ᐃᖃᓗᓕᕆᔨᒃᑯᑦ ᑲᑎᒪᔨᖏᑦ ᑲᓇᑕᒥ (FCC)

fisheriescouncil.com

ᐅᑯᐊ ᐃᖃᓗᓕᕆᔨᒃᑯᑦ ᑲᑎᒪᔨᖏᑦ ᑲᓇᑕᒥ ᑮᓇᐅᔭᓕᐅᕋᓱᐊᖅᑎᐅᒐᑎᒃ ᑕᐅᓰᓂᕐᒧᑦ ᑲᑐᔾᔨᖃᑎᒌᑦ. ᑕᐃᒪᖓᓂ ᐅᑯᐊ ᑲᑎᒪᔨᑦ ᓴᕿᑕᐅᓚᐅᖅᓯᒪᔪᖅ 1915-ᒥ, ᐃᖃᓗᓕᕆᔨᒃᑯᑦ ᑲᑎᒪᔨᖏᑦ ᑲᓇᑕᒥ ᓂᐱᒋᔭᐅᔪᑦ ᑲᓇᑕᒥᐅᓂᑦ ᓂᐅᕐᕈᑎᖃᖅᐸᒃᑐᓄᑦ ᐃᖃᓗᒐᓱᒃᑎᓄᑦ. ᐃᓚᒋᔭᐅᔪᑦ ᑲᒻᐸᓂᑦ ᐱᓕᕆᔨᐅᕙᒃᑐᑦ ᐅᓄᓛᓂᒃ ᑲᓇᑕᐅᑉ ᐃᖃᓗᖏᓐᓂ ᐊᒻᒪᓗ ᑕᕆᐅᕐᒥᐅᑕᕐᓂᒃ ᓂᕿᓕᕆᕙᒃᑐᑦ. ᐃᓚᒋᔭᐅᔪᑦ ᐃᓚᖏᑦ ᒥᑭᔪᑦ, ᐊᖏᓗᐊᓐᖏᑦᑐᑦ ᐊᒻᒪᓗ ᐊᖏᓂᖅᓴᐅᔪᑦ ᑲᒻᐸᓂᑦ ᑖᒃᑯᐊᓄ ᓄᓇᖅᑲᖅᑳᖅᓯᒪᔪᑦ ᐃᖃᓗᒐᓱᒃᐸᒃᑐᖅ ᑲᓇᑕᐅᑉ ᐱᖓᓱᓂ ᐃᒪᕕᖏᓐᓂ ᐊᒻᒪᓗ ᓄᓇᐃᑦ ᐃᒪᖏᓐᓂ. ᐃᖃᓗᓕᕆᔨᒃᑯᑦ ᑲᑎᒪᔨᖏᑦ ᑲᓇᑕᒥ ᐅᐱᒍᓱᑦᑎᐊᖅᑐᑦ ᐃᖅᑲᓇᐃᔭᕐᑎᑦᑎᔪᓂᒃ ᓄᓇᓕᖕᓂ, ᐃᖅᑲᓇᐃᔮᖃᕐᑎᑦᑎᔪᓂᒃ ᐊᒻᒪᓗ ᐋᕿᒃᓯᓯᒪᔪᓂ ᑮᓇᐅᔭᓕᐅᕐᕕᖃᕐᑎᑦᑎᓪᓗᑎᒃ ᐊᓯᖏᓐᓄᑦ ᓄᓇᓕᖕᓂ ᓇᖕᒥᓂᖃᖅᑐᓄᑦ. 
 
ᑲᓇᑕ ᓄᓇᕐᔪᐊᒥ ᓯᕗᓪᓕᐅᕗᖅ ᓄᖑᑉᐸᓪᓕᐊᓐᖏᖅᓱᓂᒃ ᐃᖃᓗᒐᓱᒃᑐᑦ ᐊᐅᓚᑦᓯᔪᑦ 80% ᑲᓇᑕᐅᑉ ᑕᕆᐅᕐᒥᐅᑕᐃᓐᓂᒃ ᓂᕿᑦᑎᐊᕙᐅᓂᖏᓐᓂᒃ ᓇᓗᓇᐃᒃᑯᓯᖅᑕᐅᓯᒪᔪᑦ ᑕᕆᐅᕐᒥ ᐱᔨᑦᑎᕋᖅᑎᑦ ᑲᑎᒪᔨᖏᓐᓂᒃ, ᓄᓇᕐᔪᐊᒥ ᒎᓗ ᐱᐅᓯᖃᖅᑐᖅ ᐆᒃᑐᕋᖅᑕᐅᑎᓪᓗᒋᑦ ᐃᖃᓗᐃᑦ ᓄᖑᑉᐸᓪᓕᐊᔭᐅᓐᖏᓂᖏᓐᓂᒃ. ᐅᓇ ᒪᓕᑦᑎᐊᖅᑐᖅ 10% ᑐᐃᓐᓇᖅ ᓄᓇᕐᔪᐊᑉ ᐃᖃᓗᒐᓱᒃᑐᓂᒃ ᓇᓗᓇᐃᒃᑯᓯᖅᑕᐅᓯᒪᓂᖏᓐᓂᒃ.  
 
ᐅᑯᐊ ᑲᓇᑕᒥ ᑕᕆᐅᕐᒥᐅᑕᐃᑦ ᑲᒻᐸᓂ ᓴᕿᑦᑎᓯᒪᔪᑦ 80,000 ᐃᖅᑲᓇᐃᔮᕐᓂᒃ, ᓯᒡᔭᓂ ᐊᒻᒪᓗ ᐃᓄᒋᐊᒃᑐᓂᒃ ᓄᓇᓕᖕᓂ, ᐊᒻᒪᓗ $6.9 ᐱᓕᐊᓐ ᑲᓇᑕᐅᓐᖏᑦᑐᒧᑦ ᐊᐅᓐᓚᖅᑎᑕᐅᔪᖅ 139 ᓄᓇᓕᖕᓄᑦ. ᐅᑯᐊ ᐊᖏᓛᓂᒃ ᑲᓇᑕᒥᐅᑕᐅᓐᖏᑦᑐᓄᑦ ᓂᐅᕕᕐᑎᑦᑎᕙᒃᑐᑦ ᑲᓇᑕᐅᑉ ᑕᕆᐅᕐᒥᐅᑕᐃᓐᓂᑦ ᐃᓚᒋᔭᐅᔪᑦ ᔪᓇᐃᑎᑦ ᓯᑕᐃᑦᔅ (63% ᑕᐃᑯᖓ ᐊᐅᓪᓚᖅᑎᑕᐅᔪᑦ), ᓴᐃᓇ (14%) ᔫᓚᑉ ᔫᓂᐊᓐ (7%), ᐊᒻᒪᓗ ᔭᐹᓐ (5%). ᐅᑯᐊ ᑲᑎᒪᔨᑦ ᕿᓂᖅᑐᑦ ᐱᕚᓪᓕᕈᑎᒃᓴᓂᒃ ᓴᕿᑕᐅᔪᓐᓇᖅᑐᑦ ᒫᓐᓇᐅᔪᖅ ᐊᑭᖃᓐᖏᑦᑐᓂᒃ ᑕᐅᖅᓰᔾᔪᑎᑦ ᐊᖏᕈᑎᖏᓐᓂᒃ, ᓲᕐᓗ ᓂᒋᐊ ᑯᓕᐊ, ᓰᑕ, ᐊᒻᒪᓗ CPTPP. ᐅᓄᖅᓯᕙᓪᓕᐊᕗᑦ ᓄᓇᕐᔪᐊᕐᒥᑦ ᐱᔭᐅᔪᒪᔪᑦ ᓂᕿᒃᓴᒥᖕᓂᒃ, ᐃᓚᒋᔭᐅᔪᑦ ᐃᖃᓗᐃᑦ ᐊᒻᒪᓗ ᑕᕆᐅᕐᒥᐅᑕᐃᑦ, ᐱᕈᕈᑕᐅᕙᒃᑐᑦ ᐊᐃᓴᓐ ᓂᐅᕕᐊᒃᓴᕆᓪᓗᒋᑦ ᐊᒻᒪᓗ ᓇᓂᑐᐃᓐᓇᖅ. 
 
ᐅᑯᐊ ᐃᖃᓗᓕᕆᔨᒃᑯᑦ ᑲᑎᒪᔨᖏᑦ ᑲᓇᑕᒥ ᐊᐅᓪᓗᑎᔭᖏᑦ ᐱᓕᕆᓪᓗᒋᑦ ᐅᑯᓄᖓ ᐱᓯᒪᔪᑦ:
  • ᓂᐅᕐᕈᓯᕆᓂᖅ/ᑕᐅᖅᓰᓂᖅ ᐊᑐᐊᒐᖅ ᔪᓇᐃᑎᑦ ᓯᑕᐃᑦᔅ, ᐅᓚᓯᐊ, ᔫᓚᑉ ᔫᓂᐊᓐ, TPP
  • ᐱᖁᑎᓂᒃ ᖃᐅᔨᓴᖅᐸᒃᑐᑦ/ᖃᓄᐃᓕᐅᕆᐊᖃᖅᑐᓄᑦ ᐱᔾᔪᑕᐅᔪᓂ
  • ᓄᓇᕐᔪᐊᒥ ᐃᖃᓗᒐᓱᖕᓂᕐᒥ ᐱᔾᔪᑕᐅᔪᓂᒃ
  • ᐊᕙᑎᓕᕆᓂᖅ/ᐃᒪᕕᓕᕆᓂᖅ ᐊᑐᖅᑕᐅᓂᖏᓐᓄᑦ ᐱᔾᔪᑕᐅᔪᓂᒃ