ᐊᐅᓚᑦᑎᔨᒻᒪᕆᒃ ᐅᑭᐅᖅᑕᖅᑐᒥ ᐊᔾᔪᒥᓇᖅᑐᓄᑦ ᓵᓚᖃᐅᓯᐊᖅᑎᑦᑎᔩᑦ

 In Jobs

ᐊᐅᓚᑦᑎᔨᒻᒪᕆᒃ
ᐅᑭᐅᖅᑕᖅᑐᒥ ᐊᔾᔪᒥᓇᖅᑐᓄᑦ ᓵᓚᖃᐅᓯᐊᖅᑎᑦᑎᔩᑦ

ᓇᒥ: ᐅᑭᐅᖅᑕᖅᑐᒥ ᑲᓇᑕᒥ − ᔫᑳᓐᒥ ᓛᐸᑐᐊᒧᑦ

“…ᐅᕙᓐᓄᑦ, ᐅᑭᐅᖅᑕᖅᑐᒥᐅᓂᑦ, ᐅᑭᐅᖅᑕᖅᑐᒥᐅᓄᑦ ᐃᒫᒃ ᑐᑭᖃᕐᖓᑦ ᓄᓇᖅᑲᑎᒌᑦ. ᐊᒻᒪᓗ ᓄᓇᖅᑲᑎᒌᑦ ᑲᑎᒐᐃᒻᒪᑕ, ᖃᓄᐃᓕᐅᓲᖑᕕᑕ?
ᖁᕕᐊᓲᑎᖃᓲᖑᔪᒍᑦ! ᓵᓚᖃᐅᓯᐊᖅᑎᑦᑎᔩᑦ ᐊᕐᕌᒍᑕᒫᑦ ᑐᓂᓯᓂᕐᒧᑦ ᑲᑎᒍᑎᖃᖃᑦᑕᕐᓂᖓ ᐊᖏᓪᓕᓯᒪᒻᒪᑦ ᑕᑯᔾᔪᑕᐅᕙᓕᖅᑐᓂ ᐅᑭᐅᖅᑕᖅᑐᒥᐅᑦ
ᐊᔪᙱᑕᖏᓐᓂᒃ, ᑕᑯᕋᓐᓈᑎᑦᑎᒍᓐᓇᕐᓂᖏᓐᓂᒃ, ᓴᓇᐅᒐᖏᓐᓂᓪᓗ. ᑲᑎᒍᑕᐅᔪᓐᓇᐸᒻᒪᑦ ᐊᒥᓲᓂᕐᓴᒻᒪᕆᓐᓄᑦ ᓄᓇᖅᑲᑎᒌᓄᑦ.
ᐃᓕᕝᕕᒋᖃᑦᑕᐅᑎᔪᓐᓇᐸᑦᑐᑎᒃ ᐊᒻᒪᓗ ᖁᕕᐊᓲᑎᖃᕈᓐᓇᐸᑦᑐᑎᒃ ᓵᓚᔅᓴᖅᑐᓂᑦ ᐊᒻᒪᓗ ᐃᑲᔫᓯᐊᖅᑖᕐᓯᒪᓂᐊᓕᕐᒥᔪᓂᑦ ᐊᕐᕌᒍᑕᒫᑦ.
ᐱᕕᖃᕈᑕᐅᕙᒻᒥᔪᖅ ᑕᑯᑎᑦᑎᓂᕐᒧᑦ ᐅᑭᐅᖅᑕᖅᑐᒥᐅᓕᒫᓂᑦ ᐊᑐᖅᑕᐅᔪᓐᓇᐸᑦᑐᓂᑦ ᐊᒻᒪᓗ ᐱᔾᔪᑎᖃᕐᓂᕐᓴᐅᓗᑎᒃ ᖃᓄᑎᒋ
ᓯᕗᓂᔅᓴᖃᑦᑎᐊᖅᑎᒋᒻᒪᖔᑕ.” ~ Hᐊᓇ ᐅᓂᐅᕐᓵᒐᖅ, ᐃᔅᓯᕙᐅᑕᐅᓚᐅᕐᓯᒪᔪᖅ, ᓵᓚᖃᐅᓯᐊᖅᑎᑦᑎᕙᑦᑐᓄᑦ ᐃᑲᔪᖅᑎᐅᓂᕐᒧᑦ

ᐅᑭᐅᖅᑕᖅᑐᒥ ᐊᔾᔪᒥᓇᖅᑐᓄᑦ ᓵᓚᖃᐅᓯᐊᖅᑎᑦᑎᕙᑦᑐᑦ, ᐱᔪᒐᕐᓴᐃᕙᑦᑐᑎᒃ, ᐱᔪᓐᓇᕐᓯᑎᑦᑎᕙᑦᑐᑎᒃ, ᖁᕕᐊᓲᑎᖃᖅᐸᑦᑐᑎᓪᓗ
ᑲᔪᓯᑎᖃᑦᑕᖅᑕᖏᓐᓂᒃ ᑭᒃᑯᑐᐃᓐᓇᐃᑦ ᐅᑭᐅᖅᑕᖅᑐᒥᐅᑦ. ᐊᖅᑯᑎᒋᓪᓗᒍ ᓵᓚᖃᐅᓯᐊᖅᑎᑦᑎᓂᕐᒧᑦ ᐃᑲᔫᑎᒋᕙᑦᑕᖏᑦ ᐊᒻᒪᓗ ᑮᓇᐅᔭᓂᑦ
ᐃᑲᔫᑎᖃᖃᑦᑕᓂᕐᒧᑦ ᑕᒫᓂ $50 ᒥᓕᐊᓐᖏᓐᓃᑦᑐᓂᑦ, ᐅᑭᐅᖅᑕᖅᑐᒥ ᐊᔾᔪᒥᓇᖅᑐᓄᑦ ᓵᓚᖃᐅᓯᐊᖅᑎᑦᑎᔩᑦ (AIP) ᓯᕗᓕᖅᑕᐅᕙᑦᑐᑦ
ᓇᒻᒥᓂᕆᔭᐅᓪᓗᑎᓪᓗ ᐅᑭᐅᖅᑕᖅᑐᒥᐅᓄᑦ ᐊᒻᒪᓗ ᑐᕌᖓᔪᐃᓐᓇᐅᓪᓗᑎᒃ ᐅᑭᐅᖅᑕᖅᑐᒥᐅᓄᑦ, ᔫᑳᓐᒥ ᓛᐸᑐᐊᒧᑦ. ᐊᖏᓂᕐᐹᖑᓪᓗᓂ ᐊᕐᕌᒍᑕᒫᑦ
ᓵᓚᖃᐅᓯᐊᖅᑎᑦᑎᒍᑕᐅᕙᑦᑐᑦ ᑲᓇᑕᒥ.

ᐊᐅᓚᑕᐅᓪᓗᑎᓪᓗ ᐅᑭᐅᖅᑕᖅᑐᒥ−ᓯᕗᓕᖅᑕᐅᔪᒥᒃ ᓵᓚᖃᐅᓯᐊᖅᑎᑎᕙᑦᑐᑦ ᐃᑲᔪᖅᑎᐅᓂᕐᒧᑦ ᐸᐸᑕᖏᑦ ᐊᒻᒪᓗ ᐃᑲᔪᖅᑎᒌᑦᑐᑎᒃ ᓄᓇᖃᖅᑳᖅᑐᑦ
ᑎᒥᐅᔪᑦ, ᒐᕙᒪᐅᔪᑦ, ᓴᓇᕕᐅᔪᑦ, ᐃᑲᔪᖅᐸᑦᑐᑦ, ᐊᓯᖏᓪᓗ ᑲᑐᔾᔨᖃᑎᒌᑦ ᑭᒃᑯᑐᐃᓐᓇᐃᓪᓗ ᐋᖅᑮᕙᑦᑐᑦ ᐊᔾᔨᒋᔭᐅᙱᑦᑐᒥᒃ ᑕᑯᔾᔪᑕᐅᔪᓐᓇᖅᑐᒥᒃ
ᓴᐃᒻᒪᖃᑎᒌᓯᒪᒍᓐᓇᓂᕐᒥᒃ ᐅᑭᐅᖅᑕᖅᑐᒥ ᖃᓪᓗᓈᓪᓗ ᓄᓇᖓᓐᓂ, ᓄᓇᖃᖅᑳᖅᑐᑦ, ᐊᒻᒪᓗ ᓄᓇᖃᖅᑳᕐᓯᒪᙱᑦᑐᑦ ᐱᓕᕆᖃᑎᒌᑎᓪᓗᒋᑦ
ᐃᑲᔪᖅᑎᒌᑦᑐᑎᒃ ᐊᒻᒪᓗ ᐃᑉᐱᒋᖃᑦᑕᐅᑎᑦᑎᐊᖅᑐᑎᒃ. 12ᒋᓂᐊᓕᖅᑕᖓᓄᑦ ᐊᕐᕌᒍᒧᑦ ᐊᑐᕐᓂᐊᓕᖅᑎᓪᓗᒋᑦ, ᐅᑭᐅᖅᑕᖅᑐᒥ ᐊᔾᔪᒥᓇᖅᑐᓄᑦ
ᓵᓚᖃᐅᓯᐊᖅᑎᑦᑎᔩᑦ ᐃᖅᑲᓇᐃᔭᖅᑎᓴᕐᓯᐅᕐᖓᑕ ᐊᐅᓚᑦᑎᔨᒻᒪᕆᐅᓂᐊᖅᑐᒥᒃ ᑲᔪᓯᑎᑦᑎᓂᐊᖅᑐᒥᒃ ᐱᔪᒐᕐᓴᐃᖃᑦᑕᓂᕐᒥᒃ,
ᐱᔪᓐᓇᕐᓯᑎᑦᑎᖃᑦᑕᓂᕐᒥᒃ ᖁᕕᐊᓲᑎᖃᖃᑦᑕᓂᕐᒥᓪᓗ ᐱᔪᓐᓇᕐᓂᖏᓐᓂᒃ ᑲᔪᓯᑎᑦᑎᐊᖃᑦᑕᖅᑕᖏᓐᓂᓪᓗ ᐅᑭᐅᖅᑕᖅᑐᒥᐅᑦ.

ᐊᐅᓚᑦᑎᔨᒻᒪᕆᒃ (CEO) ᓵᓚᖃᐅᓯᐊᖅᑎᑦᑎᔨᓂᑦ ᑭᒡᒐᑐᖅᑎᓪᓗᐊᑕᐅᕙᒻᒪᑦ ᓵᓚᖃᐅᓯᐊᖅᑎᑦᑎᕙᑦᑐᓂᑦ, ᓯᕗᓕᕐᓯᕙᑦᑐᓂ ᑐᑭᒧᐊᑦᑎᑦᑎᕙᑦᑐᓂᓗ
ᑕᐃᒫᒃ ᖃᐅᔨᒪᑦᑎᐊᖃᑦᑕᓂᐊᕐᖓᑕ ᓈᒻᒪᑦᑐᒥᒃ ᓵᖅᑭᔮᕐᓂᖃᕐᓂᖏᓐᓂᒃ ᐅᑭᐅᖅᑕᖅᑐᒥ ᐊᒻᒪᓗ ᓵᓚᖃᐅᓯᐊᖅᑎᑦᑎᕙᑦᑐᑦ ᑲᔪᓯᓂᐊᕐᖓᑕ
ᐃᓘᓐᓇᖓᓂ ᐊᑐᕐᐸᑦᑕᖏᓐᓂᒃ ᑲᔪᓯᑎᑦᑎᑦᑎᐊᖃᑦᑕᕐᓂᖏᓐᓂᓪᓗ. ᐊᐅᓚᔾᔪᑎᖃᖅᑐᑎᒃ ᐱᔾᔪᑎᖓᓐᓂᒃ ᐃᓱᒪᒋᓯᒪᔭᖏᓐᓂᓪᓗ
ᑲᔪᓯᑎᒍᒪᓯᒪᔭᖏᓐᓂᒃ ᓵᓚᖃᐅᓯᐊᖅᑎᑦᑎᔩᑦ, ᐊᐅᓚᑦᑎᔨᒻᒪᕆᐅᓂᐊᖅᑐᖅ ᐋᖅᑭᐅᒪᑎᑦᑎᓂᐊᖅᑐᖅ ᐊᒻᒪᓗ ᐊᖏᓪᓕᑎᑦᑎᒋᐊᒃᑲᓂᕐᓗᓂ ᐊᖏᔪᒥᒃ,
ᐊᖏᓪᓕᕙᓪᓕᐊᑐᐃᓐᓇᖅᑐᒥᒃ, ᐊᒻᒪᓗ ᐊᓯᔾᔨᑕᐃᓐᓇᖅᑐᒥᒃ ᐱᓕᕆᖃᑎᒌᓐᓂᖃᕐᐸᑦᑐᓂᑦ ᐅᑭᐅᖅᑕᖅᑐᒥ ᖃᓪᓗᓈᓪᓗ ᓄᓇᖓᓐᓂ
ᑕᑯᔭᐅᒃᑲᓂᕐᓂᐊᕐᖓᑕ ᐊᒻᒪᓗ ᐅᔾᔨᕆᔭᐅᓯᒃᑲᓂᕐᓂᐊᕐᖓᑕ ᓵᓚᖃᐅᓯᐊᖅᑎᑦᑎᕙᑦᑐᑦ. ᐱᓕᕆᖃᑎᖃᓪᓚᑦᑖᐸᑦᑐᑎᒃ ᐅᑭᐅᖅᑕᖅᑐᒥ
ᑐᑭᒧᐊᑦᑎᑕᐅᔪᓂᑦ ᑲᑎᒪᔨᓂᑦ ᐸᐸᑦᑎᓂᕐᒧᑦ, ᐊᐅᓚᑦᑎᔨᒻᒪᕆᒃ ᖃᐅᔨᒪᒋᐊᑦᑎᐊᖃᑦᑕᓂᐊᖅᑐᖅ ᓈᒻᒪᑦᑐᒥᒃ ᐊᐅᓚᑕᐅᒐᓗᐊᕐᒪᖔᑕ ᐊᒻᒪᓗ ᐋᖅᑮᓗᓂ
ᑐᑭᒧᐊᒍᑎᔅᓴᓂᑦ ᐱᔾᔪᑎᖏᓐᓂᒃ ᓵᓚᖃᐅᓯᐊᖅᑎᑦᑎᕙᑦᑐᑦ.

ᐃᖅᑲᓇᐃᔭᖅᑎᒋᔭᐅᓂᐊᖅᑎᓪᓗᑎᑦ, ᐃᓚᒍᑦᑎᐅᑎᑎᑦᑎᓂᐊᕋᕕᑦ ᐃᓚᒋᔭᐅᓪᓚᑦᑖᓂᕐᓂᒃ ᐊᑐᕐᓯᒪᔭᓐᓂᓪᓗ ᖃᐅᔨᒪᔭᖏᓐᓂᒃ ᐃᕝᕕᑦ ᑲᓇᑕᒥᐅᑦ
ᐅᑭᐅᖅᑕᖅᑐᖓᓂᒃ, ᐋᖅᑭᓯᒪᓂᖏᓐᓂᒃ, ᑎᒥᖏᓐᓂᒃ, ᐃᓕᖅᑯᓯᖏᓐᓂᓪᓗ. ᐃᑉᐱᒍᓱᓪᓚᕆᓪᓗᑎᑦ ᓱᓕᓪᓚᕆᓪᓗᑎᑦ ᑐᓴᐅᒪᑎᑦᑎᖃᑦᑕᕐᓗᑎᑦ,
ᐃᑉᐱᒋᔭᐅᑦᑎᐊᕐᓂᐊᕋᕕᑦ ᐋᖅᑭᔅᓱᐃᖃᑦᑕᕈᓐᓇᓂᓐᓂ ᐱᓕᕆᖃᑎᒌᓐᓂᐊᖅᑐᓂᑦ ᐊᒻᒪᓗ ᐱᓕᕆᖃᑎᖃᖃᑦᑕᕐᓗᑎᑦ ᐊᔾᔨᒌᙱᑐᒡᒍᑎᓂᑦ ᑲᑐᔾᔨᖃᑎᔅᓯᓐᓂᒃ
ᐊᒻᒪᓗ ᑕᑯᓐᓈᕈᓯᓕᓐᓂᑦ. ᐃᖅᑲᓇᐃᔭᖅᑎᑖᕆᔪᒪᔭᕗᑦ ᑲᒪᖃᑦᑕᓕᓂᐅᓂᐊᖅᑐᖅ ᐋᖅᑭᔅᓱᐃᓂᕐᒥᒃ ᐊᑑᑎᓕᓐᓂᑦ ᐊᒻᒪᓗ ᓴᖅᑭᕐᓂᐊᖅᑐᓂᑦ−ᐱᔾᔪᑎᓕᓐᓂᑦ
ᐱᓕᕆᖃᑎᖃᖃᑦᑕᓂᕐᒥᒃ ᓄᓇᖃᖅᑳᖅᑐᓂᑦ ᐅᑭᐅᖅᑕᖅᑐᒥᐅᓂᓪᓗ ᓄᓇᖅᑲᑎᒌᓂᑦ, ᖃᓄᖅᑑᕈᑎᖃᕈᓐᓇᕐᓗᓂ ᐊᑲᐅᙱᓕᐅᕈᑕᐅᔪᑦ ᐋᖅᑭᖃᑦᑕᓂᐊᕐᖓᑕ,
ᐊᒻᒪᓗ ᑲᑦᑐᖓᐃᕈᑎᖃᕐᓯᒪᑦᑎᐊᕐᓗᓂ ᓯᕗᓪᓕᐅᔾᔭᖏᓐᓂᒃ ᓵᓚᖃᐅᓯᐊᖅᑎᑦᑎᔩᑦ. ᐃᓱᒪᒋᔭᐅᒋᐊᕈᓐᓇᓂᐊᕐᖓᑕ ᐃᖅᑲᓇᐃᔮᖅᑖᕋᓱᑦᑐᑦ ᑖᔅᓱᒥᖓ,
ᐃᖅᑲᓇᐃᔮᖅᑖᕋᓱᑦᑐᑦ ᐃᖅᑲᓇᐃᔭᖅᑐᑦ ᐅᖓᓯᑦᑐᒦᑦᑐᑎᒃ ᐅᑭᐅᖅᑕᖅᑐᒥ ᓇᒥᑐᐃᓐᓇᖅ ᑎᓕᐅᖅᑕᐅᕗᑦ ᐱᓇᓱᐊᖁᔭᐅᓪᓗᑎᒃ. ᒪᕐᕉᓐᓂᒃ ᐅᖃᐅᓯᓖᑦ
ᐃᓄᒃᑎᑐᑦ ᐅᕝᕙᓘᓐᓃᑦ ᐊᓯᖏᓐᓂᒃ ᓄᓇᖃᖅᑳᖅᑐᑦ ᐅᖃᐅᓯᖏᓐᓂᒃ ᐱᔪᒥᓇᑦᑎᐊᖅᑐᑦ.

ᓴᓚᖃᐅᓯᐊᖅᑎᑦᑎᔩᑦ ᑮᓇᐅᔾᔭᔅᓵᔅᓴᓂᑦ ᐱᔪᒥᓇᑦᑎᐊᖅᑐᓂᑦ ᐊᑐᐃᓐᓇᐅᑎᑦᑎᔪᑦ, ᐊᑭᓕᕐᓱᐃᔾᔪᑕᐅᖃᑦᑕᓂᐊᖅᑐᓂᑦ, ᐃᑲᔫᓯᐊᖅᑖᖑᖃᑦᑕᓂᐊᖅᑐᓂᓪᓗ
ᑲᑎᓯᒪᔪᓂᑦ. ᑐᑭᓯᒃᑲᓐᓂᕈᒪᒍᕕᑦ ᑖᔅᓱᒪ ᐊᔾᔨᐅᖏᑦᑐᒥᒃ ᐃᖅᑲᓇᐃᔮᔅᓴᐅᑉ ᒥᔅᓵᓄᑦ ᐅᕝᕙᓘᓐᓃᑦ ᐱᓇᓱᐊᕈᒪᒍᕕᑦ ᑖᔅᓱᒥᖓ, ᐊᑏ ᑐᓂᓯᓂᐊᖅᑯᑎᑦ
ᐃᖅᑲᓇᐃᔮᖅᑖᕋᓲᑎᓐᓂᒃ ᐊᒻᒪᓗ ᑕᒪᑐᒧᖓ ᑐᕌᖓᔪᒥᑦ ᑎᑎᖅᑲᓂᑦ ᐅᕗᖓ ryoung@boyden.com ᐊᒻᒪᓗ ᓇᓗᓇᐃᕐᓗᒍ ᑕᐃᔭᐅᔾᔪᓯᖓ
ᐃᖅᑲᓇᐃᔮᔅᓴᐅᑉ ᐱᔾᔪᑎᖓᓂ ᐃᕐᖐᓈᖅᑕᐅᑎᒃᑯᑦ ᑎᑎᕋᓕᕈᕕᑦ.

ᑖᓐᓇ ᐃᖅᑲᓇᐃᔮᔅᓴᖅ ᐃᓚᒋᔭᐅᔾᔪᑕᐅᖃᑦᑕᓂᐊᖅᑐᖅ ᐃᓚᒋᔭᐅᖃᑦᑕᕈᑎᒋᖃᑦᑕᕆᐊᖃᕐᓂᐊᖅᑕᖓᓗ ᑲᑎᓂᐅᔪᓂᑦ ᐱᓕᕆᓂᐅᔪᓂᓪᓗ
ᓇᒥᑐᐃᓐᓇᖅ ᑲᓇᑕᐅᑉ ᐅᑭᐅᖅᑕᖅᑐᖓᓂ ᐊᒻᒪᓗ ᐊᐅᓪᓚᖃᑦᑕᕐᓗᓂ ᔫᑳᓐᒥ ᓛᐸᑐᐊᒧᑦ ᐊᒻᒪᓗ ᖃᓪᓗᓈᑦ ᓄᓇᖓᓐᓂ.

ᓯᕗᓪᓕᐅᔾᔭᐅᓂᐊᖅᑐᑦ ᓯᕗᓪᓕᐸᐅᑦᑎᐅᔾᔭᐅᓯᒪᓪᓗᑎᓪᓗ ᐅᑭᐅᖅᑕᖅᑐᒥᐅᑦ ᓄᓇᖃᖅᑳᖅᑐᑦ ᐃᖅᑲᓇᐃᔮᖅᑖᕋᓱᑦᑐᑦ. ᖁᔭᓐᓇᒦᖅᑲᕗᑦ ᐃᓘᓐᓇᑎᒃ
ᐱᓇᓱᑦᑐᑦ ᐃᖅᑲᓇᐃᔮᔅᓴᒥᒃ. ᐃᖅᑲᓇᐃᔮᖅᑖᕋᓱᑦᑐᖅ ᓈᒻᒪᓈᕆᐊᓕᒃ ᐃᓘᓐᓇᖏᓐᓄᑦ ᐊᑦᑕᓇᖅᑐᒦᑦᑕᐃᓕᑎᑦᑎᓂᕐᒧᑦ ᖃᐅᔨᓴᐅᑎᓂᑦ.

Arctic Inspiration Prize | Prix Inspiration Arctique
www.ArcticInspirationPrize.ca

Recent Posts