ᐱᓇᓱᐊᒐᖓ: “ᐱᓇᓱᐊᕐᓗᓂ ᕿᑭᖅᑖᓗᒃ ᑯᐊᐳᕇᓴᒃᑯᑦ ᐃᖃᓗᒐᓱᐊᕈᑎᒃᓴᖏᓐᓂᒃ ᑐᓂᔭᐅᓯᒪᔪᓂᒃ ᑰᑕᓂᒃ ᓇᖕᒥᓂᖁᑎᒋᔭᐅᔪᖁᑎᖏᑎᒍᑦ ᐅᒥᐊᕐᔪᐊᖓᒍᑦ ᐊᒻᒪᓗ ᐅᒥᐊᕐᔪᐊᒦᑦᑐᖁᑎᖏᓐᓄᑦ.”
ᕿᑭᖅᑖᓗᒃ ᐃᖃᓗᓕᕆᔨᒃᑯᑦ ᑯᐊᐳᕇᓴᒃᑯᑦ ᑮᓇᐅᔭᓕᐅᕋᓱᐊᖃᑎᒌᓐᓂᒃᑯᑦ ᑲᑐᔾᔨᖃᑎᒌᒍᑕᐅᔪᖅ ᕿᑭᖅᑖᓗᒃ ᑯᐊᐳᕇᓴᒃᑯᓐᓄᑦ ᐊᒻᒪᓗ ᓇᑖᕐᓇᖅ ᐃᖃᓗᓕᕆᔨᒃᑯᑦ ᖃᓕᕋᓕᓐᓂᐊᓂᕐᒧᑦ ᑭᖑᑉᐸᓂᐊᕐᓂᒧᓪᓗ. ᕿᑭᖅᑖᓗᒃ ᑯᐊᐳᕇᓴᒃᑯᑦ ᓇᖕᒥᓂᖁᑎᓖᑦ 51% ᐅᒥᐊᕐᔪᐊᒥ ᑕᐃᒎᓯᓕᒃ ᓴᐳᑎ.
ᐃᖃᓗᒐᓱᑦᑎᐅᔪᖅ ᓚᐃᓴᒃᑯᑦ ᑎᒍᒥᐊᖅᑕᐅᔪᒥᒃ ᐊᑯᓂᐊᓗᒃ ᕿᑭᖅᑖᓗᒃ ᑯᐊᐳᕇᓴᒃᑯᓐᓄᑦ ᑐᓂᔭᐅᓯᒪᔪᖅ ᐃᒪᕐᒥᐅᑕᓕᕆᔨᒃᑯᓐᓂᒃ ᑭᖑᑉᐸᓂᐊᓂᕐᒧᑦ ᖃᓕᕋᓕᓐᓂᐊᓂᕐᒧᓪᓗ, ᐊᒻᒪᓗᑦᑕᐅᖅ, ᖃᓕᕋᓕᓐᓄᑦ ᑰᑕᓂᒃ ᑐᓂᔭᐅᖃᑦᑕᖅᑐᓂᒃ ᐊᓯᖏᓐᓄᑦ ᓄᓇᕗᒻᒥ ᐊᒻᒪᓗ ᖃᓪᓗᓈᓃᑦᑐᓄᑦ ᐃᖃᓗᒐᓱᑦᑎᓄᑦ ᑲᒻᐸᓂᓄᑦ. ᓴᐳᑎᒥ ᐅᒥᐊᕐᔪᐊᕐᒥᐅᑕᓂᒃ ᐃᖅᑲᓇᐃᔭᖅᑎᖃᖃᑦᑕᖅᑐᑦ 28-ᓄᑦ ᑎᑭᓯᒪᔪᓂᒃ ᐅᒥᐊᕐᔪᐊᕐᒥᐅᑕᕐᓂᒃ ᐃᖏᕐᕋᓂᑕᒫᑦ - 12 ᐃᖃᓗᓕᕆᕕᖕᒥ, 8 ᐃᓅᓪᓗᑎᒃ.
