ᑐᓐᖓᓱᒋᑦ ᕿᑭᖅᑖᓗᒃ ᑯᐊᐳᕇᓴᒃᑯᓐᓄᑦ

ᑎᒍᓯᕙᓪᓕᐊᓂᖅ ᑮᓇᐅᔭᓕᐅᕋᓱᐊᕈᑎᒃᓴᓂᒃ ᐃᓄᖕᓄᑦ

ᕿᑭᖅᑖᓗᒃ ᑯᐊᐳᕇᓴᓐ (QC) ᐃᓘᓐᓇᓂ ᓇᖕᒥᓂᕆᔭᐅᔪᖅ ᐃᓄᐃᑦ ᓴᖅᑭᕐᓯᒪᔭᖓᓄᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᓐ ᓴᖅᑭᖅᑕᐅᓯᒪᔪᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᓄᑦ (ᑕᐃᒎᓯᖃᕆᐊᓐᖓᓚᐅᕐᓯᒪᔪᑦ ᕿᑭᖅᑖᓗᒻᒥ ᐃᓄᐃᑦ ᑲᑐᔾᔨᖃᑎᒌᑦ). ᓴᖅᑭᖅᑕᐅᓚᐅᖅᑐᖅ 1983-ᒥ, ᕿᑭᖅᑖᓗᒃ ᑯᐊᐳᕇᓴᓐ ᐱᔾᔪᑎᖓ ᐱᑕᖃᖅᑎᑦᓯᖁᓪᓗᒋᑦ ᐃᖅᑲᓇᐃᔭᕐᕕᒃᓴᓂᒃ ᐊᒻᒪ ᑮᓇᐅᔭᓕᐅᕈᑕᐅᔪᓐᓇᖅᑐᓂᒃ ᐃᓄᖕᓄᑦ ᐊᕕᑦᑐᕐᓯᒪᓂᖓᓂ. ᕿᑭᖅᑖᓗᒃ ᑯᐊᐳᕇᓴᓐ ᓇᓗᓇᐃᕐᓯᒪᔪᖅ ᐱᓕᕆᑦᓯᐊᖃᑦᑕᕐᓯᒪᓂᖓᓂᒃ ᐃᓄᖕᓂᒃ ᐱᓕᖕᒪᒃᓴᐃᓂᕐᒥᒃ, ᒪᑭᑉᐸᓪᓕᐊᑎᑦᓯᓂᕐᒥᒃ ᐊᒻᒪᓗ ᐃᑲᓇᐃᔭᖅᑎᑦᓯᖃᑦᑕᓂᕐᒥᒃ.

ᕿᑭᖅᑖᓗᒃ ᑯᐊᐳᕇᓴᒃᑯᑦ ᐱᓇᓱᐊᒻᒪᕆᑦᑐᑦ ᐊᖏᓂᕐᐸᐅᓂᕐᒥᒃ ᐃᑲᔫᑎᖃᕐᓂᕐᒥᒃ ᑕᒪᐃᓐᓄᑦ ᓴᓇᕕᐅᔪᓄᑦ ᓄᓇᕗᑦ ᒪᑭᒪᔾᔪᑎᖏᓐᓄᑦ, ᑐᕌᒐᓪᓗᐊᑕᖃᖅᑐᓂ ᐃᖃᓗᓕᕆᓂᕐᒥᒃ, ᓂᐅᕕᕐᕕᓕᕆᓂᕐᒥᒃ, ᓇᖕᒥᓂᖁᑎᓕᕆᓂᕐᒥᒃ ᐊᒻᒪᓗ ᐊᐅᓚᑦᓯᔨᐅᓂᕐᒥᒃ, ᑭᓯᐊᓂᓕ ᐱᖕᒪᕆᐅᓂᕐᐸᐅᓪᓗᓂ ᐱᔨᑦᓯᖃᑦᑕᕐᓂᖅ ᓴᖅᑭᐸᓪᓕᐊᔪᓄᑦ ᐅᔭᕋᓐᓂᐊᓂᕐᒧᑦ ᐊᑐᕋᑦᓴᓂᓪᓗ ᐃᑲᔫᑎᒍᓐᓇᖅᑐᓂᒃ ᓴᓇᕕᖕᓄᑦ. ᓇᓕᒧᒌᓕᖅᑎᑦᓯᓯᒪᓂᒃᑯᑦ ᐱᖅᑯᓯᕐᒧᑦ ᓄᑖᓄᑦ ᓴᖅᑭᐸᓪᓕᐊᔪᓄᑦ ᐊᒻᒪᓗ ᖃᓄᐃᓐᖏᑦᓯᐊᕈᑎᒃᓴᖏᓐᓂᒃ ᒥᐊᓂᕆᔭᐅᑦᓯᐊᕐᓂᖏᓐᓄᑦ ᓄᓇ, ᕿᑭᖅᑖᓗᒃ ᑯᐊᐳᕇᓴᒃᑯᑦ ᐊᐅᓚᑦᓯᔪᑦ ᐱᕚᓪᓕᑎᑦᓯᒍᑎᒃᓴᓂᒃ ᐃᓅᓯᕐᒧᑦ ᑮᓇᐅᔭᓕᐅᕋᓱᐊᕈᑎᒃᓴᓄᓪᓗ ᖃᓄᐃᓐᖏᓯᐊᕈᑎᒃᓴᖏᓐᓄᑦ ᓄᓇᕗᒻᒥᐅᑦ ᑮᓇᐅᔭᓕᐅᕋᓱᐊᕐᓂᒃᑯᑦ ᓴᖅᑮᕙᓪᓕᐊᓂᒃᑯᓘᓐᓃᑦ ᑮᓇᐅᔭᓕᐅᕈᑎᒃᓴᑦᓯᐊᕙᐅᔪᓂᒃ ᓇᖕᒥᓂᖁᑎᖃᕐᓂᒃᑯᑦ.