅᑕᖅᑑᒃ. ᐃᕿᐊᑦᑖᖓᐃᓐᓂᖓ ᐆᒻᒪᕆᑦᓯᐊᕐᓂᖓᒍᑦ ᐊᒻᒪᓗ ᐊᔪᓐᖏᓂᕐᒥᓂᒃ ᐊᑐᕆᐊᑦᓯᐊᖃᑦᑕᕐᓂᖓ ᐊᓯᖏᓐᓄᑦ ᑲᑦᓱᖓᐃᓕᕈᑕᐅᖃᑕᓚᐅᖅᑐᖅ, ᐊᒻᒪᓗ ᐱᓇᓱᐊᕐᓂᖓ ᖃᐅᔨᓇᓱᐊᖅᑐᓂ ᐊᑎᖏᓐᓂᒃ 135 ᐃᓕᓐᓂᐊᖅᑐᓕᒫᑦ ᐃᖅᑲᓇᐃᔭᖅᑏᓪᓗ ᓄᒃᑕᓂᑦᑎᓐᓂ! ᓇᓗᓐᖏᓚᖓ ᐊᔪᕈᓐᓃᑦᓯᐊᓛᕐᓂᖓᓂᒃ ᖁᑦᓯᑦᑐᒦᖃᑕᐅᓗᓂ! ᓄᒃᑕᖃᑕᐅᓚᐅᖅᑐᖅ ᔪᓚᐃ 14-ᒥᓂᒃ 28-ᒧᓄᑦ, 2013 ᐊᑯᑭᑦᑐᑦ ᓄᓈᓐᓂᒃ ᓄᓇᕗᒻᒧᑦ.
     
“ᓱᓕ ᐃᑉᐱᒋᓪᓗᒍ ᖁᕕᐊᒃᑯᑎᒍᒪᕙᕋ ᕉᓴᓕ ᑲᔪᓯᑦᓯᐊᓚᐅᕐᓂᖓᓂᒃ ᐃᓕᓐᓂᐊᖅᑐᒧᑦ ᐃᑲᔫᓯᐊᖅᑖᖅᑎᑕᐅᓂᖓᓂᒃ ᐃᓕᓐᓂᐊᕈᑎᒃᓴᕆᓂᐊᖅᑕᖏᓐᓂᒃ ᐱᓇᓱᐊᕈᒪᔭᒥᓂᒃ ᐊᔪᕈᓐᓃᓴᕐᐸᓪᓕᐊᑎᓪᓗᒍ. ᐱᖕᒪᕆᐅᕗᖅ ᒪᒃᑯᑦᑐᖁᑎᕗᑦ ᐱᕈᖅᐸᓪᓕᐊᒍᑎᒃᓴᖏᓐᓂᒃ ᐱᕝᕕᒃᓴᖃᖅᑎᑕᐅᖃᑦᑕᕆᐊᖃᕐᓂᖏᓐᓂᒃ ᐊᒻᒪᓗ ᓯᕗᓕᖅᑎᐅᓂᕐᒧᑦ ᐊᔪᕈᓐᓃᓴᕐᓗᑎᒃ” ᐅᖃᓚᐅᖅᑐᖅ ᓕᕙᐃ ᐹᓇᐹᓯ, ᐃᒃᓯᕙᐅᑕᖅ.

Hᐊᐅᕆ ᕙᓚᐅᕋᑎ, ᐊᖓᔪᖅᑳᖅ ᐊᒻᒪᓗ ᐊᐅᓚᑦᓯᔨᒻᒪᕆᒃ, ᐅᖃᕆᐊᒃᑲᓐᓂᓚᐅᖅᑐᖅ: “ᓇᓗᓇᐃᕐᓯᓇᓱᐊᖅᑎᓪᓗᑕ ᓇᓗᓇᐃᕐᓯᒪᒍᑎᒋᓂᐊᖅᑕᑎᓐᓂᒃ 30-ᖃᓕᕐᓂᑎᓐᓄᑦ ᐊᕐᕌᒍᑦᑎᓐᓂ, ᐃᓱᒪᕗᑦ ᓯᕗᓂᒃᓴᑎᓐᓄᑦ ᑎᑭᐅᑎᓚᐅᖅᑐᖅ ᐊᒻᒪᓗ ᑲᔪᓯᒋᐊᖃᕐᓂᖓᓄᑦ ᑲᑐᔾᔨᖃᑎᒌᕗᑦ ᐊᑐᕋᑦᓴᑎᒍᑦ. ᑲᔪᓯᔪᓐᓇᖁᓪᓗᑕ ᑕᕝᕗᖓ ᖃᐅᔨᒪᒋᐊᕆᐊᓕᕗᑦ ᒪᒃᑯᑦᑐᑦ, ᓲᕐᓗ ᕉᓴᓕᑐᑦ, ᐱᕝᕕᒃᓴᖃᖅᑎᑕᐅᒋᐊᖃᕐᓂᖏᓐᓂᒃ ᐊᔪᕈᓐᓃᕐᓴᒍᑎᒃᓴᖏᓐᓂᒃ ᐊᐅᓚᑦᓯᒍᑎᒃᓴᖏᓐᓄᑦ ᐊᒻᒪᓗ ᓯᕗᓂᖃᑦᓯᐊᓂᐊᕐᓂᕐᒥᒃ ᓇᓗᓇᐃᕐᓯᒪᒍᑎᒃᓴᓂᒃ ᓄᓇᕗᒻᒧᑦ ᐊᒻᒪᓗ ᑲᒻᐸᓂᖁᑎᑦᑎᓐᓄᑦ.”
                                           - ᑐᓴᕋᑦᓴᑲᓐᓃᑦ – 

ᕿᑭᖅᑖᓗᒃ ᑯᐊᐳᕇᓴᒃᑯᑦ ᐃᓄᐃᑦ ᓴᖅᑭᕐᓯᒪᔭᖓ ᑮᓇᐅᔭᓕᐅᕋᓱᐊᕈᑎᒃᓴᓄᑦ ᐱᕙᓪᓕᐊᓂᕐᒧᑦ ᓴᖅᑭᖅᑕᐅᓯᒪᔪᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ. ᑐᕌᒐᓕᒃ ᑎᒍᓯᕙᓪᓕᐊᓂᕐᒥᒃ ᐊᒻᒪᓗ ᐱᕙᓪᓕᐊᑎᑦᓯᓂᕐᒥᒃ ᒪᑭᒪᔾᔪᑎᑎᒍᑦ ᐊᒻᒪᓗ ᐃᖅᑲᓇᐃᔮᑎᒍᑦ ᐱᕝᕕᒃᓴᖃᖅᑎᑦᓯᓂᕐᒥᒃ ᐃᓄᖕᓂᒃ ᓄᓇᒥᖕᓂ. 83% ᐃᖅᑲᓇᐃᔭᖅᑎᖏᑦ ᐃᓄᐃᑦ, ᑲᒻᐸᓂ ᓯᕗᓪᓕᕐᐸᐅᔾᔭᐅᑎᑦᓯᔪᖅ ᐃᖅᑲᓇᐃᔭᖅᑎᑦᓯᓂᕐᒥᒃ ᐊᔪᕐᓇᖏᓐᓂᓕᒫᖓᒍᑦ ᐱᓕᒻᒪᒃᓴᐃᓂᕐᒥᓪᓗ ᐱᕝᕕᖃᖅᑎᓯᓂᕐᒧᑦ ᐃᓄᖕᓂᒃ ᐱᓕᕆᐊᓕᒫᖏᑎᒍᑦ.

ᑐᑭᓯᒋᐊᒃᑲᓂᕐᕕᒃᓴᖅ, ᖃᐅᔨᒋᐊᕐᓗᑎᑦ: 

ᕼᐊᐅᕆ ᕙᓚᐅᕋᑎ, ᐊᖓᔪᖅᑳᖅ ᐊᒻᒪᓗ ᐊᐅᓚᑦᓯᔨᒻᒪᕆᒃ
(867-979-8400)
ᐃᕐᖐᓐᓈᕈᑖ: hflaherty@corp.ca