ᑕᐃᒪᖓᓂ ᓄᓇᕗᑦ ᑲᓇᑕᒥ ᓄᑖᖑᓛᖅ ᐊᕕᒃᑐᖅᓯᒪᔪᖏᓐᓃᓕᖅᑐᓗᒍ 1999-ᒥ ᑕᑯᔭᐅᓯᒪᓕᖅᑐᖅ ᐊᖏᔫᓂᖓᓂ ᑭᓱᖃᕐᓂᖓᓂ ᐊᒻᒪᓗ ᐱᕙᓪᓕᐊᑎᑦᑎᕕᐅᒍᓐᓇᖅᑐᖅ ᖃᒥᒋᔭᖏᓐᓂ ᐃᒪᕕᖕᒥ ᐃᖃᓗᒐᓱᖕᓂᕐᒧᑦ ᓇᑖᕐᓂᒃ ᐊᒻᒪᓗ ᑭᖑᖕᓂᒃ. ᐱᕈᖅᐸᓪᓕᐊᑎᐊᖁᓪᓗᒋᑦ ᑕᒪᒃᑯᓂᖓ ᑲᒻᐸᓂᐅᕗ ᐊᒻᒪᓗ ᑲᑎᖓᑎᑦᑎᕗᖅ ᑲᒻᐸᓂᐅᔪᓂ ᓂᐱᒋᔭᐅᓪᓗᓂ ᐱᔾᔪᑕᐅᔪᓂᒃ ᐃᓱᒫᓘᑕᐅᔪᓄᑦ ᐃᖃᓗᒐᓱᖕᓂᕐᒥ ᓄᓇᕗᒻᒥ ᐃᒪᕕᖓᓂ ᓴᓂᖅᕙᒃᑕᐅᓯᒪᔪᓄᑦ ᑎᒍᒥᐊᖅᑎᑦ ᐋᕿᒃᓯᓚᐅᖅᑐᑦ ᑲᒻᐸᓂᖑᖅᖢᑎᒃ ᑲᑐᔾᔨᖃᑎᒌ 2012-ᒥ, “ ᓄᓇᕗᑦ ᐃᒪᕕᖕᒥ ᓴᓂᖅᕙᒃᑕᐅᓯᒪᔪᑦ ᑎᒍᒥᐊᖅᑐᑦ ᑲᑐᔾᔨᖃᑎᒌᑦ ᐊᒻᒪᓗ ᐊᑦᑎᖅᑕᐅᑲᓐᓂᓚᐅᖅᑐᑦ ᓄᓇᕗᒻᒥ ᐃᖃᓗᓕᕆᔨᒃᑯᑦ ᑲᑐᔾᔨᖃᑎᒌᑦ 2018-ᒥ ᑐᑭᓯᓇᖅᓯᓪᓗᑎᒃ ᑭᒡᒐᖅᑐᖅᑕᒥᖕᓂᒃ ᐃᖃᓗᒐᓱᖕᓂᕐᒥ ᖃᓄᑐᐃᓐᓇᖅ ᐊᒻᒪᓗ ᐃᒪᕕᑐᐃᓐᓇᐅᓐᖏᖅᑐᒃᒥ ᐱᓕᕆᖕᒪᑕ.
ᐅᑯᐊ ᑲᑐᔾᔨᖃᑎᒌᑦ ᑭᒡᒐᖅᑐᖅᑎᖃᖅᑐᖅ ᑎᓴᒪᓂᑦ ᐊᐅᓚᑦᓯᔨᓂᑦ ᐊᖑᓇᓱᖃᑦᑕᖅᑐᑦ ᑰᑕᖃᖅᑐᑦ ᐃᒪᖏᓐᓂ ᖃᓂᒋᔭᖏᓐᓂ ᓄᓇᕗᑦ.
-
ᐅᑭᐅᖅᑕᖅᑐᖅᒥ ᐃᖃᓗᓕᕆᓂᕐᒧᑦ ᐃᓚᒌᒃᓴᒃᑯᑦ: ᓇᖕᒥᓂᕆᔭᐅᔪᑦ ᐊᖑᓇᓱᒃᑐᓕᕆᔨᒃᑯᓂᑦ ᐊᒻᒪᓗ ᕼᐋᒻᓚᒃᑯᓂᑦ ᕿᑭᖅᑕᕐᔪᐊᕐᒥ, ᐊᐅᓱᐃᑦᑐᖅ, ᐃᒃᐱᐊᕐᔪᒃ, ᐊᒻᒪᓗ ᖃᐅᓱᐃᑦᑐᖅ;
-
ᐸᕙᓐᑦ ᐃᖃᓗᒐᓱᒃᑏᑦ: ᓇᖕᒥᓂᕆᔭᐅᔪᑦ ᐊᖑᓇᓱᒃᑐᓕᕆᔨᒃᑯᖏᓐᓂᑦ ᐃᖃᓗᐃᑦ, ᒥᑦᑎᒪᑕᓕᒃ, ᑲᖏᖅᖢᒑᐱᒃ, ᑭᒻᒥᕈᑦ, ᐊᒻᒪᓗ ᐸᖕᓂᖅᑑᖅ;
-
ᐸᖕᓂᖅᑑᖅ ᐃᖃᓗᓕᕆᔨᒃᑯᖅ/ᐃᑭᖅ ᐃᖃᓗᓕᕆᔨᒃᑯᑦ ᐱᓇᓱᐊᖃᑎᒌᑦ: ᐸᖕᓂᖅᑑᖅ ᐃᖃᓗᓕᕆᔨᒃᑯᑦ ᑎᒍᒥᐊᖅᑐᑎᐅᔪᑦ ᐃᑭᖅ ᐃᖃᓗᒐᓱᒃᑎᖏᓐᓂᒃ ᐊᒻᒪᓗ ᐸᕙᓐᑦ ᐃᖃᓗᓕᕆᔨᒃᑯᑦ. ᐃᑭᖅ ᐃᖃᓗᓕᒐᓱᒃᑎᑦ ᑎᒍᒥᐊᖅᑐᑎᑦ ᑖᒃᑯᐊ ᐊᖑᓇᓱᒃᑐᓕᕆᔨᒃᑯᑦ ᐸᖕᓂᖅᑑᖅ, ᓄᓇᓕᖕᓂ ᑯᐊᐸᒃᑯᑦ, ᐊᒻᒪᓗ ᐊᓯᖏᑦ ᓄᓇᓕᖕᓂᑦ ᑎᒍᒥᐊᖅᑎᐅᖃᑕᐅᔪᑦ;
-
ᕿᑭᖅᑖᓗᑦ ᑯᐊᐳᕆᓴᓐ: ᐃᓄᖕᓂᑦ ᐱᒋᐊᖅᑎᑕᐅᓯᒪᔪᖅ ᐱᖁᑎᒋᔭᐅᔪᖅ ᑯᐊᐳᕆᓴᓐ, ᓇᖕᒥᓂᖁᑎᒋᔭᐅᔪᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ, ᑭᒡᒐᖅᑐᐃᔪᑦ ᑕᒪᐃᓐᓂᑦ ᓄᓇᓕᖕᓂ ᕿᑭᖅᑕᓂ.
ᓄᓇᕗᒻᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦ ᐅᑯᓂᖓ ᐊᐅᓪᓗᑎᔪᑦ:
ᐋᔩᖃᑎᒌᒍᑎᖃᖅᐸᒃᑐᑦ ᐅᓄᖅᙳᒋᐊᖅᑕᐅᖁᓪᓗᒋᑦ ᑰᑕᖏ ᓄᓇᕗᑦ ᖃᓂᒋᔭᖏᓐᓂ ᐃᒪᖏᓐᓂᑦ;
ᐃᓚᐅᖃᑦᑕᖅᑐᑦ ᑲᒻᐸᓂᐅᔪᑦ ᑲᑎᒪᑎᓪᓗᒋᑦ ᐊᒻᒪᓗ ᐱᔭᐅᕙᓪᓕᐊᑎᑦᑎᔪᑦ ᓄᓇᕗᑦ ᑕᐅᑦᑐᕆᓪᓗᒍ ᖃᓄᕆᑦᑐᑐᐃᓐᓇᓄᑦ ᐱᔾᔪᑕᐅᔪᑦ ᐊᒃᑐᐃᔪᑦ ᓄᓇᕗᒻᒥ ᑮᓇᐅᔭᓕᐅᕈᑕᐅᔪᓄᑦ ᐃᖃᓗᒐᓱᖕᓂᕐᒥ ᐊᒻᒪᓗ ᐃᓚᒋᔭᐅᔪᑦ;
ᐋᔩᖃᑎᒌᒡᖢᑎᒃ ᒐᕙᒪᒃᑯᓪᓗ: ᓄᓇᕗᑦ ᐊᒻᒪᓗ ᒐᕙᒪᑐᖃᒃᑯᑦ ᐱᓯᒪᑎᓪᓗᒋᑦ ᐱᔾᔪᑕᐅᔪᓂᒃ ᐊᒃᑐᐃᔪᓂᒃ ᐃᖃᓗᓕᕆᓂᕐᒧᑦ; ᐊᒻᒪᓗ
ᐊᓯᖏᑦᑕᐅᖅ ᑭᓱᑐᐃᓐᓇᐃᑦ ᐱᓯᒪᔪᑦ ᐱᒻᒪᕆᐅᔪᓂᒃ ᑮᓇᐅᔭᓕᐅᕈᑎᓄᑦ ᐃᖃᓗᒐᓱᖕᓂᕐᒥ ᓂᐱᒋᔭᐅᔪᑦ ᑕᐃᒪᓗ ᑐᓴᖅᑕᐅᔭᕆᐊᖃᕐᒪᑕ
