| 1983 | ᕿᑭᖅᑖᓗᒃ ᑯᐊᐳᕇᓴᒃᑯᑦ ᑎᒥᓐᖑᖅᑎᑕᓚᐅᖅᑐᑦ ᐊᒻᒪᓗ ᓯᕗᓪᓕᕐᐹᓂᒃ ᑲᑎᒪᔨᑖᕐᓱᓂ, ᓯᕗᓪᓕᐹᕐᓯᐅᑏᑦ ᐱᓕᕆᐊᒃᓴᑦ ᐊᐅᓚᑦᓯᓂᕐᒥᒃ ᐃᖃᓗᓐᓂᐊᓂᕐᒧᑦ ᑰᑕᐃᑦ ᑭᒡᒐᖅᑐᐃᓪᓗᑎᒃ ᕿᑭᖅᑕᓂᒃᑯᓐᓂᒃ |
| 1985 | ᓇᖕᒥᓂᖁᑎᒋᔭᐅᔪᖅ ᑭᖑᒃ ᐃᖃᓗᓕᕆᔨᒃᑯᑦ ᑐᓂᔭᐅᔪᑦ ᑭᖑᑉᐸᓐᓂᐊᕈᓐᓇᐅᒻᒥᒃ ᓚᐃᓴᒥᒃ. |
| 1989 | ᕿᑭᖅᑖᓗᒃ ᑯᐊᐳᕇᓴᒃᑯᑦ ᑐᓂᔭᐅᔪᑦ ᐃᖃᓗᓐᓂ ᓇᖕᒥᓂᖃᕐᓂᕐᒧᑦ ᓚᐃᓴᒥᒃ ᐊᐅᓚᑦᓯᒍᑎᒃᓴᒥᒃ ᐃᑭᕐᒥ ᐃᖃᓗᒐᓱᐊᕈᑎᒃᓴᒥᒃ. |
| 1993 | ᕿᑭᖅᑖᓗᒃ ᑯᐊᐳᕇᓴᒃᑯᑦ ᓯᕗᓪᓕᕐᐹᖅ ᑮᓇᐅᔭᓕᐅᕋᓱᐊᕐᓂᕐᒧᑦ ᐃᓪᓗᓕᐊᖓ ᐱᐊᓂᒃᑐᖅ. ᑐᖑᔪᖅᑐᖅ ᐃᓪᓗᕕᒐᐅᔭᖅ ᐃᖃᓗᓐᓂ, ᐃᓪᓗᕕᒐᖅᑎᑐᑦ ᐋᖅᑭᑦᓯᒪᔪᖅ, ᓄᓇᓕᓐᓄᑦ ᓇᓗᓇᐃᒃᑯᓯᐅᑎᓯᒪᖃᑕᐅᓚᐅᖅᑐᖅ ᐲᔭᖅᑕᐅᖏᓐᓂᖓᓂ 2005-ᒥ. |
| 1994 | ᕿᑭᖅᑖᓗᒃ ᑯᐊᐳᕇᓴᓐ, ᒪᑭᕕᒃ ᑯᐊᐳᕇᓴᓐ ᐊᒻᒪᓗ ᓛᐸᑐᐊ ᐃᓄᐃᑦ ᑲᑐᔾᔨᖃᑎᒌᑦ (ᐅᓈᖅ) ᐊᑐᓂᑦ ᑐᓂᔭᐅᔪᑦ 400 ᒥᑐᕆᒃ ᑕᓐ ᖃᓕᕋᓕᓐᓂᐊᓂᕐᒧᑦ ᑰᑕᓂᒃ. ᑮᓇᐅᔭᓕᐅᕋᓱᐊᕐᓂᕐᒧᑦ ᑲᑐᔾᔨᔪᑦ ᑲᒻᐸᓃᑦ ᓴᖅᑭᖅᑕᐅᔪᑦ ᕿᑭᖅᑖᓗᒃ ᐱᖁᑎᓕᕆᔨᒃᑯᑦ ᓕᒥᑎᑦ ᐊᒻᒪᓗ ᕼᐅᕕᑦ ᐱᖁᑎᓕᕆᔩᑦ ᓕᒥᑎᑦ ᐅᖁᒪᐃᑦᑐᕐᓂᐅᑎᓂᒃ ᓂᐅᕐᕈᑎᖃᖃᑕᓂᕐᒧᑦ ᐱᔨᑦᓯᕈᑎᓄᓪᓗ. |
| 1996 | ᓄᓇᕗᒻᒥ ᐃᓪᓗᓕᐅᖅᑏᑦ ᑯᐊᐳᕇᓴᓐ ᑲᑎᒪᒋᐊᓐᖓᖅᑐᑦ ᑲᑎᒪᔨᖏᑦ. ᕿᑭᖅᑖᓗᒃ ᑯᐊᐳᕇᓴᒃᑯᑦ ᑎᒍᓯᔪᑦ ᐊᐅᓚᑦᓯᓂᕐᒧᑦ ᐋᖅᑭᐅᒪᑦᓯᓂᕐᒧᓪᓗ ᑳᑐᓐᓛᒥᒃ ᐃᖃᓗᐃᑦ ᖃᖓᑕᔫᒃᑯᕕᖓᓂ. |
| 1997 | ᕿᑭᖅᑖᓗᒃ ᑯᐊᐳᕇᓴᒃᑯᑦ ᓴᓇᒌᖅᑐᑦ ᑲᓇᑕᒥ ᖁᓛᒎᓕᓕᕆᔨᒃᑯᑦ ᖁᓛᒍᓕᖃᕐᕕᒃᓴᖓᓂᒃ. |
| 1998 | ᕿᑭᖅᑖᓗᒃ ᑯᐊᐳᕆᓴᒃᑯᑦ ᑎᒍᓯᔪᑦ ᑐᔾᔮᑦ ᓴᓗᒻᒪᓴᖅᑕᐅᓂᖓᓄᑦ ᑳᓐᑐᓛᒥᒃ ᑮᓇᐅᔭᖅᑑᑎᒃᓴᑖᖅᑐᑎᒃ $6.95 ᒥᓕᔭᓐ ᐊᒻᒪᓗ ᑎᒍᓯᓪᓗᑎᒃ 15% ᓇᖕᒥᓂᖃᖃᑕᐅᓂᕐᒧᑦ ᐅᑭᐅᖅᑕᖅᑐᓕᒫᒥ ᐃᓄᐃᑦ ᓱᓇᒃᑯᑖᖃᖅᑎᑦᓯᔨᖏᓐᓂᒃ. |
| 1999 | ᕿᑭᖅᑖᓗᒃ ᑯᐊᐳᕇᓴᒃᑯᑦ ᓂᐅᕕᖅᑐᑦ ᐃᓪᓗᓕᐅᕐᕕᒃᓴᖅ 521 ᑮᓇᐅᔭᓕᐅᕋᓱᐊᕈᑎᒃᓴᒥᒃ ᑲᑐᔾᔨᓂᒃᑯᑦ ᐊᒻᒪᓗ ᕿᑭᖅᑖᓗᒻᒥ ᐅᖅᓴᒃᕕᒃ ᑲᑭᕙᒃ ᑲᑐᔾᔨᖃᑎᒌᓂᒃ. ᕿᑭᖅᑖᓗᒃ ᑯᐊᐳᕇᓴᒃᑯᑦ ᐊᖏᕈᑎᓖᑦ ᐊᑕᐅᓯᕐᒥᒃ ᐊᕐᕌᒍᒥᒃ ᓄᓇᕗᒻᒥ ᐅᔭᕋᒻᒥᒃ ᓴᓇᓐᖑᐊᓂᐊᕐᓂᕐᒧᑦ ᐆᑦᑐᕋᐅᑦ, ᐊᑕᐅᓯᕐᒥᒃ ᓴᓇᐅᒐᓕᐅᕐᓗᑎᒃ ᓯᕗᕌᓂ ᒪᓕᒐᓕᐅᕐᕕᐅᑉ. ᖁᓚᕐᓇᖅᑐᒦᔨᐊᓕᓐᓄᑦ ᐃᑲᔫᑎᒃᓴᑦ ᖃᖓᑦᑕᐅᑎᓄᑦ ᕿᑭᖅᑕᓂ ᐊᑎᖃᖃᑕᐅᔪᖁᑎᖏᓐᓄᑦ. ᕿᑭᖅᑖᓗᒃ ᑯᐊᐳᕇᓴᒃᑯᑦ ᑐᓂᔭᐅᔪᑦ ᓇᖕᒥᓂᖁᑎᒋᔭᐅᔪᓂᒃ ᖃᐅᔨᓴᕐᓂᕐᒧᑦ ᑳᓐᑐᓛᒃᒥᒃ ᓄᓇᕗᑦ ᒐᕙᒪᖓᓄᑦ, ᓱᓕ ᑎᒍᒥᐊᖅᑕᖏᑦ. |
| 2000 | ᐃᓪᓗᕗᑦ ᐃᓪᓗᖁᑖ ᓴᓇᔭᐅᕌᓂᓚᐅᖅᑐᖅ ᐅᔭᕋᖕᒥᒃ ᓴᓇᓯᒪᔪᖃᖅᑐᓂ ᐃᓯᕐᐸᓪᓕᐊᕕᖓᓂ ᐅᔭᕋᑐᐃᓐᓇᓕᕆᔨᓂᒃ ᓴᓇᐅᒐᖅ ᐊᒻᒪᓗ ᑕᑯᔭᒐᑦᓯᐊᕙᒃ ᐳᓚᕋᑎᓄᑦ. |
| 2001 | ᕿᑭᖅᑖᓗᒃ ᑯᐊᐳᕇᓴᒃᑯᑦ ᐱᐊᓂᒃᑐᑦ 21-ᓂᒃ ᐃᖅᑲᓇᐃᔭᖅᑎᓄᑦ ᐊᖏᕐᕋᑦᓴᓂᒃ. |
| 2002 | ᕿᑭᖅᑖᓗᒃ ᑯᐊᐳᕇᓴᒃᑯᑦ ᐃᑲᔫᑎᓖᑦ ᐊᑐᕋᑦᓵᓐᓂᒃ ᒪᕐᕉᓐᓂᒃ ᐊᖏᕐᕌᓐᓂᒃ ᓴᓇᔭᐅᓂᖓᓂ ᐅᑭᐅᖅᑕᖅᑐᒥ ᐱᓐᖑᐊᕕᔾᔪᐊᕐᕕᒃ ᐊᓐᓂᑭᑦᑐᕐᕕᒃ ᐃᖃᓗᓐᓂ. |
| 2004 | ᓂᐅᕕᖅᑐᑦ ᐱᖁᑎᓂᒃ ᒪᕐᕉᓐᓂᒃ ᒥᑭᔫᓐᓂᒃ ᖃᕆᓴᐅᔭᓕᕆᓂᕐᒧᑦ ᑲᒻᐸᓃᒃ ᓴᖅᑭᕈᑎᒃᓴᖓᓂᒃ ᕿᑭᖅᑖᓗᒃ ᖃᕆᓴᐅᔭᓕᕆᓂᕐᒧᑦ ᑯᐊᐳᕇᓴᓐ. ᕿᑭᖅᑖᓗᒃ ᑯᐊᐳᕇᓴᒃᑯᑦ ᓂᐅᕕᕆᐅᖅᑐᑦ ᓯᕐᓗᐊᒥᒃ ᐊᑭᓪᓕᓃᑦᑐᒥᒃ ᐃᖃᓗᓐᓂ, ᐃᓚᖃᖅᑐᓂ ᕿᔪᓕᕆᕕᖕᒥᒃ. ᐃᓚᖏᑦ ᓴᓇᓯᒪᔭᖏᑦ ᑕᑯᔭᒃᓴᐅᔪᑦ ᐃᖃᓗᐃᑦ ᐃᖅᑲᖅᑐᐃᕕᖓᓂ. ᑲᑎᑦᓯᓪᓗᑎᓪᓗ ᐃᓪᓗᓕᐅᕐᕕᒃᓴᖅ ᓄᓇᖓ 521 ᐊᒻᒪᓗ ᑲᑭᕙᒃ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᒃᑯᓐᓂᒃ ᓴᖅᑭᖅᑕᐅᒍᑎᖓᓂᒃ ᕿᑭᖅᑖᓗᒃ ᓇᖕᒥᓂᖁᑎᖏᑦ ᑎᒥᖓ. ᐅᒥᐊᕐᔪᐊᖅ MV ᓴᐳᑎ ᓂᐅᕕᐊᖑᓚᐅᖅᑐᖅ. |
| 2006 | ᕿᑭᖅᑖᓗᒃ ᓱᓇᒃᑯᑖᖃᖅᑎᑦᑎᔨᒃᑯᑦ ᓴᖅᑭᖅᑕᐅᔪᑦ ᑎᒍᓯᖔᕐᓂᐊᑎᓪᓗᒋᑦ ᐊᕙᑎ ᓴᓗᒻᒪᓴᖅᑕᐅᖃᑦᑕᕐᓂᖓᓂᒃ ᐊᒻᒪᓗ ᐱᐊᓂᒃᑕᐅᓗᓂ ᑐᔾᔮᑦ ᓴᓗᒻᒪᓴᖅᑕᐅᓂᖓ. |
| 2007 | ᐱᖑᐊᕐᔪᒃ ᓴᓗᒻᒪᓴᖅᑕᐅᓂᖓᓄᑦ ᑳᓐᑐᓛᒃ ᑐᓂᔭᐅᔪᖅ ᕿᑭᖅᑖᓗᒃ ᓱᓇᒃᑯᑖᖃᖅᑎᑦᑎᔨᓄᑦ. ᕿᑭᖅᑖᓗᒃ ᑯᐊᐳᕇᓴᒃᑯᑦ ᐊᒻᒪᓗ ᓄᓇᓯ ᓂᐅᕕᖅᑐᑎᒃ ᕗᕉᐱᐅᑦ (2006) ᓕᒥᑎᑦ, ᓴᓇᔭᒃᓴᓂᒃ ᓂᐅᕕᐊᒃᓴᓖᑦ ᐃᖃᓗᓐᓂ. ᕿᑭᖅᑖᓗᒻᒥ ᓱᓇᒃᑯᑖᖃᖅᑎᑦᑎᔨᒃᑯᑦ ᐊᑎᓕᐅᖅᑐᑦ ᑳᓐᑐᓛᒥᒃ ᐹᕕᓐᓛᓐ ᓴᕕᒃᓴᓂᒃ ᐅᔭᕋᓐᓂᐊᕕᖕᒥ ᐃᖅᑲᓇᐃᔮᒃᓴᓄᑦ ᐊᖅᑯᑎᓂᓪᓗ ᒥᐊᓂᕐᓯᖃᑦᑕᓂᕐᒧᑦ. |
| 2008 | ᕿᑭᖅᑖᓗᒃ ᑯᐊᐳᕇᓴᒃᑯᑦ ᓇᓪᓕᐅᓂᕐᓯᐅᖅᑐᑦ 25-ᖃᓕᕐᓂᕐᒥᓂᒃ ᐊᕐᕌᒍᓂᒃ ᐊᒻᒪᓗ ᐊᖏᓂᕐᐹᑦ ᐊᕐᕌᒍᒥ ᖄᖏᕐᓂᑯᓕᐊᖏᑦ ᑕᐃᒪᓐᖓᓕᒫᖅ. ᕿᑭᖅᑕᓂ ᐋᓐᓂᐊᕐᕕᒃ ᓴᓇᔭᐅᕌᓂᑦᑐᖅ ᕿᑭᖅᑖᓗᒃ ᑯᐊᐳᕇᓴᒃᑯᓐᓄᑦ. |
| 2009 | ᕿᑭᖅᑖᓗᒻᒥ ᒑᓯᑖᕐᕕᒃ ᓕᒥᑎᑦ ᒪᑐᐃᕐᓯᔪᑦ ᓂᕆᕕᕋᓛᒥᒃ ᑳᐱᕐᕕᐅᓯᓐᓈᑦ ᐃᒡᓗᕗᑦ ᐃᓪᓗᖁᑖᓂ. |
| 2010 | ᐱᖑᐊᕐᔪᒃ ᓴᓗᒻᒪᓴᖅᑕᐅᓂᖓ ᐱᐊᓂᒃᑕᐅᔪᖅ, ᐃᑳᕈᑦ ᐲᔭᖅᑕᐅᖏᑦᑐᖅ ᐊᑐᕋᑦᓴᐅᖁᓪᓗᒍ ᑲᖏᕐᖢᒑᐱᒡᒥ. |
| 2011 | ᕿᑭᖅᑖᓗᒃ ᑯᐊᐳᕇᓴᒃᑯᑦ ᓯᕗᓪᓕᕐᐸᐅᕗᑦ ᐃᓄᐃᑦ ᑲᑐᔾᔨᖃᑎᒌᖏᓐᓂ ᑎᒍᓯᓂᕐᒥᒃ ᐊᑭᑦᑐᕋᐅᑎᒍᑕᐅᔪᒥᒃ ᐊᒻᒪᓗ ᐊᐅᓚᓂᖃᕐᓂᕐᒥᒃ ᓇᓪᓕᐅᒃᑯᒫᖃᖅᑎᑕᐅᓂᕐᒧᑦ ᐊᑐᕆᐊᖃᕋᑎᒃ ᓯᓚᑖᓃᓐᖔᖅᑐᓂᒃ ᓇᓪᓕᐅᒃᑯᒪᔾᔩᖃᑦᑕᖅᑐᓂᒃ. ᒪᕐᕉᒃ ᓄᑖᒃ ᑮᓇᐅᔭᓕᐅᕋᓱᐊᖃᑎᒌᑦᑐᒃᓵᒃ ᑯᐊᐳᕇᓴᕈᖅᑎᑕᐅᔫᒃ - ᕿᑭᖅᑖᓗᒃ ᑯᐊᐳᕇᓴᓐ/ᓯᑳᓕᑦ ᒥᐊᓂᕐᓯᔩᑦ ᑎᒥᖓ ᐊᒻᒪᓗ ᕿᑭᖅᑕᓂ ᓯᕗᓪᓕᖅ ᖃᖓᑕᔫᖏᑦ ᓕᒥᑎᑦ. ᕿᑭᖅᑖᓗᒃ ᑯᐊᐳᕇᒃᑯᑦ ᓴᓈᓂᑦᑐᑦ ᓄᑖᒥᒃ ᐳᑦᑕᔪᒥᒃ ᑐᓚᑦᑕᕕᖕᒥᒃ ᐸᓐᓂᖅᑑᒥ. |
| 2012 | ᐅᒥᐊᕐᔪᐊᖅ MV ᓴᐳᑎ ᓴᓇᔭᐅᒋᐊᖅᑐᖅ. ᕿᑭᖅᑖᓗᒻᒥ ᓱᓇᒃᑯᑖᖃᖅᑎᑦᑎᔨᒃᑯᑦ ᐊᑎᕐᒥᓂᒃ ᐊᓯᔾᔩᔪᑦ ᕿᑭᖅᑕᓂ ᓴᓇᕕᓕᕆᔨᒃᑯᑦ ᑎᒥᖓᓄᑦ ᐊᒻᒪᓗ ᕿᑭᖅᑕᓂ ᐃᖅᑲᓇᐃᔭᖅᑎᓕᕆᔨᒃᑯᑦ ᑎᒥᖓᓂᒃ ᓴᖅᑮᔪᑦ ᐊᐅᓚᑦᓯᓂᐊᖅᑐᒥᒃ ᐃᓄᓐᓂᒃ ᐃᖅᑲᓇᐃᔭᖅᑎᓴᕐᓯᐅᖅᑎᐅᓂᐊᖅᑐᓂᒃ. ᕿᑭᖅᑖᓗᒃ ᓇᒻᒥᓂᖁᑎᖏᑦ ᑎᒥᖓ ᐱᐊᓂᒃᑐᖅ ᑮᓇᐅᔭᓕᐅᕋᓱᐊᕐᕕᒃᓴᑲᓐᓂᕐᒥᒃ ᐃᓪᓗᒥᒃ, ᐊᓪᓚᑉᕕᒃ, ᐃᓄᒃᓱᒐᐃᑦ ᐃᓪᓗᖁᑖᓂ ᐃᖃᓗᓐᓂ. |
| 2013 | ᕿᑭᖅᑖᓗᖕᒥ ᖃᕆᓴᐅᔭᓕᕆᔨᒃᑯᑦ ᑯᐊᐳᕇᓴᓐ ᐱᖓᓲᓕᒻᒥᒃ ᐅᖄᓚᐅᑎᖃᕈᓐᓇᑎᑦᓯᓂᕐᒥᒃ ᐃᑉᐱᐊᔪᒻᒥᒐᕐᓂᒃ ᓴᖅᑮᔪᑦ ᐃᖃᓗᓐᓂ. ᕿᑭᖅᑕᓗᒃ ᑯᐊᐳᕇᓴᒃᑯᑦ ᑲᑐᔾᔨᖃᑎᖃᖅᑐᑎᒃ ᓄᓇᕗᒻᒥ ᐃᓪᓗᓕᐅᖅᑏᑦ ᑯᐊᐳᕇᓴᒃᑯᑦ ᓇᖕᒥᓂᖁᑎᓕᕆᔨᒃᑯᑦ ᓕᒥᑎᑦ ᐊᒻᒪᓗ ᐊᑐᖅᑐᐊᕐᕕᒃ ᑯᐊᐳᕇᓴᒃᑯᓐᓂᒃ ᓴᓇᔪᒃᓴᒫᑦ ᓄᓇᕗᒻᒥ ᑕᑯᓐᓇᒐᑦᓴᓕᕆᕕᒃᓴᒥᒃ ᐃᖃᓗᓐᓂ. ᕗᕉᐱᐅᑦ (2006) ᓕᒥᑎᑦ ᓂᐅᕕᕐᕕᖓ ᑮᓇᐅᔭᕈᖅᑎᑕᐅᔪᖅ. ᕿᑭᖅᑖᓗᒃ ᑯᐊᐳᕇᓴᒃᑯᑦ ᓇᓪᓕᐅᓂᕐᓯᐅᖅᑐᑦ 30-ᖃᓕᕐᓂᕐᒥᓂᒃ ᓴᖅᑭᓚᐅᕐᓯᒪᒻᒪᑕᓂᒃ. |
| 2014 | ᕿᑭᖅᑖᓗᒻᒥ ᒑᓯᑖᕐᕕᒃ ᓕᒥᑎᑦ ᑕᐃᒎᓯᖅᑖᖔᖅᑐᑦ ᓄᑖᒥᒃ ᕿᑭᖅᑕᓂ ᓂᐅᕕᕐᕕᓕᕆᔨᒃᑯᑦ ᓕᒥᑎᑦ ᐊᒻᒪᓗ ᐊᖏᓪᓕᒋᐊᕆᓪᓗᑎᒃ ᐊᐅᓚᑕᒥᓂᒃ. ᐃᓚᓕᐅᔾᔨᔪᑦ ᓄᑖᒥᒃ ᓂᐅᕕᕐᕕᕋᓛᒥᒃ ᑎᒍᒥᐊᖅᑕᒥᓄᑦ ᐃᖃᓗᐃᑦ ᖃᖅᑲᒥᐅᒥᓃᑦ ᓄᓇᖓᓄᑦ. ᕿᑭᖅᑖᓗᒃ ᖃᕆᓴᐅᔭᓕᕆᓂᕐᒧᑦ ᑯᐊᐳᕇᓴᒃᑯᑦ ᐊᖏᓪᓕᒋᐊᕆᔪᑦ ᓂᐅᕕᕐᕕᐅᑉ ᐊᐅᓚᓂᖓᓂᒃ ᐅᐊᔭᒨᖅᑐᓂᒃ ᓂᐅᕕᕐᕕᑖᖅᑐᑎᒃ ᐸᕐᓇᐃᕕᒃ ᐃᓪᓗᖁᑖᓂ. |
